ຕາມ​ຂ່າວCRI: ວັນ​ທີ 21 ພະຈິກ​ນີ້ ກອງ​ທະຫານອາ​ເມ​ລິ​ກາ​ປະຈຳ​ອີຣັກປະກາດ​ວ່າ, ​ໃນ​ການ​ເຄື່ອນ​ໄຫວ​ທາງ​ການ​ທະຫານ​ຕໍ່ພວກ​ປະກອບ​ອາວຸດ​ຢູ່​ເມື​ອງຟາ​ລູຈາ​ທີ່​ດຳ​ເນີນ​ເປັນ​ເວລາ​ສອງ​ອາທິດນັ້ນ, ກອງ​ທະຫານ​ອາ​ເມ​ລິ​ກາ​ແລະ​ກອງ​ທະຫານ​ອີຣັກ​ໄດ້ຈັບ​ 1450 ກວ່າ​ຄົນ.

ພາຍຫຼັງ​ໄດ້​ຈຳ​ແນ​ກບຸກຄົນ​ທີ່​ຖືກ​ຈັບ​ແລ້ວ, ມີ​ 400 ຄົນ​ບໍ່​ແມ່ນ​ຜູ່​ປະກອບ​ອາວຸດ​ໄດ້​ຖືກ​ປ່ອຍ​ຕົວ​ແລ້ວ, ​ໃນ​ມື້​ດຽວ​ກັນ​ຍັງ​ຈະ​ປ່ອຍຕົວ 100 ຄົນອີກ​ທີ່​ບໍ່​ແມ່ນ​ຜູ່​ປະກອບ​ອາວຸດ.

ນອກ​ນີ້​ຂ່າວ​ແຈ້ງວ່າ, ວັດສະດຸຊ່ອຍ​ເຫຼືອທີ່ສະພາກາ​ແດງອີຣັກ​ແລະ​ປະ​ເທດ​ອາ​ລັບ​ຈຳ​ນວນ​ສະໜອງ​ໃຫ້​ນັ້ນ​ໄດ້​ຂົນ​ສົ່ງ​ໄປ​ຮອດ​ເມືອງ​ຟາ​ລູຈາ​ຕາມໆ​ກັນ, ກອງ​ທະ​ຫານ​ອາ​ເມ​ລິ​ກາ​ປະ​ຈຳ​ຢູ່​ຫັ້ນກໍ​ເລີ່​ມອະນຸຍາດ​ໃຫ້​ແຈກ​ຢາຍ​ອາຫານ​ແລະ​ນ້ຳ​ກິນ​ທີ່​ຕ້ອງການ​ຢ່າງ​ຮີບ​ດ່ວນ​ນັ້ນ​ໃຫ້​ໄທ​ເມືອງ​ຢູ່​ແຫ່ງ​ນັ້ນ.