ຕາມ​ຂ່າວສານ​ຊິນ​ຮວາ: ວັນ​ທີ 20 ພະຈິກ, ຂ່າວສານ​ສູນ​ກາງ​ສ.ປ.ປ.​ເກົາຫຼີປະກາດ​ບົດ​ວິຈານ​ຂຽນ​ວ່າ, ສ.ປ.ປ.​ເກົາຫຼີຮັບ​ເອົາ​ຜົນ​ການ​ສຳຫຼວດການ​ທົດ​ລອງ​ວັດ​ສະດຸນິວ​ເຄຼຍ​ສ.ປ.ປ​.ເກົາຫຼີຂອງ​ອົງການ​ພະລັງງານ​ປະລະມານູ​ສາກົນ​ບໍ່​ໄດ້, ​ແລະ​ຈະ​ມີ​ຄວາມ​ສົງ​ໄສ​ຕໍ່​ຜົນ​ການ​ສຳຫຼວດ​ໃນ​ພາຍ​ໜ້າ. ບົດ​ວິຈານ​ຂຽນ​ວ່າ, ກ່ອນ​ສຳຫຼວດບັນຫາ​ນິວ​ເຄຼຍຂອງ​ສ.​ເກົາ​ຫຼີ​ໃຫ້​ຈະ​ແຈ້ງຢ່າງ​ເຖິງ​ຖອງ, ສ.ປ.ປ.​ເກົາຫຼີຈະ​ບໍ່​ປະລະ​ກຳລັງ​ກີດຂວາງດ້ວຍ​ນິວ​ເຄຼຍ.

ບົດ​ວິຈານ​ຂຽນ​ວ່າ, ສະພາບ​ການນັບ​ມື້​ນັບຫຼາຍສະ​ແດງ​ໃຫ້​ເຫັນ​ວ່າ, ສ.​ເກົາຫຼີປະກອບ​ອາວຸດ​ນິວ​ເຄຼຍນັ້ນ​ແມ່ນ​ເລື່ອງ​ຈິງ​ແທ້ໆ, ​ໄດ້​​ເປັນ​ໄພ​ຮ້າຍ​ຕໍ່​ສັນຕິພາບ​ຂອງແຫຼມ​ເກົາຫຼີ​​ແລະ​ສະຖຽນລະ​ພາບ​ຂອງ​ພາກ​ພື້ນ​ແຫ່ງ​ນີ້​ຢ່າງ​ໜັກໜ່ວງ.

ບົດ​ວິຈານ​ໄດ້​ຕິຕຽນ​ອາ​ເມ​ລິ​ກາ​​ໃຊ້​ສອງ​ມາດຖານ​ໃນ​ບັນຫາ​ນິວ​ເຄຼຍ, ​ແລະ​ຊັກ​ໃຫຍ້​ອົງ​ການ​ພະລັງງານ​ປະລະມານູ​ສາກົນ​ເລື່ອນ​ເວລາ​ແລະ​​ເຮັດ​ພໍ​ແລ້ວ​ມື​ຕໍ່​ການ​ສຳຫຼວດການ​ທົດ​ລອງ​ວັດ​ສະ​ດຸ​ນິວ​ເຄຼຍສ.​ເກົາຫຼີ.

ບົດ​ວິຈານ​ຂຽນ​ວ່າ, ບັນຫາ​ນິວ​ເຄຼຍສ.​ເກົາຫຼີ​ແມ່ນ​ເລື່ອງ​ໃຫຍ່​ທີ່ກ່ຽວ​ພັນ​ເຖິງ​ສະຖານະ​ການ​ແຫຼມ​ເກົາຫຼີ​ແລະການ​ພົວພັນ​ລະຫວ່າງ​ເໜືອ​​ໃຕ້, ​ແຫຼມ​ເກົາຫຼີປອດນິວ​ເຄຼຍຕ້ອງ​ແມ່ນ​ສອງ​ຝ່າຍ​ເໜືອ​ໃຕ້​ປອດ​ນິວ​ເຄຼຍ.