|
|
 |
| (GMT+08:00)
2004-11-29 22:10:46
|
 |
|
ການພົວພັນມິດຕະພາບຮ່ວມມືກັນຖານບ້ານໃກ້ເຮືອນຄຽງລະຫວ່າງຈີນກັບອາຊຽນ
cri
ປະເທດອາຊຽນແມ່ນປະເທດບ້ານໃກ້ເຮືອນຄຽງທ່ີມີໄມຕີຈິດກັບຈີນ,ຈີນໄດ້ສ້າງສາຍສຳ ພັນການທູດກັບປະເທດອາຊຽນທັງຫມົດແລ້ວ.
ໃນຕົ້ນຊຸດປີ 90 ສະຕະວັດທີ 20,ການພົວພັນລະຫວ່າງຈີນກັບບັນດາປະເທດອາຊຽນໄດ້ຮັບການຂະຫຍາຍຕົວຢ່າງຮອບດ້ານ.ເດືອນກໍລະກົດປີ 1991,ທ່ານສຽນສີເສີນ ລັດ ຖະມົນຕີການຕ່າງປະເທດຈີນໄດ້ເຂົ້າຮ່ວມພິທີໄຂກອງປະຊຸມລັດຖະມົນຕີອາຊຽນ ຄັ້ງທີ 24,ນີ້ແມ່ນຈີນຕິດຕໍ່ພົວພັນເປັນທາງການກັບອາຊຽນເປັນຄັ້ງທຳອິດ.ແຕ່ນັ້ນມາ,ລັດຖະມົນຕີການຕ່າງປະເທດຈີນໄດ້ເຂົ້າຮ່ວມກອງປະຂຸມລັດຖະມົນຕີການຕ່າງປະເທດອາຊຽນທຸກປີ.
ເດືອນກໍລະກົດປີ 1994,ໃນຖານເປັນປະເທດຄູ່ປຶກສາຫາລືຂອງອາຊຽນ,ຈີນໄດ້ເຂົ້າຮ່ວມກອງປະຊຸມເວທີປາໄສພາກພື້ນອາຊຽນຄັ້ງປະຖົມມະເລີກທ່ີຈັດຂຶ້ນຢູ່ບາງກອກ,ໃນກອງ ປະຊຸມ,ທ່ານສຽນສີເສີນ ຮອງນາຍົກລັດຖະມົນຕີທັງເປັນລັດຖະມົນຕີການຕ່າງປະເທດຈີນໄດ້ບັນລະຍາຍທັດສະນະແລະຫລັກຫມັ້ນຂອງຈີນຕໍ່ບັນຫາຄວາມປອດໄພຂອງພາກພື້ນອາຊີປາຊິຟິກ,ໄດ້ສະເຫນີຫລັກ 5 ປະການກ່ຽວກັບບັນຫາການຮ່ວມມືດ້ານ ຄວາມປອດໄພອາຊີປາຊິຟິກ.ເດືອນເມສາປີ 1995,ກອງປະຊຸມ ປຶກສາຫາລືກັນລະຫວ່າງເຈົ້າຫນ້າທ່ີອາວຸໂສຈີນອາຊຽນຄັ້ງປະຖົມມະເລີກໄດ້ຈັດຂຶ້ນຢູ່ເມືອງຫາງໂຈວຂອງຈີນ.
ເດືອນກໍລະກົດປີ 1996,ຈີນໄດ້ຈາກປະເທດຄູ່ປຶກສາຫາລືຂອງອາຊຽນໃນແຕ່ກ່ອນຂຶ້ນເປັນປະເທດຄູ່ເຈລະຈາຮອບດ້ານຂອງອາຊຽນ.ເດືອນທັນວາປີ 1997, ທ່ານປະທານຈຽງເຈີມິນໄດ້ເຂົ້າຮ່ວມກອງປະຊຸມສຸດຍອດບໍ່ເປັນທາງການຂອງອາຊຽນກັບຈີນ ຍ່ີ່ປຸ່ນ ສ.ເກົາຫລີ,ສອງຝ່າຍໄດ້ປະກາດຖະແຫລງການຮ່ວມຂອງກອງປະຊຸມສຸດຍອດຈີນອາຊຽນ,ໄດ້ກຳນົດທິດແລະຫລັກການຊີ້ນຳການພົວພັນຄູ່ໄວ້ເນ້ຶອເຊ່ືອໃຈກັນຖານບ້ານໃກ້ເຮືອນຄຽງລະຫວ່າງຈີນອາຊຽນທ່ີອວ່າຍຫນ້າໄປສູ່ສະຕະວັດທີ 21. ປີ 2003,ການພົວພັນຈີນອາຊຽນກໍ່ໄດ້ຂະຫຍາຍໄປຮອດການພົວພັນຄູ່ປະສານງານຍຸດທະສາດ,ຈີນໄດ້ກາຍເປັນປະເທດໃຫຍ່ປະເທດທຳອິດທ່ີຢູ່ນອກພາກພື້ນເຂົ້າເປັນພາຄີສົນທິສັນຍາມິດຕະ ພາບຮ່ວມມືອາຊີອາຄະເນ.ແຕ່ຈີນກາຍເປັນປະເທດຄູ່ເຈລະນາຂອງອາຊຽນເມ່ືອປີ 1996 ເປັນຕົ້ນມາ,ການຮ່ວມມືຂອງສອງຝ່າຍ,ໂດຍສະເພາະແມ່ນການຮ່ວມມືໃນຂົງເຂດເສດຖະກິດການຄ້າໄດ້ຮັບການຂະຫຍາຍຕົວຮອບດ້ານ,ອາຊຽນໄດ້ກາຍເປັນຄູ່ການຄ້າໃຫຍ່ທີ 5 ຂອງຈີນ,ຈີນໄດ້ກາຍເປັນຄູ່ການຄ້າໃຫຍ່ທີ 6 ຂອງອາຊຽນ.ປີ 2002,ຈີນແລະອາຊຽນໄດ້ກຳນົດເປົ້າຫມາຍສ້າງເຂດການຄ້າເສລີໃນປີ 2010.
ເລີ່ມແຕ່ວັນທີ 1 ຕຸລາປີ 2003,ຈີນແລະໄທໄດ້ປະຕິບັດແຜນການບໍ່ເກັບພາສີກ່ອນຫມູ່ໃນດ້ານການຄ້າຜະລິດຕະພັນກະສິກຳເຊັ່ນຫມາກໄມ້ແລະຜັກເກືອບ 200 ຊະນິດ.ແຜນ ການ"ຮັບຜົນໃນໄລຍະຕົ້ນ"ໃນຂອບການຄ້າເສລີຈີນອາຊຽນກໍ່ໄດ້ປະຕິບັດໃນຕົ້ນປີນີ້.ໃນ 10 ເດືອນຕົ້ນປີນີ້,ມູນຄ່າການຄ້າສອງຕໍ່ສອງຈີນແລະອາຊຽນໄດ້ບັນລຸເຖິງ 84 ຕື້ 610 ລ້ານໂດລາສະຫະລັດ,ເພ່ີມຂຶ້ນຫລາຍກວ່າເວລາດຽວກັນຂອງປີ 2003 35,2%.
ເພ່ືອເພ່ີມທະວີການປະສານສົມທົບ,ຈີນໄດ້ຖື"10 ບວກ 3"ຄື 10 ປະເທດອາຊຽນກັບຈີນ ຍ່ີປຸ່ນແລະສ.ເກົາຫລີເປັນຊ່ອງທາງຕົ້ນຕໍ,ຕັ້ງຫນ້າເກາະແຂນກັບອາຊຽນຊຸກຍູ້ການ ຮ່ວມມືຂອງອາຊີຕາເວັນອອກແລະເຮັດໃຫ້ເສດຖະກິດພາກພື້ນເຊ່ືອມຕົວເຂົ້າກັນ,ຈີນຍັງຕັ້ງຫນ້າເຂົ້າຮ່ວມແລະຊຸກຍູ້ໂຄງການຮ່ວມມືເສດຖະກິດອະນຸພາກພື້ນແມ່ນຳ້ຂອງ.
ປະຈຸບັນ,ການປຶກສາຫາລືກັນລະຫວ່າງເຈົ້າຫນ້າທ່ີອາວຸໂສ ຄະນະມົນຕີການຄ້າ ຄະນະກຳມະການຮ່ວມມືປະສົມ ຄະນະກຳມະການປະສົມເສດຖະກິດການຄ້າແລະຄະນະກຳມະ ການປະສົມວິທະຍາສາດເຕັກນິກລະຫວ່າງຈີນກັບອາຊຽນໄດ້ຮ່ວມກັນສ້າງ 5 ກົນໄກສົນທະນາຮ່ວມມືກັນລະຫວ່າງຈີນອາຊຽນ.
|
|
|
