|
ຕາມຂ່າວ CRI: ວັນທີ 30 ພະຈິກ ໃນເວລາທ່ານສະໝານ ວິຍະເກດ ປະທານສະພາແຫ່ງຊາດລາວພົບປະທ່ານເວີ່ນເຈ່ຍປາວ ນາຍົກລັດຖະມົນຕີຈີນນັ້ນ ທ່ານກ່າວວ່າ,ການຢ້ຽມຢາມຂອງທ່ານເວີ່ນເຈ່ຍປາວເທື່ອນີ້ຈະຊຸກຍູ້ຢ່າງແຂງແຮງໃຫ້ການພົວພັນມິດຕະພາບແລະຮ່ວມມືກັນລະຫວ່າງສອງປະເທດຂະຫຍາຍຕົວຕື່ມອີກ.
ກ່ອນອື່ນ ທ່ານສະໝານ ວິຍະເກດໄດ້ຊົມເຊີຍທ່ານເວີ່ນເຈ່ຍປາວຢ້ຽມຢາມລາວຢ່າງສຳເລັດຜົນ,ແລະກ່າວວ່າ,ບັນດາກອງປະຊຸມສຸດຍອດເທື່ອນີ້ຈັດຂຶ້ນຢ່າງສຳເລັດຜົນແມ່ນແຍກອອກຈາກການສະໜັບສະໜູນຂອງຈີນບໍ່ໄດ້,ປະຊາຊົນລາວຂອບອົກຂອບໃຈນຳຈີນທີ່ໄດ້ໃຫ້ການຊ່ອຍເຫຼືອແຕ່ລາວເປັນເວລາດົນນານ. ທ່ານຍັງກ່າວວ່າ,ສະພາແຫ່ງຊາດລາວຈະຕັ້ງໜ້າທຳຄວາມພະຍາຍາມເພື່ອເພີ່ມທະວີມິດຕະພາບລາວຈີນ.
ທ່ານເວີ່ນເຈ່ຍປາວກ່າວວ່າ,ບໍ່ວ່າສະຖານະການໂລກຈະປ່ຽນແປງແນວໃດ,ນະໂຍບາຍມິດຕະພາບຕໍ່ລາວຂອງຈີນບໍ່ຫ່ອນຈະປ່ຽນແປງ. ຈີນສະໜັບສະໜູນອົງການນິຕິບັນຍັດຂອງສອງປະເທດດຳເນີນການແລກປ່ຽນແລະຮ່ວມມືກັນ,ຊຸກຍູ້ການພົວພັນຮ່ວມມືຮອບດ້ານທີ່ໜັກແໜ້ນຍາວນານ,ມີໄມຕີຈິດຕໍ່ກັນຖານບ້ານໃກ້ເຮືອນຄຽງແລະໄວ້ເນື້ອເຊື່ອໃຈເຊິ່ງກັນແລະກັນລະຫວ່າງຈີນກັບລາວໃຫ້ຂະຫຍາຍໄປໜ້າຢ່າງບໍ່ຢຸດຢັ້ງ.
|
