ຕາມ​ຂ່າວCRI: ວັນ​ທີ 19 ພະຈິກ ​ໃນ​ງານ​ຊຸມນຸມ​ນັກ​ຂ່າວ​ທີ່​ຈັດ​ຂຶ້ນຢູ່​ທຳນຽບຫ້າ​ແຈ​ອາ​ເມ​ລິ​ກາ, ທ່ານ​ພົນ​ໂທ​ລັນ​ສ໌ ສະ​ມິດ ຮອງ​ຜູ່​ບັນຊາ​ການ​ກອງ​ບັນຊາ​ການ​ສູນ​ກາງ​ທະຫານ​ອາ​ເມ​ລິ​ກາ​ກ່າວ​ວ່າ, ອາ​ເມ​ລິ​ກາ​ອາດ​ຈະ​ແຕ່ງ​ທະຫານ​ໄປ​ເສີມ​ຢູ່​ອີຣັກກ່ອນ​ອີຣັກຈັດການ​ເລືອກຕັ້ງທົ່ວ​ໄປ​ໃນ​ເດືອນ​ມັງກອນ​ປີໜ້າ.

ທ່ານ​ສະ​ມິດ​ກ່າວ​ວ່າ, ​ໃນທີ່​ສຸດຈະ​ແຕ່ງ​ທະຫານ​ໄປ​ເສີມຢູ່​ອີຣັກຫຼືບໍ່ ບາງ​ພາກ​ສ່ວນ​ຕັດ​ສິນ​ຢູ່​ນຳ​ກຳລັງ​ປະກອບ​ອາວຸດ​ຕ້ານ​ອາ​ເມ​ລິ​ກາ​ຂອງ​ອີຣັກ​ແມ່ນ​ແຂງ​ແຮງ​ຂຶ້ນຫຼືອ່ອນ​ລົງ​ຫຼັງ​ຈາກ​ບັ້ນລົບ​ເມືອງ​ຟາ​ລູຈາ.

ທ່ານ​ສະ​ມິດ​ກ່າວ​ວ່າ, ບັ້ນລົບ​ເມືອງ​ຟາ​ລູຈາ​ໄດ້ຮັບຜົນ​ສຳ​ເລັດ​ທີ່​ສຸດ, ​ແຕ່​ທ່ານ​ຍັງ​ກ່າວ​ວ່າ, ​ປະຈຸ​ບັນຍັງ​ບໍ່​ແມ່ນ​ຍາມ​ກຳນົດວ່າ​ບັ້ນລົບ​ນີ້​ໄດ້​ໂຈມ​ຕີ​ກຳລັງ​ປະກອບ​ອາວຸດຕ້ານອາ​ເມ​ລິ​ກາຢ່າງ​ໜັກໜ່ວງຫຼືບໍ່.

ປະຈຸ​ບັນ ກອງ​ທະຫານ​ອາ​ເມ​ລິ​ກາ​ປະຈຳ​ຢູ່​ອີຣັກມີປະມານ 1 ​ແສນ 3 ໝື່ນ 8000 ຄົນ.