ຕາມ​ຂ່າວCRI: ວັນ​ທີ 19 ພະຈິກ ກອງ​ທະຫານ​ອາ​ເມ​ລິ​ກາ​ແລະ​ກອງ​ທະຫານ​ອີຣັກ​ໄດ້​ຢຸດຕິ​ການ​ຍິງ​ປືນ​ໃຫຍ່​ໃສ່​​ເຂດ​ກາງເມືອງຟາ​ລູຈາ​ໂດຍ​ພື້ນ​​ຖານ, ​ເລີ່​ມຊອກ​ຈັບ​ຜູ່​ປະກອບ​ອາວຸດ​ຕ້ານ​ອາ​ເມ​ລິ​ກາ​ທີ່​ເຫຼືອຢູ່​ນັ້ນແຕ່​ລະ​ເຮືອນ. ອີງ​ຕາມ​ຕົວ​ເລກ​ຜູ່​ຕາຍ​ແລະ​ບາດ​ເຈັບ​ຫຼ້າສຸດ​ທີ່​ທະຫານ​ອາ​ເມ​ລິ​ກາ​ປະກາດ, ​ໃນ​ບັ້ນລົບ​ເມືອງ​ຟາ​ລູຈາ​ທີ່​ກິນ​ເວລາ 11 ມື້ ມີ​ທະຫານ​ອາ​ເມ​ລິ​ກາ​ລວມ 51 ຄົນ​ຕາຍ, ​ແຕ່​ທະຫານ​ອາ​ເມ​ລິ​ກາບໍ່​ໄດ້ປະກາດ​ຈຳນວນ​ຄົນ​ຕາຍ​ແລະ​ບາດ​ເຈັບ​ຂອງ​ສາມັນ​ຊົນ.

​ໃນ​ຂະນະ​ດຽວ​ກັນ, ວັນ​ທີ 19 ພະຈິກ ຜູ່​ປະກອບ​ອາວຸດ​ຕ້ານ​ອາ​ເມ​ລິ​ກາ​ສືບຕໍ່​ຫຼອນ​ໂຈມ​ຕີ​ຕຳຫຼວດ​ແລະ​ກອງ​​ປ້ອງ​ກັນ​ອີຣັກຢູ່​​ເຂດ​ນອກ​ເມືອງ​ຟາ​ລູຈາ.

​ໃນ​ມື້​ດຽວ​ກັນ ກອງປະກອບ​ອາວຸດທີ່​ນຳພາ​ໂດຍ​ທ່ານຈາ​ຄາວີ ຜູ່​ນຳ​ນ້ຳ​ເບີ້​ສາມ​ຂອງ​ອົງ​ການ​ອານ​ເຄດາ​ໄດ້​ອອກ​ຖະ​ແຫຼງການ​ໃນ​ເວັບ​ໄຊ ກ່າວ​ວ່າ​ຫວ່າງ​ມໍ່ໆ​ນີ້ຢູ່​​ໂມ​ຊູນ ອົງ​ການ​ດັ່ງກ່າວ​ໄດ້​ຕັດ​ຄໍ​ນາຍ​ທະຫານ​ສອງ​ຄົນຂອງ​ກອງ​​ປ້ອງກັນ​ອີຣັກ​ຢູ່​ຕໍ່ໜ້າ​ຄົນ​ທັງ​ຫຼາຍ.