|
|
 |
| (GMT+08:00)
2004-11-19 21:38:04
|
|
ມີທະຫານອາເມລິກາ51ຄົນແລະທະຫານອີຣັກ8ຄົນເສຍຊີວິດໃນບັ້ນລົບຟາລູຈາ
cri
Author: q
ຕາມຂ່າວCRI, ວັນທີ18ພະຈິກ,ເຈົ້າໜ້າທີ່ບັນຊາການຂອງກອງທະຫານອາເມລິກາປະຈຳອີຣັກກ່າວວ່າ,ໃນເວລາປະຕິບັດໜ້າທີ່ປາບປາມຢູ່ພາກຕາເວັນຕົກສຽງໃຕ້ຂອງຟາລູຈາໃນຕອນແລງວັນທີ18ພະຈິກ,ກອງທະຫານອາເມລິກາແລະອີຣັກໄດ້ຖືກກອງປະກອບອາວຸດຕ້ານອາເມລິກາຫຼອນໂຈມຕີ,ທະຫານເຮືອສູ້ລົບເທິງບົກຂອງອາເມລິກາຜູ້ໜຶ່ງແລະທະຫານອີຣັກຜູ້ໜຶ່ງເສຍຊີວິດ.ແຕ່ກອງທະຫານອາເມລິກາແລະອີຣັກບຸກໂຈມຕີຟາລູຈາເມື່ອ11ມື້ກ່ອນມາຮອດປະຈຸບັນ,ໄດ້ມີທະຫານອາເມລິກາ51ຄົນແລະທະຫານອີຣັກ8ຄົນເສຍຊີວິດແລ້ວ.
ຕາມໂທລະພາບອານຈາຊີລາແຫ່ງກາຕາລາຍງານວ່າ,ເຖິງວ່າກອງທະຫານອາເມລິກາໄດ້ອັດຕັນຟາລູຈາຢ່າງໜາແໜ້ນກໍຕາມ,ແຕ່ຍັງມີຜູ້ປະກອບອາວຸດຈຳນວນໜຶ່ງເລັດລອດເຂົ້າຟາລູຈາ,ສືບຕໍ່ສູ້ລົບກັບກອງທະຫານອາເມລິກາ.ຕອນເຊົ້າວັນທີ18ພະຈິກ,ກອງທະຫານອາເມລິກາໄດ້ຖິ້ມລະເບີດໃສ່ເຂດພາກໃຕ້ເມືອງຟາລູຈາອີກ.
|
|
|
