|
ໃນເວທີວັດທະນະທຳຈີນໃນຍຸກປະຈຸບັນ,ທ່ານນາງຈ້າວໂປ ໄດ້ເປັນນັກປະພັນເພດຍິງຜູ່ດີເລີດ,ໃນຫຼາຍປີມານີ້,ນາງໄດ້ແຕ່ງນະວະນິຍາຍແລະປະມວນບົດບັນທຶກຄວາມຮູ້ສຶກຫຼາຍເຫຼັ້ມເປັນລຳດັບ,ເຮັດໃຫ້ຜູ່ອ່ານມີປະຕິກິລິຍາຢ່າງຮຸນແຮງ.
ທ່ານນາງຈ້າວໂປປີນີ້ອາຍຸ 33 ປີແລ້ວໄດ້ເກີດຢູ່ເມືອງຊາງໂຈວ ແຂວງຈຽງຊູ,ພ່ໍຂອງນາງພະນັກເຕັກນິກແລະແມ່ເປັນຄູສອນ,ເວລາທຳມະດາ,ນາງມັກອ່ານຫນັງ
ສືແລະແຕ່ງບົດ,ຍ້ອນໄດ້ຮັບຜົນສະທ້ອນຈາກແມ່,ນາງຈ້າວໂປຈ່ິງມັກອ່ານຫນັງສືແຕ່ຍາມຍັງນ້ອຍ,ເມື່ອຫວນຄືດຍາມນັ້ນ,ນາງຈ້າວໂປເວົ້າວ່າ,
ເລື່ອງທີ່ສາມາດເຮັດໃຫ້ຂ້ອຍສະຫງົບໃຈກໍແມ່ນອ່ານຫນັງສື,ຍາມນັ້ນ,ບໍ່ວ່າວາລະສານຫຍັງ,ທະແນມວ່າແຕ່ຂ້ຽເຫັນແມ່ນອ່ານຫມົດເຄ່ິງມື້ກໍບໍ່ຢາກຫນີ.
ແຕ່ຍາມຍັງນ້ອຍ,ນາງຈ້າວໂປກໍມັກເຮັດຕາມສະບາຍໃຈ,ພໍມີເວລາຫວ່າງກໍຄຶດອັນ ນີ້ອັນນັ້ນ,ເຕັມໄປແຕ່ຄວາມໃຝ່ຝັນ,ນາງເວົ້າວ່າ,ນາງມັກທັງອ່ານຫນັງສືທັງຄຶດ
ເຖິງຊະຕາກຳຂອງບຸກຄົນໃນຫນັງສືໄປທາງກົງກັນຂ້າມ,ທັງນີ້ອາດຈະແມ່ນສາຍເຫດທີ່ເຮັດໃຫ້ນາງມັກແຕ່ງນະວະນິຍາຍໃນພາຍຫລັງມາ
ໃນຍາມຮຽນຢູ່ໂຮງຮຽນມັດທະຍົມ,ນາງຈ້າວໂປກໍໄດ້ແຕ່ງກາບກອນ ບົດຮ້ອຍແກ້ວແລະນະວະນິຍາຍ,ຕໍ່ມາ,ຍ້ອນຫຍຸ້ງນຳການຮ່ຳຮຽນແລະວຽກງານຈ່ິງເຊົາແຕ່ງ,ໃນຕົ້ນຊຸມປີ 90 ສະຕະວັດທີ່ແລ້ວ,ນາງຈ້າວໂປມາເຖິງຊຽງໄຮ,ຊ່ອຍຫມູ່ເຮັດທຸລະກິດເຄຫະຕາດິນ ເປັນເວລາ 5 ປີ ,ໃນໄລຍະດ່ັງກ່າວນີ້,ນາງຂຸ້ນນຳການທຸລະກິດການຄ້າຕ່າງໆ,ຈົນບໍ່ມີເວລາຂຽນບົດ.
ເມື່ອປີ 1996 ,ນາງຈ້າວໂປເລ່ີມຂຽນບົດຄືນໃຫມ່,ແລະຖືການຂຽນບົດເປັນອາຊີບ,ນັບມາຮອດປະຈຸບັນນີ້,ນະວະນິຍາຍ,ບົດຮ້ອຍແກ້ວທີ່ມີ 8 ແສນກວ່າໂຕຫກນັງສືຈີນໄດ້ພິມລົງ ຫນັງສືພິມແລະວາລະສານຕ່າງໆພາຍໃນປະເທດຈີນ ຍັງໄດ້ພິມຈຳຫນ່າຍນະວະນິຍາຍແລະບົດຮ້ອຍແກ້ວເຊ່ັນ: ລົມຄວາມຮັກເປັນຕົ້ນ
ໃນນະວະນິຍາຍຂອງຕົນ,ນາງຈ້າວໂປມັກແຕ່ງເນື້ອໃນທີ່ລະບາຍຄວາມໃນໃຈ ຂອງຜູ່ບ່າວຜູ່ສາວ.ແຕ່ງບົດລະບາຍຄວາມໃນໃຈທີ່ເປັນລະບຽບ ສວຍງາມແລະເສລີພາບ,ນະວະນິຍາຍທີ່ຊື່ວ່າລົມຄວາມຮັກທີ່ພິມເມື່ອປີ 1999 ແມ່ນນະວະນິຍາຍທີ່ມີລັກສະນະຕົວແທນຂອງນາງ,ນະວະນິຍາຍເຫຼັ້ມນີ້ອ່ານແລ້ວຈະເຮັດໃຫ້ຄົນຮູ້ສຶກອຸກໃຈແດ່,ໃນນັ້ນມີ 9 ນິທານໂສກເສົ້າ ,ລ້ວນແຕ່ແມ່ນນິທານຄວາມຮັກທີ່ເກີດຂຶ້ນຢູ່ໃນຕົວເມືອງໄດ້ທຸກເວລາ,ໃນນະວະນິຍາຍ,ນາງຈ້າວໂປໄດ້ສະແດງໃຫ້ເຫັນຈິດໃຈອາລົມຂອງຜູ່ຍິງຢ່າງເລິກເຊ່ິງຈາກສາຍຕາທີ່ມີເອກະລັກພິເສດຂອງນາງ,ສະນັ້ນ,ບຸກຄົນໃນນະວະນິຍາຍຂອງນາງຈິ່ງມີຊີວິດຊີວາຊຸມນຸມ, ນະວະ
ນິຍາຍເຫຼັ້ມນີ້ໄດ້ຮັບຄວາມນິຍົມຊົມຊອບທີ່ສຸດໃນອິນເຕີເນັດ,ເຄີຍຢູ່ອັນດັບທີ່ຫນ່ຶງ ໃນການປະກວດນະວະນິຍາຍດີເລີດ.
ນາງຈ້າວໂປບໍ່ພຽງແຕ່ຊ່າງແຕ່ງນິທານທີ່ສະແດງໃຫ້ເຫັນຄວາມຮັກລະຫວ່າງ ບ່າວສາວທໍ່ນັ້ນ,ຫາກຍັງມີຄວາມຈູບຈ້າວຫ້າວຫັນທີ່ຂຽນເລື່ອງປະສົບການຂອງສາມັນຊົນທີ່ມີອາຍຸຕ່າງກັນແລະຊີວິດການເປັນຢູ່ຕ່າງກັນໃນສັງຄົມປະຈຸບັນ,ເຊ່ັນ:ນະວະນິຍາຍຊື່ວ່າຊາດນີ້ຂອງທ່ານເຫີ ກໍແມ່ນນະວະນິຍາຍທີ່ນາງຈ້າວໂປແຕ່ງຂຶ້ນຕາມເລື່ອງຈິງທີ່ເກີດຂຶ້ນຢູ່ອ້ອມຂ້າງ.ທ່ານເຫີໃນນະວະນິຍາຍແມ່ນຄົນ ສັດຊື່, ເມຍຂອງເພ່ິນພັດແມ່ນຜູ່ຍິງມັກຮ້າຍ,ແມ່ເຖົ້າເປັນຄົນມັກແຂ່ງດີແຂ່ງເດ່ັນ,ສະນັ້ນ,ຜົວເມຍຈ່ິງມັກຖົກຖຽງກັນ,ຈົນເຮັດໃຫ້ທ່ານເຫີບໍ່ຮູ້ຈະເຮັດແນວໃດ
ໃນເວລາທ່ານມີອາຍຸ 40 ປີ,ແມ່ເຖົ້າໄດ້ເສຍໄປແລ້ວ ,ບໍ່ດົນທ່ານເຫີກໍເສຍໄປອີກ,ໃນເຮືອນເຫຼືອແຕ່ເມຍຜູ່ດຽວຢ່າງໂດດດ່ຽວປ່ຽວພອຍ,ໃນການບັນລະຍາຍແບບສະຫງົບຫງຽບ,ຜູ່ອ່ານຈະຮູ້ສຶກຫງ່ວມເຫງົາແລະຫມົດຫວັງໃນຊີວິດຕົວຈິງຈົນພາໃຫ້ຄົນທັງຫຼາຍກຶກກອງນຳບັນຫາຄອບຄົວ.
ບົດປະພັນຂອງນາງຈ້າວໂປບໍ່ແມ່ນສະແຫວງຫາແຕ່ບັນລຸເຖິງລະດັບເລິກເຊ່ິງ ກົງກັນຂ້າມ,ຄວາມສະແຫວງຫາຂອງນາງຄືວ່າແມ່ນສ່ິງທາດແທ້ແບບງ່າຍໆ, ແລະຄວາມຮູ້ສຶກຢ່າງແທ້ຈິງແລະຈືດໆຈ່າງໆ.ຈ່ິງສາມາດແຕ່ງບົດປະພັນດີເລີດ
ນາງເວົ້າວ່າ, ຂ້າພະເຈົ້າຫວັງຢາກເປັນນັກປະພັນອາຊີບ, ເລີຍແຕ່ງບົດປະພັນຢ່າງເອົາຈິງເອົາຈັງຜູ່ອື່ນຈະໄດ້ເຫັນວ່າຂ້ອຍໄດ້ແຕ່ງບົດໂດຍຕະຫຼອດ, ແລະກຶກ
ກອງບັນຫາຢ່າງພຽນໃຈສະແດງຈິດໃຈລົມຢ່າງແທ້ຈິງ.
|
