|
ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນເອົາໃຈໃສ່ທີ່ສຸດນຳກອງປະຊຸມສາກົນກ່ຽວກັບບັນຫາອີຣັກ
cri
Author: MO
ຕາມຂ່າວCRI: ວັນທີ 23 ພະຈິກ, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ, ທ່ານນາງຈັ່ງສີເຢ້ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນເອົາໃຈໃສ່ທີ່ສຸດນຳກອງປະຊຸມສາກົນກ່ຽວກັບບັນຫາອີຣັກທີ່ພວມໄຂຂຶ້ນຢູ່ເມືອງຊາມແອນເຊັກແຫ່ງເອຢິບ.
ທ່ານນາງຈັ່ງສີເຢ້ກ່າວວ່າ, ຝ່າຍຈີນໄດ້ແຕ່ງທ່ານວາງກວາງຢ້າ ເອກອັກຄະລັດຖະທູດຈີນປະຈຳສະຫະປະຊາຊາດຕາງໜ້າລັດຖະບານຈີນເຂົ້າຮ່ວມກອງປະຊຸມ. ທ່ານເອກອັກຄະລັດຖະທູດວາງກວາງຢ້າຈະກ່າວຄຳປາໄສສຳຄັນໃນກອງປະຊຸມ, ບັນລະຍາຍຄວາມເຫັນຮອບດ້ານຂອງຝ່າຍຈີນທີ່ມີຕໍ່ສະຖານະການອີຣັກແລະບັນຫາອີຣັກຢ່າງລະອຽດ.
|
|
