|
ທ່ານພໍແວວກ່າວລື້ມວ່າ, ອາເມລິກາສະໜັບສະໜູນປາເລັສຕີນຈັດການເລືອກຕັ້ງທົ່ວໄປ
cri
Author: mo
ຕາມຂ່າວCRI：ວັນທີ 22 ພະຈິກ, ທ່ານພໍແວວ ລັດຖະມົນຕີການຕ່າງປະເທດອາເມລິກາໄດ້ກ່າວລື້ມຢູ່ເຢລູຊາເລັມວ່າ, ອາເມລິກາສະໜັບສະໜູນປາເລັສຕີນຈັດການເລືອກຕັ້ງທົ່ວໄປ. ທ່ານຍັງກ່າວວ່າ, ອາເມລິກາຈະກຳໂອກາດຊຸກຍູ້ຂະບວນວິວັດສັນຕິພາບຕາເວັນອອກກາງ.
ໃນເວລາພົບປະທ່ານຊາລົງ ນາຍົກລັດຖະມົນຕີອິດສະລາແອນນັ້ນ, ທ່ານພໍແວວກ່າວວ່າ, ອາເມລິກາຈະພະຍາຍາມຈົນສຸດຄວາມສາມາດຮັບປະກັນການເລືອກຕັ້ງທົ່ວໄປຂອງປາເລັສຕີນໃນວັນທີ 9 ມັງກອນປີໜ້າດຳເນີນໄປຢ່າງສະດວກ. ທ່ານຍັງເຕືອນໃຫ້ສອງຝ່າຍປາເລັສຕີນອິດສະລາແອນໃຊ້ມາດຕະການ, ສ້າງເງື່ອນໄຂທີ່ມີຜົນດີໃຫ້ຊາວປາເລັສຕີນເຂົ້າຮ່ວມການເລືອກຕັ້ງທົ່ວໄປ. ພ້ອມກັນນັ້ນ, ທ່ານພໍແວວຍັງກ່າວວ່າ, ອາເມລິກາຍັງຄົງຈະຍຶດໝັ້ນແຜນການເສັ້ນທາງສັນຕິພາບຕາເວັນອອກກາງເພື່ອແກ້ໄຂບັນຫາປະທະກັນລະຫວ່າງປາເລັສຕີນກັບອິດສະລາແອນ, ແລະຈະອອກແຮງສຸດຂີດຊຸກຍູ້ໃຫ້ຝ່າຍທີ່ກ່ຽວຂ້ອງປະຕິບັດຕາມແຜນການດັ່ງກ່າວໂດຍໄວເທົ່າທີ່ຈະໄວໄດ້.
|
|
