|
|
 |
| (GMT+08:00)
2004-11-19 13:50:05
|
 |
|
ສົ້ມຜັກຕ້ອງກິນສົດ
cri
Author: li
(CRI) ຫຼາຍຄົນມັກກິນສົ້ມຜັກ,ເພາະມັກກິນລົດສົ້ມໆ. ແຕ່ວ່າຜັກດອງຈະມີທາດບຳລຸງອຸດົມສົມບູນຄືກັບຜັກສົດືບໍ່;ແລະນີຕຼິດທີ່ເກີດຂຶ້ນໃນຜັກດອງມີຜົນສະທ້ອນຫຍັງແດ່ຕໍ່ຮ່າງກາຍຄົນເຮົາ?
ຕາມການຄົ້ນຄວ້າປະກົດເຫັນວ່າ,ສົ້ມຜັກເມື່ອດອກໄດ້ 2-3 ມື້ແລ້ວ,ໃນຜັກຈະມີທາດນີຕິຼດເກີດຂຶ້ນ. ນີຕິຼດແມ່ນທາດເຄມີຊະຊິນດໜຶ່ງທີ່ມີພິດ,ຖ້າກິນເຂົ້າໃນຮ່າງກາຍເກີນ 200 ມີລີກຼາມ ກໍຈະມີອາການອ່ອນເພຍ,ຫົດໃຈເຕັ້ນ,ຫາຍໃຈຝືດ,ຍື່ງທ້ອງແລະສະຫຼົບໄປກໍມີ,ຖ້າອາການໜັກ,ຍັງຈະພາໃຫ້ຕາຍກໍເປັນໄດ້. ສົ້ມຜັກເມື່ອດອງໄດ້ 7 - 8 ມື້ຈະມີນີຕິຼດຫຼາຍທີ່ສຸດ,ຄັນກາຍ 9 ມື້ກໍຈະຄ່ອຍໆໜ້ອຍລົງ. ສະນັ້ນ,ທຳມະດາແລ້ວ,ສົ້ມຜັກຕ້ອງດອງໄດ້ເຄິ່ງເດືອນຈຶ່ງຄ່ອຍກິນໄດ້,ດີທີ່ສຸດໃຫ້ກິນໝົດພາຍໃນ 2 – 3 ເດືອນ. ຄັນເວລາດອງສັ້ນເກີນໄປຫຼືດົນເກີນໄປລ້ວນແຕ່ຈະພາໃຫ້ນີຕິຼດໃນສົ້ມຜັກຫຼາຍເກີນມາດຖານ.
ກ່ຽວກັບທາດບຳລຸງຂອງສົ້ມຜັກຕ້ອງເບິ່ງວ່າຜັກຊະນິດໃດ,ຜັກດອງນອກຈາກວິຕາມິນເຊຖືກທຳລາຍອ່າວຫຼາຍແລ້ວ,ທາດບຳລຸງແນວອື່ນໃນສົ້ມຜັກຍັງຮັກສາໄວ້ຢູ່. ຖ້າກິນສ່ຳໃດສ່ຳໜຶ່ງຢ່າງເໝາະສົມຍັງຈະຊຸກຍູ້ໃຫ້ຮ່າງກາຍຄົນຮັບເອົາທາດເຫຼັກໃນອາຫານ.
ສົ້ມຜັກຖ້າດອງດ້ວຍວິທີຖືກຕ້ອງແມ່ນປອດໄພຢູ່,ແຕ່ຖ້າກິນຫຼາຍຈະມີຜົນສະທ້ອນທາງລົບຕໍ່ສຸຂະພາບ; ໜຶ່ງ,ອາດຈະພາໃຫ້ລະບົບປັດສາວະເປັນໜິ້ວ. ເພາະວ່າທາດເຄມີຢ່າງໜຶ່ງໃນສົ້ມຜັກເມື່ອໄປປະສົມກັບທານການຊີອົມໃນກະເພາະລຳໄສ້,ມັນອາດຈະກາຍເປັນໜິ້ວໄດ້.
ສອງແມ່ນອາດຈະເຮັດໃຫ້ຄົນເຮົາເບື່ອຍ້ອນຂາດອອກຊີແຊນ. ໃນສົ້ມຜັກມີທາດນີຕິຼດເລັກໜ້ອຍ,ຖ້າກິນຫຼາຍເກີນໄປ ມັນຈະພາໃຫ້ໂປຼຕິນເລືອດແດງເສື່ອມເສຍສັບພະຄຸນນຳສົ່ງອອກຊີແຊນ,ແລ້ວພາໃຫ້ຄົນເຮົາເບື່ອຍ້ອນຂາດອອກຊີແຊນ.
ສະນັ້ນ ໃນເວລາກິນສົ້ມຜັກ,ດີທີ່ສຸດໃຫ້ກິນຜັກສົດແນວອື່ນທີ່ມີວິຕາມິນເຊຫຼາຍໄປພ້ອມ,ຕົວຢ່າງຄືຜັກໃບຂຽວ,ຫົວກາຫຼົດ,ມັນຝຣັ່ງ,ຜັກບົວໃຫຍ່ແລະອື່ນໆ. ວິຕາມິນເຊສາມາດສະກັດກັ້ນບໍ່ໃຫ້ເກີດທາດທີ່ພາໃຫ້ເປັນມະເຮັງ.
ນອກນີ້ ສົມຜັກທີ່ປ່ຽນລົດແລ້ວຫຼືຂຶ້ນຮາແລ້ວກິນບໍ່ໄດ້ເດັດຂາດ; ສອງແມ່ນຜັກດອງທີ່ຍັງບໍ່ເປັນຄັກເທື່ອກໍກິນບໍ່ໄດ້. ໃນສົ້ມຜັກສອງຊະນິດດັ່ງກ່າວລ້ວນແຕ່ມີທາດນີຕຼິດຫຼາຍ,ຍິ່ງຈະພາໃຫ້ເປັນມະເຮັງໄດ້ງ່າຍ.
ວິທີແຕ່ງແກງປາໃສ່ສົ້ມຜັກ(ອາຫານທີ່ມີຊື່ສຽງຂອງແຂວງເຊສວນຈີນ)
 ເຄື່ອງແຕ່ງມີ: ປາໄນສົດໂຕໜ່ງ,ໜັກປະມານ 900 ກຼາມ,ໝາກເຜັດແດງ 100 ກຼາມ,ສົ້ມຜັກກາດ 200 ກຼາມ,ຂີງແລະຜັກທຽມ 50 ກຼາມ,ກ້ອນຊຸບໄກ່ກ້ອນໜຶ່ງ,ເກືອ,ໝາກພິກໄທ,ແປ້ງນົວ,ນ້ຳມັນພືດ 75 ກຼາມ,ນ້ຳມັນງາ 15 ກຼາມ.
ວິທີປຸງແຕ່ງຄື: ຄົວປາໃຫ້ດີ,ຕັດເອົາຫົວອອກ,ແລ່ໂຕປາເປັນສອງເຄິ່ງ,ເອົາກ້າງໃຫຍ່ອອກ,ແລ້ວຕັດເປັນຕ່ອນນ້ອຍພໍດີ,ແລ້ວເອົາຕ່ອນປາໃສ່ໃນຊາມ,ໃສ່ຂີງ,ຜັກບົ່ວໃບ,ຖອກເຫຼົ້າໜ້ອຍໜຶ່ງແລະໃສ່ເກືອ,ເອືອບໄວ້ 15 ນາທີ. ແລ້ວເອົາໝາກເຜັດແຫ້ງ,ຂີງແລະຜັກທຽມຊອຍໃຫ້ມຸ່ນ,ສົ້ມຜັກກາດຊອຍເປັນແຜ່ນພໍດີ,ຕັ້ງໝໍ້ກະທະເມື່ອນ້ຳມັນຮ້ອນແລ້ວ,ເອົາໝາກເຜັດ,ຂີງ,ຜັກທຽມລົງໃສ່,ຂົ້ວບຶດໜຶ່ງຈົນມີກິ່ນຫອມ,ແລ້ວເອົາສົ້ມຜັກກາດລົງໃສ່ຂົ້ວນຳກັນ,ແລ້ວໃສ່ນ້ຳ. ຈາກນັ້ນ ໃສ່ຫົວປາແລະກ້າງໃຫຍ່,ຕົ້ມກ່ອນປະມານ 15 ນາທີ,ແລ້ວໃສ່ເກືອ,ໃສ່ເຫຼົ້າໜ້ອຍໜຶ່ງ,ໃສ່ໝາກພິກໄທ,ກ້ອນຊຸບໄກ່ແລະຊີ້ນປາທີ່ໝັກໄວ້,ຕົ້ນອີກປະມານ 5 ນາທີ. ພໍຊີ້ນປາຫາກໍ່ສຸກ,ເອົານ້ຳມັນງາໃສ່,ແລ້ວປົງໝໍ້,ຕັກໃສ່ຖ້ວຍແກງກິນໄດ້ເລີຍ.
|
|
|
