|
|
 |
| (GMT+08:00)
2004-11-21 17:53:15
|
 |
|
ການປະທະກັນດ້ວຍກຳລັງອາວຸດຢູ່ແບກແດດເກີດຂຶ້ນເນື່ອງນິດ ກອງປະກອບອາວຸດຕ້ານອາເມລິກາກໍ່ການຫລອນໂຈມຕີເລື້ອຍໆ
cri
Author: sayvanny
ຕາມຂ່າວ CRI: ວັນທີ 20 ພະຈິກ ຢູ່ເມືອງແບກແດດ ນະຄອນຫລວງອີຣັກໄດ້ເກີດການປະທະກັນຕໍ່ເນຶ່ອງກັນ, ກອງປະກອບອາວຸດຕ້ານອາເມລິກາຢ່າງຫນ້ອຍໄດ້ປະທະກັນກັບກອງທັບອາເມລິກາແລະອີຣັກຢູ່ຖະຫນົນ 4 ເສັ້ນ,ເປັນເຫດເຮັດໃຫ້ 9 ຄົນເສຍຊີວິດເປັນຢ່າງຫນ້ອຍ, 10 ກວ່າຄົນບາດເຈັບ.
ຢູ່ເມືອງອານອາມີລີຢາທີ່ພາກຕາເວັນຕົກຂອງແບກແດດ, ທະຫານປ້ອງກັນຊາດສາມຄົນຖືກລູກລະເບີດຫລອນໂຈມຕີແລ້ວເສຍຊີວິດ;ຢູ່ເຂດຄາດຼາ,ລູກລະເບີດທີ່ຝັງຢູ່ຂ້າງທາງເຮັດໃຫ້ທະຫານອາເມລິກາສອງຄົນທີ່ພວມລາດຕະເວນບາດເຈັບ.
ຢູ່ຖະຫນົນການຄ້າເສັ້ນຫນຶ່ງທີ່ເບື້ອງຕາເວັນອອກຂອງເມືອງແບກແດດໄດ້ເກີດເຫດການລົດຍົນລະເບີດແບບສະຫລະຊີບທີ່ແນໃສ່ຂະບວນລົດທະຫານອາເມລິກາ, ເຮັດໃຫ້ສາມັນຊົນຜູ່ຫນຶ່ງເສຍຊີວິດ, ອີກຜູ່ຫນຶ່ງບາດເຈັບ, ສ່ວນຂະບວນລົດທະຫານອາເມລິກາພັດໄດ້ພົ້ນຈາກການຫລອນໂຈມຕີ.
ປ້ອມຕຳຫລວດຫລັງຫນຶ່ງທີ່ເຂດອານອາຈາມີຢາ ທີ່ພາກເຫນືອແບກແດດຖືກຫລອນໂຈມຕີ, ເຮັດໃຫ້ທະຫານອາເມລິກາຜູ່ຫນຶ່ງເສຍຊີວິດ, ທະຫານອີກ 9 ຄົນບາດເຈັບ.
ຢູ່ພາກໃຕ້ແບກແດດ, ລົດເກັ໋ງຂອງທີ່ປຶກສາແລະພະນັກງານ 3 ຄົນຂອງກະຊວງກິດຈະການສາທາລະນະອີຣັກຖືກຫລອນໂຈມຕີ, ເຮັດໃຫ້ສີ່ຄົນດັ່ງກ່າວເສຍຊີວິດຫມົດ.
|
|
|
