|
ສາທາລະນະລັດອິນໂດເນເຊຍຕັ້ງຢູ່ພາກຕາເວັນອອກສຽງໃຕ້ຂອງອາຊີ, ດິນແດນກວມສອງຝາກຂອງເສັ້ນສູນສູດ. ມີເນື້ອທ່ີທາງບົກ 1 ລ້ານ 9 ແສນ 4 ພັນ 443 ຕາລາງກິໂລແມັດ, ເນື້ອທີ່ນ່ານທະເລທໍ່ກັບປະມານ 4 ເທົ່າຂອງເມື້ອທີ່ດິນທາງບົກ. ຕາມສື່ມວນຊົນອິນໂດເນເຊຍລາຍງານໃນວັນທີ 18 ກຸມພາປີ 2003 ວ່າ, ຕາມຂໍ້ມູນດາວທຽມ, ນັບລວມແລ້ວ, ອິນໂດເນເຊຍປະກອບດ້ວຍເກາະດອນນ້ອຍໃຫຍ່ 1 ໝື່ນ 8 ພັນ 108 ເກາະ, ຖືກເອິ້ນເປັນປະເທດໝ່ືນເກາະເທິງ 6000 ກວ່າເກາະມີຄົນອາໄສຢູ່. ຊາຍຝັ່ງທະເລອິນໂດເນເຊຍຍາວ 1 ແສນ 8 ພັນ 920 ກິໂລແມັດ, ເນື້ອທ່ີຫີນປະກາລັງທັງໝົດມີ 2 ໝື່ນ 731 ຕາລາງກິໂລແມັດ. ເກາະກາລີມານຕານທີ່ຢູ່ພາກເໜືອຕໍ່ແດນກັບມາເລເຊຍ, ເກາະນີວກີເນຕິດຕໍ່ກັບປາປົວນີວກີເນ. ຕໍ່ໜ້າ, ພາກຕາເວັນອອກສຽງເໜືອແມ່ນຟີລິບປີນ, ພາກຕາເວັນອອກສຽງໃຕ້ແມ່ນມະຫາສະໝຸດອິນເດຍ, ພາກຕາວັນຕົກສຽງໃຕ້ຢູ່ກົງກັບອົສຕຼາລີ. ນະຄອນຫຼວງຢາກາກຕາຕັ້ງຢູ່ເກາະຊາວາ.
ຕາມສະຖິຕິໃນເດືອນມິຖຸນາປີ 2000 , ປະຊາກອນອິນໂດເນເຊຍມີ 203 ລ້ານ 5 ແສນຄົນ, ອັດຕາປະຊາກອນເພີ່ມຂຶ້ນຢູ່ລະຫວ່າງ 1，35%, ມີ 100 ກວ່າຊົນເຜົ່າ. ພາສາຝ່າຍທາງການແມ່ນພາສາອິນໂດເນເຊຍ, ມີພາສາທ້ອງຖິ່ນປະມານ 300 ຊະນິດ. ພົນລະເມືອງປະມານ 88% ເຊື່ອຖືສາສະໜາອິດສະລາມ, 10% ເຊື່ອຖືສາສະໜາຄຼິສຕຽນ, ຜູ່ເຊື່ອຖືສາສະໜາອິນເດຍແລະສາສະໜາພຸດກວມປະມານ 2%.
ລະຫວ່າງຄ.ສ.ສະຕະວັດທີ 3 ຫາສະຕະວັດທີ 7, ຢູ່ອິນໂດເນເຊຍໄດ້ສ້າງລາຊະອານາຈັກສັກດິນາຈຳນວນໜ່ຶງທ່ີຢູ່ກະຈັກກະຈາຍກັນ. ແຕ່ທ້າຍສະຕະວັດທີ 13 ຫາຕົ້ນສະຕະວັດທີ 14, ຢູ່ເກາະຊາວາ, ໄດ້ສ້າງຕັ້ງປະເທດຈັກກະພັດສັດດິນາມາໂນບາເຊທ່ີເຂັ້ມແຂງທ່ີສຸດໃນປະຫວັດສາດອິນໂດເນເຊຍ. ໃນສະຕະວັດທີ 15, ປອກຕຸຍການ ແອັສປາຍແລະອັງກິດໄດ້ເຂົ້າຮຸກຮານຢ່າງເປັນລຳດັບ. ເມ່ືອປີ 1596, ໂຮນລັງໄດ້ເຂົ້າຮຸກຮານ, ປີ 1602, ໂຮນລັງໄດ້ສ້າງຕັ້ງບໍລິສັດອິນເດຍຕາເວັນອອກທ່ີມີສິດອຳນາດລັດຖະບານ, ເມ່ືອທ້າຍປີ 1799, ຕັ້ງເປັນລັດຖະບານເມືອງຂຶ້ນ. ປີ 1942, ຢ່ີປຸ່ນຍຶດຄອງອິນໂດເນເຊຍ, ປີ 1945, ຫຼັງຈາກຍ່ີປຸ່ນຍອມຈຳນົນ, ອິນໂດເນເຊຍໄດ້ເກີດການປະຕິຫວັດເດືອນສິງຫາ, ວັນທີ 17 ສິງຫາ, ອິນໂດເນເຊຍໄດ້ປະກາດເປັນເອກະລາດ, ແລ້ວສ້າງຕັ້ງສາທາລະນະລັດອິນໂດເນເຊຍ. ແຕ່ປີ 1947 ເປັນຕົ້ນມາ, ໂຮມລັງກັບອິນໂດເນເຊຍໄດ້ເກີກສົງຄາມຫຼາຍເທ່ືອແລະໄດ້ຫາລືກັນ, ເຊັນ"ສັນຍາກອງປະຊຸມໂຕະມົນອິນໂດເນເຊຍໂຮນລັງ" ເມ່ືອເດືອນພາຈິກປີ 1949. ຕາມສັນຍາດັ່ງກ່າວ, ອິນໂດເນເຊຍໄດ້ສ້າງຕັ້ງສາທາລະນະລັດສະຫະພາບອິນໂດເນເຊຍ, ໃນວັນທີ 27 ທັນວາປີ 1949, ແລະເຂົ້າຮ່ວມສະຫະພາບໂຮນລັງອິນໂດເນເຊຍ. ເມ່ືອເດືອນສິງຫາປີ 1950, ສະພາສະຫະພາບອິນໂດເນເຊຍໄດ້ຜ່ານລັດຖະທຳມະນູນຊ່ົວຄາວ, ປະກາດສ້າງຕັ້ງສາທາລະນະລັດອິນໂດເນເຊຍຢ່າງເປັນທາງການ.
ອິນໂດເນເຊຍປະຕິບັດນະໂຍບາຍການຕ່າງປະເທດອັນຕັ້ງໜ້າທ່ີເປັນເອກະລາດເປັນເຈົ້າຕົນເອງ, ມີເຈດຈຳນົງໃຫ້ປະເທດໃຫຍ່ສະໝຳ່ສະເໝີກັນ, ຕັ້ງໜ້າເຂົ້າຮ່ວມວຽກງານສາກົນແລະພາກພື້ນ, ສຸມກຳລັງເຂົ້າໃນຂະບວນການບໍ່ຮ່ວມກຸ່ມ. ມີເຈດຈຳນັງໃຫ້ປັບປຸງສະຫະປະຊາຊາດ, ຂະຫຍາຍສະພາຄວາມໝັ້ນຄົງ. ຄັດ ຄ້ານປະເທດຝ່າຍຕາເວັນຕົກຄືອາເມລິກາເປັນຕົ້ນເອົາເສດຖະກິດພົວພັນກັບສິດທິມະນຸດ ສ່ິງແວດລ້ອມແລະອ່ືນໆ, ຊຸກຍູ້ການຮ່ວມມືໃຕ້ໆແລະການເຈລະຈາເໜືອໃຕ້, ຕັ້ງໜາເຂົ້າຮ່ວມການຮ່ວມມືດ້ານເສດຖະກິດໃນພາກພື້ນອາຊີປາຊີຟິກ, ເອົາໃຈໃສ່ນຳການພົວພັນຮ່ວມມືມິດຕະພາບກັບບັນດາປະເທດສະມາຊິກອາຊຽນ, ຕັ້ງໜ້າຂະຫຍາຍການພົວພັນກັບອາເມລິກາ ຍີ່ປຸ່ນ ລັດເຊຍແລະບັນດາປະເທດເອີລົບ. ມີເຈດຈຳນົງໃຫ້ແກ້ໄຂບັນຫາທະເລຈີນໃຕ້ໂດຍສັນຕິ. ແມ່ນປະເທດສະມາຊິກຂອງອົງການສະພາອິດສະລາມ ອາຊຽນແລະອົງການໂອເປັກ.
|
