|
|
 |
| (GMT+08:00)
2004-11-30 17:42:25
|
 |
|
ທ່ານເວີ່ນເຈ່ຍປາວພົບປະຜູ້ນຳຫຼາຍປະເທດ
cri
Author: mo
ຕາມຂ່າວ CRI: ວັນທີ 30 ພະຈິກ ຢູ່ນະຄອນຫຼວງວຽງຈັນ ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ແຍກອອກພົບປະທ່ານໂຄອີຈູມີ ຈູນີຊີໂລ ນາຍົກລັດຖະມົນຕີຍີ່ປຸ່ນ, ທ່ານມານໂມຮານ ຊິງ ນາຍົກລັດຖະມົນຕີອິນເດຍ, ທ່ານໂຮເວີດ ນາຍົກລັດຖະມົນຕີອົສຕຼາລີ, ແລະທ່ານຄຼາກ ນາຍົກລັດຖະມົນຕີນູແວນຊີລັງ.
ໃນເວລາພົບປະທ່ານໂຄອີຈູມີ ຈູນີຊີໂລ,ທ່ານເວີ່ນເຈ່ຍປາວຊີ້ອອກວ່າ,ປັດຈຸບັນ,ອຸປະສັກຕົ້ນຕໍທີ່ກະທົບກະເທືອນການພົວພັນຈີນຍີ່ປຸ່ນຂະຫຍາຍຕົວຕື່ມອີກນັ້ນແມ່ນຢູ່ໃນດ້ານການເມືອງ,ປະເດັນສຳຄັນແມ່ນຢູ່ບ່ອນວ່າຜູ້ນຳຍີ່ປຸ່ນໄປນະມັດສະການວັດຢາຊືຄູນີ.
ທ່ານໂຄອີຈູມີ ຈູນີຊີໂລກ່າວວ່າ,ສົງຄາມບັ້ນນັ້ນໄດ້ນຳເອົາໄພພິບັດມາໃຫ້ປະຊາຊົນຈີນ,ຍີ່ປຸ່ນຄວນສຳຫຼວດປະຫວັດສາດໃຫ້ດີ,ຈະກໍ່ສົງຄາມອີກບໍ່ໄດ້,ຕ້ອງຂະຫຍາຍການພົວພັນມິດຕະພາບກັບຈີນ,ຕ້ອງໃຫ້ຊາວໜຸ່ມຍີ່ປຸ່ນມີຄວາມຮັບຮູ້ແນວນີ້.
ໃນເວລາພົບປະທ່ານມານໂມຮານ ຊິງ,ທ່ານເວີ່ນເຈ່ຍປາວກ່າວວ່າ,ບັນຫາຊາຍແດນແມ່ນເນື້ອໃນສຳຄັນໜຶ່ງໃນການພົວພັນຈີນອິນເດຍ. ການພົບປະເຈລະຈາຮອບ 4 ລະຫວ່າງຜູ້ແທນພິເສດບັນຫາຊາຍແດນຂອງສອງຝ່າຍໄດ້ຮັບຜົນອັນຕັ້ງໜ້າແລ້ວ.
ທ່ານມານໂມຮານ ຊິງເວົ້າວ່າ,ລັດຖະບານອິນເດຍມີຄວາມປາຖາໜາທາງການເມືອງຢ່າງແຮງກ້າຢາກແກ້ໄຂບັນຫາຊາຍແດນ, ຫວັງໃຫ້ສອງຝ່າຍກ້າວເຖິງຂັ້ນມີຄວາມຮັບຮູ້ຄືກັນກ່ຽວກັບຫຼັກການແກ້ໄຂບັນຫາຊາຍແດນໂດຍໄວ.
ວັນທີ 29 ພະຈິກ ຢູ່ວຽງຈັນ ທ່ານເວີ່ນເຈ່ຍປາວຍັງໄດ້ພົບປະເຈົ້າຊູນຕານຮາຊັງນານຂອງບຼູໄນ,ທ່ານນາງອາໂລໂຢ ປະທານາທິບໍດີຟິລິບປິນແລະທ່ານໂຊວິນ ນາຍົກລັດຖະມົນຕີມຽນມາ.
ໃນເວລາພົບປະທ່ານນາງອາໂລໂຢ ທ່ານເວີ່ນເຈ່ຍປາວກ່າວວ່າ,ການຮ່ວມມືລະຫວ່າງສອງຝ່າຍໃນຂົງເຂດຕ່າງໆເຊັ່ນ ສັນຍາກ່ຽວກັບສອງຝ່າຍຮ່ວມມືເຮັດວຽກແຜ່ນດິນໄຫວທາງທະເລຢູ່ເຂດທະເລຈີນໃຕ້ທີ່ປະມຸກລັດສອງປະເທດເຊັນກັນນັ້ນມີຄວາມໝາຍສຳຄັນຕໍ່ການຊຸກຍູ້ການພົວພັນຈີນຟິລິບປິນພ້ອມທັງສັນຕິພາບແລະສະຖຽນລະພາບຂອງທະເລຈີນໃຕ້.ທ່ານນາງອາໂລໂຢກ່າວວ່າ, ຝ່າຍຟິລິບປິນຈະປະຕິບັດສັນຍາຮ່ວມມືທີ່ກ່ຽວຂ້ອງຢູ່ເຂດທະເລຈີນໃຕ້ທີ່ສອງຝ່າຍເຊັນກັນ.
|
|
|
