|
ນາງຈຽງເວີນລີ້ ນັກສະແດງຫນຸ່ມທີ່ຮັບຄວາມນິຍົມຊົມຊອບທີ່ສຸດຈາກຜູ່ຊົມຈີນ,ການສະແດງຂອງນາງໃນປະມວນລະຄອນໂທລະພາບເລື່ອງຢ່າຮ້າງກັນແບບຈີນທີ່ສາຍຢູ່ສະຖານີໂທລະພາບແຫ່ງຕ່າງໆຂອງຈີນໃນເດືອນກັນຍານັ້ນໄດ້ເຮັດໃຫ້ຜູ່ຊົມຈີນເອົາໃຈໃສ່ຢ່າງກວ້າງຂວາງແລະຍ້ອງຍໍຢ່າງຟົດຟື້ນ.
ທີ່ທ່ານພວມຟັງຢູ່ນີ້ແມ່ນການສະແດງຂອງນາງຈຽງເວີນລີ້ໃນປະມວນລະຄອນໂທລະພາບ ເລື່ອງຢ່າຮ້າງກັນແບບຈີນ.ໃນເລື່ອງໂທລະພາບດັ່ງກ່າວ,ນາງຈຽງເວີນລີ້ໄດ້ສະແດງເປັນນາງລິນສຽວເຟິງ ຄູສອນທີ່ສະຫຼະຕົນເອງເພື່ອຄອບຄົວ,ເພື່ອຜົວແລະລູກຊາຍ,ເພິ່ນໄດ້ສະຫຼະໄປໂດຍຕະຫຼອດ,ເມື່ອຜົວໄດ້ຮັບຜົນງານັບມື້ນັບຫຼາຍ,ແຕ່ເພິ່ນຊ້ຳພັດໄດ້ຕົກການຫນ້າຫຼ່າຕາເຫຼືອງ,ຜົວເຫັນວ່າ,ເມຍໄປເຂົ້າຮ່ວມງານມິດຕິງຫຼືໄປຢາມເພື່ອນນ້ຳເພິ່ນຈະເສຍຫນ້າເສຍຕາ,ເວລານີ້,ນາງລິນສຽວເຟິງກໍ່ລະແວງແຄງໃຈຜົວຢ່າງບໍ່ຢຸດຢັ້ງ,ຢາກຄວບຄຸດມຜົວ,ໃນທີ່ສຸດ,ນາງລິນສຽງເຟິງຕື່ນຕົວວ່າ ເຮັດແບບນີ້ຜິດ,ແຕ່ຜົວເພິ່ນທີ່ຖືກເສຍຫາຍຢ່າງຫນັກຫນ່ວງນັ້ນຊ້ຳພັດບໍ່ຢາກອະໄພຕໍ່ນາງ.ໃນເວລານາງກ່າວເຖິງການສະແດງໃນເລື່ອງຢ່າຮ້າງກັນແບບຈີນ,ນາງເວົ້າວ່າ:ໃນເວລາຂ້າພະເຈົ້າອ່ານບົດລະຄອນນີ້,ບໍ່ໄດ້ຄິດຜູ່ຊົມເບິ່ງຂ້ອຍເປັນແນວໃດ,ຫຼືວ່າຂ້າພະເຈົ້າຈະມີພາບພົດແນວໃດຢູ່ຕໍ່ຫນ້າຜູ່ຊົມ,ຂ້າພະເຈົ້າຮູ້ສຶກວ່າ,ນັກສະແດງຕ້ອງບຸກທະລຸຕົນເອງ,ທີຈິງແລ້ວນີ້ແມ່ນເລື່ອງຍາກທີ່ສຸດ.
ນາງຈຽງເວີນລີ້ມັກຕົວສະແດງທີ່ມີລັກສະນະທ້າທາຍ,ຕົວສະແດງຂອງເພິ່ນໃນເລື່ອງໂທລະພາບແລະຮູບເງົານັ້ນສະແດງໃຫ້ເຫັນຄວາມສາມາດການສະແດງຂອງນາງຢ່າງເຕັມສ່ວນ,ກ່ອນນີ້ບໍ່ດົນ,ນາງຈຽງເວີນລີ້ໄດ້ອາໄສຮູບເງົາເລື່ອງເລື່ອງເກົ່າໄຕ້ຫວັນໄດ້ຖືກປະກວດເປັນນັກສະແດງເພດຍິງຕົວເດັ່ນທີ່ສຸດຂອງລາງວັນຮວາປຽວເຊິ່ງເປັນລາງວັນຮູບເງົາຂອງລັດຖະບານຈີນ,ນີ້ແມ່ນນາງໄດ້ຮັບລາງວັນເທື່ອທີສອງແລ້ວ,ນອກນີ້,ນາງຍັງໄດ້ຮັບລາງວັນເລື້ອຍໆໃນການປະກວດຕ່າງໆຂອງວົງການຮູບເງົາຈີນ,ຖືກເຫັນໂດຍທົ່ວໄປວ່າເປັນຫນຶ່ງໃນນັກສະແດງຍິງຜູ່ຫນຶ່ງຂອງຈີນທີ່ມີຄວາມສາມາດສູງກວ່າຫມູ່.
ໂດຍອາໄສຊົງເດີມທີ່ສົດຊື່ທຳມະຊາດ,ນາງຈຽງເວີນລີ້ໄດ້ເສັງເຂົ້າະຫາວິທະຍາໄລຮູບເງົາຈີນປັກກິ່ງ,ປີ 1992,ນາງຈຽງເວີນລີ້ໄດ້ຮຽນຈົບຈາກມະຫາວິທະຍາໄລຮູບເງົາດັ່ງກ່າວ.ປີ 1993,ນາງຈຽງເວີນລີ້ໄດ້ສະແດງເປັນນາງໂສເພນີຜູ່ຫນຶ່ງໃນຮູບເງົາເລື່ອງເຈົ້າປ້າຫວັງເປຈີ່ທີ່ທ່ານເສີນຄາຍເກີເປັນຜູ່ກຳກັບການສະແດງ.ໃນເລື່ອງນີ້ເຖິງວ່າການສະແດງຂອງເພິ່ນບໍ່ຫຼາຍມີພຽງບໍ່ເທົ່າໃດນາທີທໍ່ນັ້ນ,ເພິ່ນໄດ້ສະແດງຈຸດພີເສດຂອງນາງໂສເພນີອອກຢ່າງເຕັມທີ່,ສົມເປັນຄຳພີ.ຈົນຮອດປະຈຸບັນ,ການສະແດງຕອນນີ້ໃນຮູບເງົາດັ່ງກ່າວຖືກຖືເປັນແບບຮຽນຂອງນັກສຶກສາໃນພະແນກການສະແດງຂອງມະຫາວີທະຍາໄລຮູບເງົາ,ນາງຈຽງເວີນລີ້ຮູ້ສຶກວ່າ ການສະແດງຮູບເງົາແມ່ນຖືກໃຈເພິ່ນທີ່ສຸດ,ນາງຄອງຄອຍການສະແດງຮູບເງົາ,ຄວາມຄິດແຕ່ດ້ານດຽວໄດ້ເຮັດໃຫ້ເພິ່ນບໍ່ຢາກສະແດງລະຄອນໂທລະພາບ,ໃນເວລາຜ່ານໄປດົນນານ,ເພິ່ນຈົນຄິດວ່າບໍ່ຢາກເປັນນັກສະແດງດປີ 1998,ນາງໄດ້ສະແດງລະຄອນໂທລະພາບເລື່ອງຈັບມື.
ລະຄອນໂທລະພາບເລື່ອງຈັບມືໄດ້ເລົ່າເລື່ອງຄວາມຮັກຂອງສອງຜົວເມຍປັນຍາຊົນຄູ່ຫນຶ່ງ,ທຳອິດສອງຜົວເມຍຍັງຮັກແພງກັນ,ຕໍ່ມາສອງຝ່າຍເປີດຫນ່າຍ,ຜູ່ເປັນຜົວມີຊູ້ອີກ,ສອງຜົວເມຍກຊຢ່າຮ້າງກັນ,ແຕ່ໃນທີ່ສຸດໄດ້ດີຄືນອີກ,ໃນບົດລະຄອນ,ນາງຈຽງເວີນລີ້ໄດ້ສະແດງເມຍທີ່ໃຈດີໃຈບຸນ ທັງມີນ້ຳໃຈຫມັ້ນຫນຽວ,ຍ້ອນການສະແດງຂອງເພິ່ນໄດ້ດູດດຶງໃຈຂອງຜູ່ຊົມຫຼາຍ,ດັ່ງນັ້ນ,ນາງຈຽງເວີນລີ້ໄດ້ມີຊື່ສສຽງດົງດັງຂຶ້ນຢູ່ຈີນ
ແຕ່ເປັນນັກສະແດງສິບປາຍປີມານີ້,ຕົວສະແດງຂອງນາງຈຽງເວີນລີ້ບໍ່ຫຼາຍປານໃດ,ນີ້ແມ່ນຍ້ອນມາດຖານຂອງເພິ່ນໃນການເລືອກເອົາຕົວສະແດງຢ່າງເຄັ່ງຄັດ,ແຕ່ວ່າຕາບໃດເຫັນວ່າຕົວສະແດງທີ່ຕົນເອງມັກ,ນາງຈຽງເວີນລີ້ກໍພະຍາຍາມທີ່ສຸດສະແດງໃຫ້ດີ,ຜູ່ຊົມເບິ່ງການສະແດງຂອງເພິ່ນ,ຮູ້ສຶກວ່າແມ່ານຄົນລື້ງກັນຢູ່ເທິງຈໍໂທລະພາບ,ອາລົມມ່ວນຊື່ນເປີດບານຫຼືເສົ້າຫສອງຂອງຕົວສະແດງຢູ່ເທິງຈໍໂທລະພາບນັ້ນໄດ້ສະແດງສະພາບແລະຈິດໃຈຂອງແມ່ຍິງວົງການຕ່າງໆໃນສັງຄົມຈີນໃນສະໄຫມປະຈຸບັນຈາກມູມຕ່າງໆ,ນາງຈຽງເວີນລີ້ເວົ້າວ່າ,ສິ່ງທີ່ເພິ່ນຢາກສະແດງນັ້ນທີ່ຈິງແລ້ວແມ່ນເລື່ອງໃນໃຈຂອງແມ່ຍິງ,ຄວາມຫມອງໃຈ ຄວາມຂ້ອງໃຈຂອງແມ່ຍິງ ຄວາມຄິດອັນແທ້ຈິງຂອງແມ່ຍິງ.
ຊີວິດການກິນການຢູ່ຂອງຈຽງເວີນລີ້ກະທັດຮັດງ່າຍດາຍ,ເພິ່ນມີຄອບຄົວທີ່ມີຄວາມຜາສຸກ,ນາງຈຽງເວີນລີ້ເວົ້າວ່າ,ຫຼັງຈາກອາຍຸ 30 ປີແລ້ວ,ເພິ່ນເອງຈຶ່ງຮູ້ສຶກວ່າ ຊີວິດແມ່ນມ່ວນໃຈແທ້ໆ,ກ່ອນຫນ້ານີ້,ເພິ່ນບໍ່ຮູ້ຊີວິດການເປັນຢູ່ປານໃດ,ເມື່ອໄດ້ຜ່ານເວັນຜ່ານມືຫຼາຍແລ້ວ,ຈຶ່ງຮູ້ສຶກຄວາມສະຫງົວແລະຄວາມມ່ວນຊື່ນຂອງຊີວິດ,ເພິ່ນເວົ້າວ່າ,ແມ່ຍິງມີຄວາມຫມັ້ນໃຈຕໍ່ຕົນເອງ,ງາມໃນໄວຕ່າງກັນ,ຄວາມງາມແມ່ນອອກຈາກຈິດໃຈຂອງຕົນເອງ
|
