|
ຜູ່ນຳຂອງ 10 ປະເທດອາຊຽນ, ຈະເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 10 ,ແລະຈະເຂົ້າຮ່ວມບັນດາ ກອງປະຊຸມສຸດຍອດກັບຜູ່ນຳບັນ ດາປະເທດຄູ່ຮ່ວມອາຊຽນທີ່ຈັດຂຶ້ນຢູ່ວຽງຈັນ ນະຄອນຫລວງສປປລາວ. ທ່ານຊູນິງນິງ ກຳມະການຝ່າຍຈີນຂອງຄະນະມົນຕີການຄ້າຈີນອາຊຽນເຫັນວ່າ, ບັນດາກອງປະຊຸມສຸດຍອດອາຊຽນລະບົບຫນຶ່ງຈະນຳເອົາໂອກາດພັດ ທະນາອັນໃຫມ່ແກ່ລາວ.
ໃນເວລາໃຫ້ສຳພາດຕໍ່ນັກຂ່າວວິທະຍຸສາກົນແຫ່ງປະເທດຈີນ, ທ່ານຊູນິງນິງ ກຳມະການຝ່າຍຈີນຄະນະມົນຕີການຄ້າຈີນອາຊຽນເວົ້າວ່າ, ການພັດທະນາເສດຖະກິດຂອງລາວຢູ່ອາຊີອາຄະເນຂ້ອນຂ້າງຫລ້າຫລັງ, ແມ່ນປະເທດສະມາຊິກທີ່ເຂົ້າຮ່ວມກຸ່ມອາຊຽນອ່າວຊ້າແດ່.ໃນຖານເປັນເຈົ້ພາບບັນດາກອງປະຊຸມສຸດຍອດຂອງປີນີ້ແລ້ວຈັດກອງປະຊຸມສາກົນຂະຫນາດໃຫຍ່ປານນີ້,ມີຄວາມຫມາຍຫລັກຫມາຍທາງສຳຄັນຍິ່ງຕໍ່ການພັດທະນາຂອງສປປລາວ.
ໃນສາຍຕາຂອງຜູ່ຊ່ຽວຊານທີ່ຄົ້ນຄວ້າການພົວພັນຈີນອາຊຽນໂດຍຈຳເພາະຜູ່ນີ້, ລາວເປັນປະເທດມີຊັບພະຍາກອນທຳມະຊາດອຸດອົມສົມບູນ, ສະຖານະການການເມືອງແລະນະໂຍບາຍຫມັ້ນທ່ຽງ, ເຖິງວ່າການເປີດປະຕູສູ່ໂລກພາຍນອກອ່າວຊ້າແດ່, ແຕ່ລາວມີຊາຍແດນຕິດກັບ 5 ປະເທດ ເຊິ່ງລວມທັງຈີນ, ສະນັ້ນມີທ່າແຮງທີ່ຕັ້ງແລະເທສະພັດທະນາຂ້ອນຂ້າງຫລາຍໃນລະດັບໃດຫນຶ່ງ. ບັນດາກອງປະຊຸມສຸດຍອດອາຊຽນຈັດຂຶ້ນຢູ່ລາວເທື່ອນີ້ຈະເຮັດໃຫ້ຄົນຮູ້ຈັກກັບລາວຍິ່ງຫລາຍ, ມີຜົນດີໃຫ້ລາວເສີມຂະຫຍາຍທ່າແຮງທີ່ຕັ້ງທີ່ບົ່ມຊ້ອນຂອງເຂົາ.ທ່ານເວົ້າວ່າ:
ບັນດາກອງປະຊຸມສຸດຍອດຈັດຂຶ້ນຢູ່ລາວ, ຈະຍົກຖານະຂອງລາວໃນ ປະຊາຄົມໂລກແລະວຽກງານພາກພື້ນໃຫ້ສູງຂຶ້ນຢ່າງຫລວງຫລາຍ, ເຊິ່ງຈະມີຜົນດີຕໍ່ການເປີດກວ້າງການໄຂປະຕູສູ່ໂລກພາຍນອກຂອງລາວ, ມີຜົນດີໃຫ້ລາວຮ່ວມມືກັບປະຊາຄົມໂລກ, ພ້ອມກັນນັ້ນ ກໍ່ຈະນຳເອົາໂອກາດພັດະທນາອັນໃຫມ່ແກ່ລາວ.
ກ່ອນນີ້ສອງມື້, ກອງປະຊຸມສຸດຍອດອາຊຽນດ້ານການຄ້າແລະການລົງທຶນຄັ້ງທີ 2 ກອງປະຊຸມຫນຶ່ງຂອງບັນດາກອງປະຊຸມສຸດຍອດອາຊຽນໄດ້ຈັດຂຶ້ນຢູ່ວຽງຈັນ.ນັກທຸລະກິດແລະຜູ່ລົງທຶນທີ່ມາຈາກ 10 ປະເທດອາຊຽນ ຈີນ ຍີ່ປຸ່ນ ສາທາລະນະລັດເກົາຫລີ ອິນເດຍ ອົສຕຼາລີ ນູແວນເຊລັງ ອາເມລິກາແລະສະຫະພາບເອີລົບຮ້ອຍຄົນໄດ້ເຂົ້າຮ່ວມກອງປະຊຸມເທື່ອນີ້,ພວກທ່ານໄດ້ຫາລືກັນກ່ຽວກັບບັນຫາຕ່າງໆຄື ຊອກຫາໂອກາດການຄ້າໃນຂົງເຂດການຄ້າແລະການລົງທຶນເປັນຕົ້ນ.ທ່ານຊູນິງນິງເວົ້າວ່າ:
ນັກທຸລະກິດທີ່ມີຊື່ສຽງຫລາຍປານນີ້ເຕົ້າໂຮມກັນຢູ່ວຽງຈັນແມ່ນເຫັນຫນ້ອຍໃນປະຫວັດສາດລາວ.ກອງປະຊຸມເທື່ອນີ້ມີຜົນດີໃຫ້ລາວດຶງດູດທຶນຕ່າງປະເທດຍິ່ງຫລາຍ,ທຶນຕ່າງປະເທດເຫລົ່ານີ້ບໍ່ພຽງແຕ່ມາຈາກປະເທດອາຊຽນທໍ່ນັ້ນ.ເຊິ່ງສາມາດເຮັດໃຫ້ລາວໄດ້ມີການພັດທະນາຂ້ອນຂ້າງໄວໃນດ້ານການຂຸດຄົ້ນຊັບພະຍາກອນທ່ອງທ່ຽວ ກະສິກຳ ປ່ານໄມ ຊົນລະປະທານແລະບໍ່ແຮ່ເປັນຕົ້ນ.
ນອກນີ້ ບັນດາກອງປະຊຸມສຸດຍອດອາຊຽນເທື່ອນີ້ຈະມີຜົນສະທ້ອນພິເສດຕໍ່ການພັດທະນາຂອງລາວກໍ່ຄືຂອງອາຊຽນ.
ທ່ານຊູນິງນິງເວົ້າວ່າ:
ກອງປະຊຸມເທື່ອນີ້ຈະເຊັນເອກະສານສຳຄັນຫລາຍສະບັບ.ໃນນັ້ນ ລວມທັງແຜນປະຕິບັດງານວຽງຈັນທີ່ຈະຮັບຜ່ານຮັບຮອງຢູ່ພາຍໃນອາຊຽນຈະຜ່ານ.ແຜນການນີ້ແມ່ນເອກະສານສຳຄັນທີ່ຊຸກຍູ້ການສ້າງຕັ້ງປະຊາຄົມອາຊຽນ, ເຊິ່ງຈະເກີດມີຜົນສະທ້ອນສຳຄັນຄັ້ງປະຫວັດສາດໃຫ້ແກ່ການພັດທະນາເສດຖະກິດອາຊຽນ ສະຖຽນລະພາບຂອງພາກພື້ນເຊິ່ງລວມທັງລາວ ຈົນກະທັ້ງຫັນເສດຖະກິດພາກພື້ນອາຊີຕາເວັນອອກເປັນເອກະພົບດຽວ.
ຕາມຊາບວ່າ, ກອງປະຊຸມສຸດຍອດອາຊຽນຄັ້ງທີ 10 ທີ່ຈັດຂຶ້ນຢູ່ວຽງຈັນຈະພິຈາລະນາຜ່ານແຜນປະຕິບັດງານວຽງຈັນ ເຊິ່ງແມ່ນແຜນການສະບັບໃຫມ່ທີ່ຜູ່ນຳອາຊຽນວາງອອກເພື່ອບັນລຸເປົ້າຫມາຍສ້າງປະຊາຄົມອາຊຽນ.ແຜນການດັ່ງກ່າວໄດ້ກຳນົດເປົ້າຫມາຍຮ່ວມມືແລະການຈັດວາງການເຄື່ອນໄຫວທາງການເມືອງ ເສດຖະກິດແລະວັດທະນະທຳຂອງປະເທດອາຊຽນແຕ່ປີ 2004 ຫາປີ 2010,ຈະກາຍເປັນແຜນການ 6 ປີອີກສະບັບຫນຶ່ງທີ່ຫມາຍຈະເພີ່ມທະວີການຮ່ວມມືເສດຖະກິດ ການເມືອງແລະຄວາມປອດໄພຂອງອາຊຽນ.
1 2
|
