|
|
 |
| (GMT+08:00)
2004-11-29 22:35:54
|
 |
|
ກອງປະຊຸມສຸດຍອດອາຊຽນທຸກຄັ້ງທ່ີຜ່ານມາ
cri
ສະຫະພັນປະເທດອາຊີອາຄະເນຄືອາຊຽນນັບແຕ່ມື້ສ້າງຕັ້ງຂຶ້ນເມ່ືອປີ 1967 ມານີ້ໄດ້ຈັດກອງປະຊຸມສຸດຍອດ 9 ຄັ້ງແລ້ວ.
ແຕ່ວັນທີ 23 ຮອດວັນທີ 24 ກຸມພາປີ 1976,ກອງປະຊຸມສຸດຍອດອາຊຽນຄັ້ງທຳອິດໄດ້ຈັດຂຶ້ນຢູ່ເກາະບາຫລີແຫ່ງອິນໂດເນເຊຍ.ຜູ້ນຳສຸດຍອດຂອງ 5 ປະເທດອາຊຽນໄດ້ເຊັນສົນທິສັນຍາມິດຕະພາບຮ່ວມມືອາຊີອາຄະເນແລະຄຳຖະແຫລງການສະຫະພັນປະເທດອາຊີອາຄະເນປະສານສົມທົບເປັນເອກະສັນກັນ.
ແຕ່ວັນທີ 4 ຮອດວັນທີ 5 ສິງກາປີ 1977,ກອງປະຊຸມສຸດຍອດອາຊຽນຄັ້ງທີສອງໄດ້ໄຂຂຶ້ນຢູ່ກົວລາລຳເປີ ນະຄອນຫລວງແຫ່ງມາເລເຊຍ.ກອງປະຊຸມໄດ້ຕົກລົງວ່າອາຊຽນຈະເປີດກວ້າງການຮ່ວມມືເສດຖະກິດພາກພື້ນ,ເພ່ີມທະວີການສົນທະນາແລະການພົວພັນເສດຖະກິດກັບອາເມລິກາ ຍ່ີປຸ່່ນ ອົສຕຼາລີເປັນຕົ້ນແລະປະຊາຄົມເອີລົບ.
ແຕ່ວັນທີ 14 ຮອດວັນທີ 15 ທັນວາປີ 1987,ກອງປະຊຸມສຸດຍອດອາຊຽນຄັ້ງທີສາມໄດ້ຈັດຂຶ້ນຢູ່ມານີລາແຫ່ງຟິລິບປິນ.ກອງປະຊຸມໄດ້ຜ່ານຄຳຖະແຫລງການມານີລາ.
ແຕ່ວັນທີ 27 ຮອດວັນທີ 28 ມັງກອນປີ 1992,ກອງປະຊຸມສຸດຍອດອາຊຽນຄັ້ງທີ 4 ໄດ້ຈັດຂຶ້ນຢູ່ສິງກະໂປ.ຜູ້ນຳສຸດຍອດຂອງ 6 ປະເທດອາຊຽນໄດ້ເຊັນຄຳຖະແຫລງການສິງກະໂປປີ 1992ແລະສັນຍາຂອບເພ່ີມທະວີການຮ່ວມມືເສດຖະກິດ ອາຊຽນ.
ແຕ່ວັນທີ 14 ຮອດວັນທີ 15 ທັນວາປີ 1995,ກອງປະຊຸມສຸດຍອດອາຊຽນຄັ້ງທີ 5 ໄດ້ຈັດຂຶ້ນຢູ່ບາງກອກ ນະຄອນຫລວງຂອງໄທ.ກອງປະຊຸມໄດ້ຜ່ານຄຳຖະແຫລງ ການບາງກອກ,ໄດ້ເຊັນເອກະສານ 38 ສະບັບທ່ີຫມາຍຈະຊຸກຍູ້ໃຫ້ເພ່ີມທະວີການຮ່ວມມືເຊ່ິງກັນແລະກັນໃນຂົງເຂດການເມືອງ ເສດຖະກິດເປັນຕົ້ນ.ກອງປະຊຸມຍັງຕົກລົງຈັດກອງປະຊຸມສຸດຍອດບໍ່ເປັນທາງການເທ່ືອຫນ່ຶງຢູ່ລະຫວ່າງກາງກອງປະຊຸມສຸດຍອດທາງການສອງເທ່ືອ.ຜູ້ນຳສຸດຍອດຂອງ 7 ປະເທດອາຊຽນແລະຜູ້ນຳສາມປະເທດຄືລາວ ມຽນມາ ກຳປູເຈຍເຊ່ິງໃນຄາວນັ້ນຍັງບໍ່ທັນເຂົ້າເປັນສະມາຊິກກຸ່ມອາຊຽນເທ່ືອຕ່າງຕາງຫນ້າລັດຖະບານປະເທດຕົນເຊັນສົນທິສັນຍາເຂດປອດນີວເຄຼຍອາຊີອາຄະເນ.
ແຕ່ວັນທີ 15 ຮອດວັນທີ 16 ທັນວາປີ 1998,ກອງປະຊຸມສຸດຍອດອາຊຽນຄັງທີ 6 ໄດ້ຈັດຂຶ້ນຢູ່ຮາໂນ້ຍ ນະຄອນຫລວງຫວຽດນາມ.ກອງປະຊຸມໄດ້ຜ່ານເອກະສານຕ່າງໆທ່ີມີຈຸດປະສົງຊຸກຍູ້ໃຫ້ອາຊຽນເພ່ີມທະວີການຮ່ວມມືເສດຖະກິດ ການເມືອງແລະຄວາມປອດໄພ.ເຊັ່ນຄຳຖະແຫລງການຮາໂນ້ຍ ໂຄງການປະຕິບັດງານຮາໂນ້ຍເປັນຕົ້ນ.
ແຕ່ວັນທີ 5 ຮອດວັນທີ 6 ພະຈິກປີ 2001,ກອງປະຊຸມສຸດຍອດອາຊຽນຄັ້ງທີ 7 ໄດ້ຈັດຂຶ້ນຢູ່ອ່າວສີລີເບກາວານ ນະຄອນຫລວງບຼູໄນ.ຜູ້ນຳ 10 ປະເທດອາຊຽນໄດ້ສຳຫລວດຜ່ານບົດລາຍງານໄລຍະກາງຂອງແຜນການປະຕິບັດງານຮາໂນ້ຍ,ແລະຕົກລົງໂຄງການຮ່ວມມືບູລິມະສິດໃນດ້ານເລັ່ງລັດເຊ່ືອມໂຍງພາກພື້ນອາຊຽນ ພັດທະນາຂ້ໍມູນຂ່າວສານແລະເຕັກນິກໂທລະຄົມພ້ອມດ້ວຍການພັດທະນາຊັບພະຍາກອນມະນຸດເປັນຕົ້ນ.
ແຕ່ວັນທີ 4 ຮອດວັນທີ 5 ພະຈິກປີ 2002,ກອງປະຊຸມສຸດຍອດອາຊຽນຄັ້ງທີ 8 ໄດ້ຈັດຂຶ້ນຢູ່ພະນົມເປັນ ນະຄອນຫລວງກຳປູເຈຍ.ຜູ້ນຳ 10 ປະເທດໄດ້ລົງເລິກ ຫາລືຢ່າງກວ້າງຂວາງກ່ຽວກັບບັນຫາພາກພື້ນແລະບັນຫາສາກົນທ່ີສົນໃຈນຳກັນເຊັ່ນການເຊ່ືອມໂຍງຂອງອາຊຽນ ການໂຈມຕີລັດທິກໍ່ການຮ້າຍເປັນຕົ້ນ,ແລະກ້າວເຖິງຂັ້ນມີຄວາມຮັບຮູ້ຄືກັນ,ໄດ້ເຊັນສັນຍາການທ່ອງທ່ຽວອາຊຽນ.
ແຕ່ວັນທີ 7 ຮອດວັນທີ 8 ຕຸລາປີ 2003,ກອງປະຊຸມສຸດຍອດອາຊຽນຄັ້ງທີ 9 ໄດ້ຈັດຂຶ້ນຢູ່ເກາະບາຫລີແຫ່ງອິນໂດເນເຊຍ.ໃນກອງປະຊຸມໄດ້ຜ່ານຄຳຖະແຫລງການສຳບັບຫນ່ຶງທ່ີຫມາຍຈະສ້າງຕັ້ງປະຊາຄົມອາຊຽນທ່ີຄ້າຍຄືກັບສະຫະພາບເອີລົບໃນປີ 2020,ຕົກລົງອາຊຽນຈະຮ່ວມກັນກ້າວໄປສູ່ປະຊາຄົມທ່ີມີການພົວພັນແໜ້ນແຟ້ນກວ່າເກົ່າ.
|
|
|
