|
ພູສາສະຫນາທີ່ຊື່ສຽງ 4 ແຫ່ງຂອງຈີນມີພູເອີເມ ພູພູໂຕ ພູອູໄຕແລະພູຈິວຮວາ
ເຊ່ິງເປັນເຂດທິວທັດຈຸດຫນັກທີ່ມີຊື່ສຽງງວດທຳອິດຂອງຈີນ,ກ່ອນອື່ນ,ພວກເຮົາພາກັນໄປຊົມພູເອີເມ ແຂວງເຊສວນ ພູທິວທັດທີ່ມີຊື່ສຽງແລະງາມທີ່ສຸດຂອງຈີນ, ພູເອີເມຕັ້ງຢູ່ຫ່າງຈາກເມືອງເອີເມແຂວງເຊສວນໄປທາງຕາເວັນຕົກສຽງໃຕ້ 7 ກິໂລແມັດ,ຮູບສັນຖານຂອງພູແຫ່ງນີ້ທັງກັນດານ,ແຕ່ມີພາບວິວທິວທັດງາມແທ້ງາມວ່າ.ຈອມພູຕົ້ນຕໍຂອງພູເອີເມສູງຕັ້ງ 3099 ແມັດ,ມີສາຍພູຕັ້ງສະຫຼັບສັບຊ້ອນເຈືອລະເນືອກັນເປັນຫຼືບ,ຢູ່ແຫ່ງນີ້ອາກາດອົບອຸ່ນ,ຊຸ່ມເຢັນ ມີປ່າໄມ້ດົກຫນາ,ພາຍໃນຂອບເຂດກວ້າງ 60 ກິໂລແມັດທີ່ຈາກຕີນພູຮອດຈອມພູ,ຍ້ອນພູມສັນຖານຕ່ຳສູງຕ່າງກັນອັນໄດ້ຈໍ່ຕົວເປັນອາກາດທີ່ຕ່າງກັນ,ປະລິມານຝົນຕົກກໍຕ່າງກັນແລະມີພຶກສາຊາດຕ່າງກັນ,ຈ່ິງປະກົດມີພຶກສາຊາດຕ່າງກັນຂອງແຖບມໍ່ແຖບຮ້ອນ,ແຖບອຸ່ນເຂດພູດອຍແລະແຖບອຸ່ນຫນາວຂອງເຂດພູສູງ,ມີຊັບພະຍາກອນສັດແລະພຶກສາຊາດອຸດົມສົມບູນ.
ຢູ່ແຫ່ງນີ້,ສາມາດຊົມທິວທັດອັດສະຈັນຄືຕາເວັນໂພ່ຂຶ້ນຈາກຂອບຟ້າ,ທະເລເມກ,ພະພຸດທະຮູບເປ່ັງແສງແລະໂຄມທິບເປັນຕົ້ນ,ແຫ່ງນີ້ມີທັດສະນີຍະພາບທີ່ລືຊື່,ເຊັ່ນວິຫານທີ່ອ່າວໃຫຍ່ແດ່ກໍມີວັດປ້າວໂກວ ວັດຟູຮູ ວັດວ້ານນຽນ ວັດຊຽນຟົງເປັນຕົ້ນ,ໃນສະໄຫມລາຊະວົງຖາງແລະລາຊະວົງຊົ້ງ,ແມ່ນມີສາສະນິກກະຊົນໄປນະມັດສະການຢ່າງຫຼາກຫຼາຍ,ໃນສະໄຫມລາຊະວົງມິງແລະລາດຊະວົງເຊ່ັງເຊ່ິງເປັນສະໄຫມທີ່ພຸດທະສາສະຫນາຈະເລ່ີນທີ່ສຸດນັ້ນ,ທ່ົວເຂດພູດອຍມີວັດ 70 ກວ່າແຫ່ງ,ເປັນບ່ອນຈັດພິທີສາສະຫນາຂອງພະໂພທິສັດພູຊຽນ,ຈາກນັ້ນ,ພວກເຮົາຈ່ົງໄປເບ່ິງພູພຸດໂທ,ທ່ານນາງຈ່າງຈີ້ງຊຸນເວົ້າວ່າ,ພູພຸດໂທແມ່ນພູສັກສິດຂອງພຸດທະສາສະຫນາທີ່ຕັ້ງເຈີ້ນເທີ້ນຢູ່ພຽງແຫ່ງດຽວໃນເກາະກາງທະເລ,ພູພຸດໂທຕັ້ງຢູ່ເມືອງພຸດໂທແຂວງເຈີຈ່ຽງ ແມ່ນເກາະນ້ອຍແຫ່ງຫນ່ຶງໃນຫມູ່ເກາະໂຈວຊານ,ຕາມເວົ້າກັນວ່າ,ພະເຖລະຍ່ີປຸ່ນໄດ້ອັນເຊີນຮູບເຈົ້າແມ່ກວນອີມ.
ຈາກພູອູໄທຊານກັບຄືນປະເທດ,ຢູ່ກາງທາງເລີຍພໍ້ລົມແຮງ,ຈ່ິງເລີຍປະຮູບເຈົ້າແມ່ກວນອີມໄວ້,ແລ້ວສ້າງວິຫານຂຶ້ນເປັນວັດທີ່ສ້າງຂຶ້ນກ່ອນຫມູ່ຢູ່ເທິງເກາະດ່ັງກ່າວ.
ເກາະນ້ອຍແຫ່ງນີ້ມີເນື້ອທີ່ຍາວແຕ່ເຫນືອຮອດໃຕ້ 8,6 ກິໂລແມັດ,ແຕ່ທິດຕາເວັນອອກຮອດທິດຕາເວັນຕົກກວ້າງ 3,5 ກິໂລແມັດ,ມີເນື້ອທີ່ກວ້າງ 12,76 ກິໂລແມັດຕາ,ຈອມພູສູງສຸດແມ່ນພູພະເກດສູງກວ່າລະດັບຫນ້ານ້ຳທະເລ 291,3 ແມັດ,ໃນສະໄຫມຕົ້ນລາຊະວົງເຊ່ັນ:ພຸດທະສາສະຫນາຈະເລີນຮຸ່ງເຮືອງ,ເທິງພູມີວັດພູຈີ ວັດຟາຢູ ແລະວັດຮ້ວຍຈີ ມີວັດພິຂຸນີ 88 ແຫ່ງ,ມີສາສະນິກກະຊົນຕັ້ງຫຼາຍພັນ,ແມ່ນບ່ອນຈັດພິທີສາສະຫນາຂອງເຈົ້າແມ່ກວນອີມ,ແມ່ນປູຊະນີຍະສະຖານພຸດ
ທະສາສະຫນາທີ່ເຮືອງນາມຢູ່ພາຍໃນປະເທດຈີນແລະຕ່າງປະເທດ.
ພູພຸດໂທມີທັດສະນີຍະພາບທຳມະຊາດທີ່ມີທັງພູດອຍ ມີທັງທະເລ ປ່າໄມ້ແລະມີທັງບໍ່ນ້ຳ,ເພ່ີນຈ່ິງເອີ້ນເປັນແດນພະພຸດເທິງທະເລ ປູຊະນີຍະສະຖານຕົ້ນຕໍມີຖ້ຳສຽງທະເລຫາຍໃຈ ຖ້ຳສຽງພາມ,ຖ້ຳຕາເວັນຂຶ້ນ,ຖ້ຳປະຕູທັກສິນເປັນຕົ້ນ,ສະພາບທີ່ຫນ້າຊົມກວ່າຫມູ່ແມ່ນຊົມຟອງທະເລຫາຍໃຈ.
ຕໍ່ໄປ,ທ່ານນາງຈາງຈີ້ງຊຸນຈະພາພວກເຮົາໄປຊົມພູອູທາຍຊານ,ທ່ານນາງສະເຫນີໃຫ້ຮູ້ວ່າ ພູອູທາຍຊານແມ່ນພູຊື່ດັງໃນໂລກພຽງແຫ່ງດຽວທີ່ໄດ້ບັນທຶກເຂົ້າໃນພຸດທະຄຳພີ,ພູອູທາຍຊານຕັ້ງຢູ່ພາກຕາເວັນອອກສຽງເຫນືອແຂວງຊ່ານຊີ,ຍ້ອນປະກອບດ້ວຍ 5 ຈອມພູທີ່ເປັນແທ່ນພຽງເລີຍເອີ້ນອູທາຍຊານ.
ຈອມພູ 5 ຫນ່ວຍດ່ັງກ່າວຊື່ວ່າ,ຈອມພູວ້າງຫາຍ ແປວ່າຈອມພູຫຼຽວເບ່ິງທະເລທາງທິດຕາເວັນອອກ,ຈອມພູກ້ວາເຢະແປວ່າຈອມພູຫ້ອຍດວງເດືອນຢູ່ແທ່ນຕາເວັນຕົກ,ຈອມພູຈິງຊີ້ວແປວ່າຈອມພູສວຍງາມຢູ່ແທ່ນໃຕ້,ຈອມພູຊຸຍຢຽນແປວ່າຈອມພູຫີນຂຽວຢູ່ແທ່ນກາງ,ແລະຈອມພູເຢ້ໂຕວຢູ່ແທ່ນເຫນືອ,ໃນນັ້ນ,ຈອມພູສູງກວ່າຫມູ່ແມ່ນຈອມພູເຢ້ໂຕວ,ສູງກວ່າລະດັບຫນ້ານ້ຳທະເລ 3058 ແມັດ,ຢູ່ຫວ່າງກາງຂອງພູ 5 ຫນ່ວຍນີ້,ແມ່ນຮ່ອມພູ,ສູງກວ່າລະດັບຫນ້ານ້ຳທະເລ 1700 ແມັດ,ມີວັດຊຽນທ່ົງ ວັດທາຢ້ວນ ວັດຊູຊ້ຽງ ວັດພູຊາຕິງເປັນຕົ້ນ,ຍ້ອນວ່າອາກາດແຫ່ງນີ້ເຢັນສະບາຍ,ສະນັ້ນ,ຈ່ິງເອີ້ນເປັນພູເຢັນສະບາຍອີກ,ໃນສະໄຫມຢົງພີງລາຊະວົງຕົງຮ້າຍມີພະເຖລະອິນເດຍມາເຜີຍແຜ່ສາສະຫນາຢູ່ຈີນ,ຈ່ິງເອີ້ນພູອູທາຍຊານເປັນບ່ອນຈັດພິທີສາສະຫນາຂອງພະໂພທິສັດອຸນຊູ,ໃນສະໄຫມສາສະຫນາພຸດຈະເລ່ີນທີ່ສຸດນັ້ນ,ມີວັດວາອາຮາມ 360 ກວ່າແຫ່ງ,ມີພິຂຸ ພິຂຸນີ 2 ພັນກວ່າຕົນ,ປະຈຸບັນຍັງມີວັດທີ່ຮັກສາໄວ້ 58 ແຫ່ງ,ໃນນັ້ນ,ວັດນານຊານ ແລະວັດໂຟກວງແມ່ນວັດບູຮານຂອງລາຊະວົງຖາງ ແມ່ນເຄຫະກໍ່ດ້ວຍໄມ້ກ່ອນຫມູ່ຂອງຈີນທີ່ມາຮອດປະຈຸບັນກໍຍັງຮັກສາໄວ້ຢູ່,ນອກນີ້,ຍັງມີເຄຫະທີ່ກໍ່ດ້ວຍດິນຈ່ີ ຫີນ ແລະທອງເປັນຕົ້ນຂອງສະໄຫມຕ່າງໆ,ພ້ອມດ້ວຍມໍລະດົກຫວັດສາດຄືຮູບພາບ ຮູບຄວັດ ພະພຸດທະຮູບ ພະຄຳພີເປັນຕົ້ນ.
ຫຼືບດິນຂອງພູອູທາຍຊານແມ່ນສັບສົນຫຼາຍ,ແມ່ນແຫຼ່ງສຳຄັນແຫ່ງຫນ່ຶງສຳລັບຄົ້ນຄວ້າທໍລະນີສາດຂອງຈີນ.
ສຸດທ້າຍ,ເຊີນທ່ານຜູ່ຟັງໄປນຳກັນກັບພວກເຮົາ,ໄປທ່ຽວພູຈີວຮວາຊານ ນາງຈາງຈິງຊຸນເວົ້າວ່າ,ພູຈີວຮວາຊານແມ່ນພູມີຊື່ສຽງດ້ານສາສະຫນາພຽງຫນ່ວຍດຽວເຊ່ິງແມ່ນພະເຖລະຕ່າງປະເທດເລ່ີມສ້າງ,ພູຈິວຮວາຊານຕັ້ງຢູ່ເມືອງຊິງຢາງແຂວງອານອຸຍກວ້າງ 100 ກວ່າກິໂລແມັດຕາ,ພູຈິວຮວາຊານມີຈອມພູ 99 ຫນ່ວຍ,ໃນນັ້ນ,ມີຈອມພູ 9 ຫນ່ວຍ,ຄືຈອມພູທຽນທາຍຟົງ ຈອມພູລຽນຮວາຟົງ ຈອມພູທຽນຈູ້ຟົງແລະຈອມພູຊືວາງຟົງເປັນຕົ້ນ,ມີສະພາບສະຫງ່າງາມທີ່ສຸດ.
ຈອມພູຫຼັກຄືຈອມພູຊືວາງຟົງສູງກວ່າລະດັບຫນ້ານ້ຳທະເລ 1342 ແມັດ,ມີພື້ນຕີນພູກວ້າງກວ່າຫມູ່,ຍອດພູຫີນກາງເປີ້ນພູຂຶ້ນໄປຕັ້ງຊ້ອງໆກັນປານຫນໍ່ໄມ້ໃນຍາມຝົນ,ປະກົດມີພາບອັນຫນ້າອັດສະຈັນ,ຢູ່ຫວ່າງພູມີລຳເຊ ນ້ຳຕົກຕາດ,ຕົ້ນສົນແລະໄມ້ໄຜ່ຂຽວອຸ່ມທຸ່ມ.
ໃນສະໄຫມລາຊະວົງຖາງ,ພະເຖລະເກົາຫຼີບູຮານເຄີຍມາບວດຢູ່ວັດນີ້ເປັນເວລາ 75 ປີ,ແລະໄດ້ສ້າງວັດຂຶ້ນ,ໃນສະໄຫມຈະເລີນທີ່ສຸດ,ມີພິຂຸ ພິຂຸນີ 4 ພັນກວ່າຕົນມີວັດວາອາຮາມ 300 ກວ່າແຫ່ງ,ປະຈຸບັນ,ຍັງມີວັດ 65 ແຫ່ງ,ວັດຊື່ດັງມີວັດວາເຊີງ,ວັດປາຍຊຸ້ຍ ວັດຮວຍຊຽງ ແລະວັດທຽນທາຍເປັນຕົ້ນ.
ທ່ານຜູ່ຟັງທີ່ໂຄລົບ,ຫວ່າງກີ້ນີ້,ທ່ານນາງຈາງຈິງຊຸນ ອະດີດຜູ້ອຳນວຍການບໍລິສັດທ່ອງທ່ຽວສາກົນຈີນປະຈຳປາລີໄດ້ສະເຫນີພູພຸດທະສາສະຫນາທີ່ມີຊື່ສຽງສ່ີຫນ່ວຍຂອງຈີນ,ນາງເວົ້າວ່າ,ພູສາສະຫນາພຸດທີ່ມີຊື່ສຽງສ່ີຫນ່ວຍຂອງຈີນນັ້ນຢູ່ໃນໂລກນີ້ກໍ່ມີຊື່ສຽງຄືກັນ,ປີໃດກໍ່ໄດ້ຕ້ອນຮັບແຂກທ່ອງທ່ຽວຕ່າງປະເທດເປັນຈຳນວນຫຼວງຫຼາຍ,ຊາວພຸດຕ່າງປະເທດຢ່າງຫຼາກຫຼາຍ,ເມື່ອມາທ່ຽວຢູ່ຈີນ,ກໍ່ມັກໄປນະມັດສະການພູພຸດທະສາສະຫນາເຫຼ່ົານີ້,ລາວແມ່ນປະເທດເພື່ອນບ້ານໃກ້ຄຽງທີ່ດີຕໍ່ກັນຂອງຈີນ,ແມ່ນປະເທດທີ່ເຊື່ອຖືພຸດທະນາ,ຖ້າວ່າເພື່ອນຜູ່ຟັງຫາກມີໂອກາດມາທ່ຽວປະເທດຈີນ,ກໍຢ່າພາດໂອກາດໄປທ່ຽວປູຊະນີຍະສະຖານເຫຼ່ົານີ້.
ທ່ານຜູ້ຟັງທີ່ໂຄລົບ,ເພື່ອໃຫ້ທ່ານຜູ້ຟັງຈື່ໄດ້ຄັກ,ເຮົາຂໍເວົ້າຕ່ືມອີກເທື່ອຫນ່ຶງພູພຸດທະສາສະນາທີ່ມີຊື່ສຽງສ່ີຫນ່ວຍຂອງຈີນແມ່ນພູເອີເມຊານ ພູພຸດໄທ ພູອູທາຍຊານ ແລະພູຈີວຮວາຊານ.
|
