|
ທ່ານຊູໂຮມລິນສ໌ກີນັກທິດສະດີການສຶກສາທີ່ມີຊື່ສຽງຂອງອະດີດສະຫະພາບໂຊວຽດເຄີຍເວົ້າວ່າ:ຢູ່ໃນໂລກນີ້,ສ່ິງທີ່ເປັນຕາຢ້ານທີ່ສຸດແລະຕ້ອງການໃຫ້ຄວາມເອົາໃຈໃສ່ພ້ອມທັງປະໂລມໃຈຢ່າງໂອບອ້ອມອາລີທີ່ສຸດນັ້ນແມ່ນໃຈຂອງເດັກນ້ອຍທີ່ຖືກບາດເຈັບແລະຖືກທຳລາຍ.
ພໍ່ແມ່ເອີ້ຍ!ຖ້າລູກຕາຍໄປ,ພໍ່ແມ່ເສຍໃຈນຳລູກເນີ,ພໍ່ແມ່ຄວນຮູ້ສຶກພູມໃຈນຳຄວາມກ້າຫານຂອງລູກ,ເມື່ອລູກຕາຍແລ້ວ,ຂໍໃຫ້ພໍ່ແມ່ຈັດພິທີປົງສົບໃຫ້ໃຫຍ່ໆ,ເພື່ອໃຫ້ຄົນທັງຫຼາຍຈື່ລູກໄວ້…… ນີ້ແມ່ນຈົດຫມາຍຂອງເດັກນ້ອຍປາແລັດສະຕິດຜູ່ນ່ຶງທີ່ອາຍຸພຽງແຕ່ 16 ປີຊື່ວ່າຊາຮິບຂຽນປະໄວ້ໃຫ້ຄອບຄົວກ່ອນຈະອອກຈາກເຮືອນໄປ,ເດັກຊາຍຜູ່ນີ້ເອົາລະເບີດມັດໃສ່ເຕັມໂຕ,ຕັດສິນໃຈສະຫຼະຊີວິດເລືອດເນື້ອຂອງຕົນ,ເພື່ອແກ້ແຄ້ນສັດຕູ,ໃນໃຈຂອງເດັກຊາຍຜູ່ນີ້ຖືວ່າຕົນເອງແມ່ນວິລະຊົນຜູ່ຫນ່ຶງ,ເດືອນພະຈິກ ປີ 2003--- ທ້າວຊາຮິບ ໄດ້ກາຍເປັນລະເບີດມະນຸດທີ່ຫນຸ່ມນ້ອຍກວ່າຫມູ່ແຕ່ເກີດເຫດການປະທະກັນຢ່າງນອງເລືອດລະຫວ່າງປາເລັດສະຕິນກັບອິດສະລາແອນເມື່ອເດືອນກັນຍາປີ 2000 ມານີ້.
ເມື່ອເວົ້າເຖິງເດັກນ້ອຍ ພວກເຮົາກໍຄຶດເຫັນໃບຫນ້າອັນບໍລິສຸດຜຸດຜ່ອງຂອງພວກເຂົາທີ່ໄຮ້ດຽງສາ,ບໍ່ເປັນຫ່ວງເປັນໃຍຫຍັງຫມົດ,ຄືວ່າຄວາມອຸກອ່ັງທໍລະມານໃດໆໃນໂລກນີ້ບໍ່ກ່ຽວຫຍັງກັບພວກເຂົາ,ແຕ່ກໍ່ແມ່ນເດັກນ້ອຍຢູ່ໃນໄວຄືກັບດອກໄມ້ທີ່ພວມເປ່ັງບານນີ້ເອງໄດ້,ຖືເອົາການແກ້ແຄ້ນເປັນອຸດົມຄະຕິພຽງຢ່າງດຽວຂອງຕົນການສະຫຼະຊີບພ້ອມກັບສັດຕູເປັນເລື່ອງທີ່ອົງອາດກ້າຫານ,ມີຄົນເວົ້າວ່າ,ໃຈຂອງເດັກນ້ອຍສະອາດຄືກັບເຈ້ຍຂາວໃບຫນ່ຶງ,ສະພາບແວດລ້ອມແລະປະສົບການໃນຊີວິດຂຽນຫຍັງໃສ່,ມັນກໍ່ເປັນອັນນັ້ນ,ແຕ່ຢູ່ໃນໃຈພວກເດັກນ້ອຍເຫຼ່ົານີ້ມີແຕ່ເງົາມືດຂອງສົງຄາມ.ຄວາມອາຄາດບາດຫມາງເລ່ີມອອກຫນ່ໍຈໍ່ແຫນງ.
ທ່ານຮູເວີ ປະທານາທິບໍດີຜູ່ທີ 31 ຂອງອາເມລິກາ,ນັກວິຊາກ່ຽວກັບການຕ້ອງໂທດເວົ້າວ່າ:ເດັກນ້ອຍແມ່ນຊັບພະຍາກອນທຳມະຊາດອັນປະເສີດທີ່ສຸດຂອງມວນມະນຸດແລະກໍ່ແມ່ນອະນາຄົດຂອງມວນມະນຸດ.
ທ່ານອົສກາ ວາຍດ໌ນັກແຕ່ງບົດລະຄອນ ນັກກະວີຂອງອັງກິດສະຕະວັດທີ 19 ເວົ້າວ່າ,ວິທີທີສອນໃຫ້ເດັກນ້ອຍມີໃຈບຸນກໍແມ່ນໃຫ້ພວກເຂົາມ່ວນຊືນເລື້ອຍໆ.ທີ່ນີ້,ຂ້າພະເຈົ້າມີແຕ່ຫວັງຢາກໃຫ້ມີມື້ໃດມື້ຫນ່ຶງ,ພວກເດັກນ້ອຍຂອງພວກເຮົາຈ່ົງເຕີບໂຕຢູ່ໃນໂລກທີ່ເຕັມໄປດ້ວຍຄວາມຮັກ,ບໍ່ມີສົງຄາມແລະການຂ້າຟັນລັນແທງກັນ,ບໍ່ມີຄວາມທຸກທໍລະມານແລະຄວາມອາຄາດບາດຫມາງ,ພວກເດັກນ້ອຍທັງຫຼາຍຍີ້ມແຍ້ມແຈ່ມໃສຄືກັບແສງຕາເວັນ,ບໍ່ມີເລື່ອງອຸກອ່ັງເຕີບໂຕຢ່າງມ່ວນຊື່ນ
|
