|
ແຕ່ວັນທີ 28 ຮອດວັນທີ 30 ພະຈິກ,ທ່ານເວີ່ນເຈຍປາວ ນາຍົກລັດຖະມົນຕີຈີນໄດ້ຢ້ຽມຢາມລາວເປັນທາງການ,ແລະເຂົ້າຮ່ວມກອງປະຊຸມຜູ້ນຳອາຊຽນກັບຈີນ ຍີ່ປຸ່ນ ສ.ເກົາຫລີຄື"10 ບອກ 3"ຄັ້ງທີ 8 ກອງປະຊຸມຜູ້ນຳອາຊຽນກັບຈີນຄື"10 ບອກ 1"ແລະກອງປະຊຸມຜູ້ນຳຈີນ ຍີ່ປຸ່ນ ສ.ເກົາຫລີຄັ້ງທີ 6 ທີ່ຈັດຂຶ້ນຢູ່ນະຄອນຫລວງວຽງຈັນ.ໃນເວລາໃຫ້ສຳພາດຕໍ່ນັກຂ່າວທີ່ຕິດຕາມໄປຢ້ຽມຢາມບົນເສັ້ນທາງກັບຄືນປະເທດ,ທ່ານລີຈ້າວຊິງ ລັດຖະມົນຕີການຕ່າງປະເທດຈີນເວົ້າວ່າ,ການຢ້ຽມຢາມຂອງທ່ານເວີ່ນເຈຍປາວເທື່ອນີ້ໄດ້ຮັບຜົນອຸດົມສົມບູນ.
ທ່ານເວີ່ນເຈຍປາວຢ້ຽມຢາມລາວເທື່ອນີ້ແມ່ນສະມາຊິກສຳຄັນຂອງຫູ່ມຄະນະນຳຊຸດໃຫມ່ຂອງຈີນໄປຢ້ຽມຢາມລາວເປັນຄັ້ງທຳອິດ.ໃນໄລຍະຢ້ຽມຢາມ,ທ່ານເວີ່ນເຈຍປາວໄດ້ສະເຫນີຕໍ່ຜູ້ນຳລາວວ່າໃຫ້ສອງຝ່າຍຮັກສາການໄປມາຫາສູ່ກັນລະຫວ່າງຜູ້ນຳຊັ້ນສູງ,ລົງເລິກການຮ່ວມມືເສດຖະກິດການຄ້າ,ເພິ່ມທະວີການຮ່ວມມືໃນຂົງເຂດຄວາມປອດໄພທີ່ບໍ່ແມ່ນດັ້ງເດີມແລະວຽກງານພາກພື້ນ,ສືບຕໍ່ດຳເນີນການອົບຮົມເຈົ້າຫນ້າທີ່ລັດຖະບານ,ແລກປ່ຽນບົດຮຽນປົກຄອງປະເທດເຊີ່ງກັນແລະກັນ. ທ່ານເວິ່ນເຈຍປາວຍັງສະເຫນີວ່າ,ຈະເອົາການຊ່ອຍເຫືຼອລາວດ້ານເສດຖະກິດເຕັກນິກປະສານກັບການຍົກຄວາມສາມາດພັດທະນາເສດຖະກິດລາວຢ່າງເປັນເຈົ້າຕົນເອງ.ທ່ານລີຈ້າວຊິງເຫັນວ່າ,ການຢ້ຽມຢາມລາວຂອງທ່ານເວີ່ຍເຈຍປາວໄດ້ຮັດແໜ້ນມິດຕະພາບລະຫວ່າງສອງປະເທດ,ຊຸກຍູ້ການຮ່ວມມືດ້ວຍໄມຕີຈິດ,ຂໍ້ສະເຫນີຂອງທ່ານມີຄວາມຫມາຍຊີ້ນຳສຳຄັນຕໍ່ຈີນໃນການຮ່ວມມືດ້ານເສດຖະກິດເຕັກນິກດກັບປະເທດພວມພັດທະນາໃນພາຍຫນ້າ.
ໃນໄລຍະຢ້ຽມຢາມລາວ,ໃນໄລຍະເຂົ້າຮ່ວມບັນດາກອງປະຊຸມຜູ້ນຳຈີນກັບອາຊຽນ,ທ່ານເວີ່ນເຈຍປາວໄດ້ສະຫລຸບບົດຮຽນຂະຫຍາຍການພົວພັນຈີນກັບອາຊຽນ,ໄດ້ວາງທິດທາງພື້ນຖານທີ່ຊີ້ນຳການພົວພັນຂອງສອງຝ່າຍຄື"ສະເຫມີພາບ ຕ່າງໄວ້ເນື້ອເຊື່ອໃຈກັນ ຮ່ວມມືກັນຕ່າງຝ່າຍຕ່າງມີຜົນປະໂຫຍດ",ກ່າວເນັ້ນວ່າສອງຝ່າຍຄວນເຄົາລົບກັນຫາກບໍ່ແມ່ນເປັນປໍລະປັກກັນ,ຕ່າງໄວ້ເນື້ອເຊື່ອໃຈກັນຫາກບໍ່ແມ່ນລະແວງສົງໄສກັນ,ຮ່ວມມືກັນຫາກບໍ່ແມ່ນແກ່ງແຍ່ງກັນຢ່າງຮ້າຍແຮງ,ຕ່າງຝ່າຍຕ່າງໄດ້ຮັບຜົນປະໂຫຍດຫາກບໍ່ແມ່ນຝ່າຍຫນຶ່ງຈະເລີນອີກຝ່າຍຫນື່ງເສື່ອມໂຊມ.ທ່ານລີຈ້າວຊິງເວົ້າວ່າ,ຄຳປາໄສຂອງທ່ານເວີ່ຍເຈຍປາວໄດ້ພາໃຫ້ມີການຕອບສະຫນອງຢ່າງແຮງກ້າໃນຜູ້ນຳບັນດາປະເທດອາຊຽນ.ຜູ້ນຳຫລາຍໆທ່ານກ່າວວ່າ,ຈີນແມ່ນປະເທດທີ່ຮັບຜິດຊອບແລະຫມູ່ຄູ່ທີ່ເຊື່ອໃຈໄດ້,ການພັດທະນາຂອງຈີນໄດ້ນຳເອົາຜົນປະໂຫຍດແລະກາລະໂອກາດມາໃຫ້ອາຊຽນ.ພວກເຂົາເຈົ້າເຫັນວ່າ,ຂໍ້ສະເຫນີຂອງທ່ານເວ່ີນເຈຍປາວຕິດແທດຕົວຈິງແລະປະຈິບັດໄດ້,ກ່າວວ່າຈະປະຕິບັດການຮ່ວມມືກັບຝ່າຍຈີນຢ່າງແທ້ຈິງ.
ໃນໄລຍະກອງປະຊຸມ,ຈີນແລະອາຊຽນໄດ້ປະກາດແຜນການປະຕິບັດງານປະຕິບັດຄຳຖະແຫລງການຮ່ວມມືຍຸດທະສາດຈີນອາເພື່ອສັນຕິພາບແລະຄວາມຈະເລີນຮຸ່ງເຮືອງ,ໄດ້ວາງແຜນຮ່ວມມືຂອງສອງຝ່າຍໃນທຸກຂົງເຂດໃນ 5 ປີຂ້າງຫນ້າ,ເປັນຂີດຫມາຍສະແດງໃຫ້ເຫັນວ່າ,ການພົວພັນຂອງສອງຝ່າຍຍ່ິງຮອບດ້ານ ເປັນລະບົບ ເປັນແບບສະບັບແລະຕິດແທດຕົວຈິງກວ່າເກົ່າ.ສອງຝ່າຍຍັງໄດ້ເຊັນເອກະສານຕ່າງໆເຊັ່ນສັນຍາການຄ້າເຄື່ອງຂອງຂອງສັນຍາຂອບຮ່ວມມືເສດຖະກິດຮອບດ້ານຈີນອາຊຽນແລະສັນຍາກົນໄກແກ້ໄຂການວິວາດກັນຈີນອາຊຽນ,ເຮັດໃຫ້ການກໍ່ສ້າງເຂດການຄ້າເສລີຈີນອາຊຽນໄດ້ມີການຄືບຫນ້າສຳຄັນ.ຜູ້ນຳບັນດາປະເທດອາຊຽນເປັນເອກະສັນກັນຮັບຮອງຖານະເສດຖະກິດຕະຫລາດທ່ີສົມບູນຂອງຈີນ.
ໃນກອງປະຊຸມຜູ້ນຳອາຊຽນກັບຈີນຍີ່ປຸ່ນແລະສ.ເກົາຫລີນັ້ນ, ທ່ານເວີ່ນເຈຍປາວຊີ້ອອກວ່າ, ປະຊາຄົມອາຊີຕາເວັນອອກແມ່ນຈຸດໝາຍຍາວໄກຂອງການຮ່ວມມື 10+3 , ແມ່ນໄລຍະຍາວນານທີ່ຄ່ອຍເປັນຄ່ອຍໄປ, ແລະສະສົມເປັນເທື່ອລະກ້າວ, ໃນຂະບວນວິວັດດັ່ງກ່າວ, ຕ້ອງຍຶດໝັ້ນໃຫ້ອາຊຽນເສີມຂະຫຍາຍບົດບາດນຳທາງ, ເຄົາລົບຫລັກການທີ່ເຕົ້າໂຮມຄວາມຮັບຮູ້ທີ່ຄືກັນ, ກຳຈັງຫວະໃຫ້ດີ, ສ້າງພື້ນຖານໃຫ້ດີ, ຊຸກຍູ້ໃຫ້ກ້າວໄປໜ້າຢ່າງແທ້ຈິງ, ເປີດເຜີຍໂປ່ງໃສ່ສ່ອງ, ແລະຮັບຟັງຄວາມເຫັນຂອງຝ່າຍຕ່າງໆ. ທ່ານຍັງສະເໜີໃຫ້ຈັດການຄົ້ນຄວ້າວິຊາການທີ່ອາດເປັນໄປໄດ້ຂອງເຂດການຄ້າເສລີອາຊີຕາເວັນອອກ, ສ້າງກົນໄກຄົ້ນຄວ້າພັດະນາວິທະຍາສາດເຕັກນິກຮ່ວມອາຊີຕາເວັນອອກ, ແລະການຮ່ວມມືຄວາມປອດໄພເທິງທະເລເປັນຕົ້ນ. ທ່ານລີຈ້າວຊິງເຫັນວ່າ, ຂໍ້ລິເລີ່ມແທ້ຈິງເຫຼົ່ານີ້ໄດ້ເບີ່ງແຍງເຖິງຄວາມສົນໃຈຂອງບັນດາຝ່າຍ, ໄດ້ຮັບການຕີລາຄາຢ່າງຕັ້ງໜ້າແລະການຕອບສະໜອງຂອງຜູ້ນຳບັນດາປະເທດ.
ສຸດທ້າຍ, ທ່ານລີຈ້າວຊີງຊີ້ອອກວ່າ, ການຢ້ຽມຢາມຂອງທ່ານເວີ່ນເຈຍປາວເທື່ອນີ້ໄດ້ສ່ອງແສງໃຫ້ເຫັນທິດທາງການທູດຕໍ່ປະເທດອ້ອມຂ້າງຂອງຈີນຄືເປັນບ້ານໃກ້ເຮືອນຄຽງທີ່ດີຕໍ່ກັນ ຢູ່ຮ່ວມກັນຢ່າງສະຫງົບ ແລະຮັ່ງມີນຳກັນ, ເຮັດໃຫ້ປະເທດອ້ອມຂ້າງຂອງຈີນໄດ້ສຳນຶກຮູ້ເຖິງຄວາມຈິງໃຈຂອງຝ່າຍຈີນ, ໄດ້ມີໂອກາດທີ່ການພັດທະນາຂອງຈີນນຳມາໃຫ້, ໄດ້ບັນລຸການເພີ່ມທະວີການຮ່ວມມືຮອບດ້ານລະຫວ່າງຈີນກັບລາວ, ລົງເລິກການພົວພັນຄູ່ຮ່ວມມືຍຸດທະສາດລະຫວ່າງຈີນອາຊຽນ, ຊຸກຍູ້ການຮ່ວມມື 10+3, ແລະຈຸດໝາຍຮ່ວມມືກັບຈີນຍີ່ປຸ່ນສ.ເກົາຫລີ.
|
