|
ໃນສະໄຫມ ຈັ້ນກົວຂອງຈີນ ກ່ອນ ຄ. ສ.ສະຕະວັດທີ 5 ,ມີຫຼາຍລັດໃນນັ້ນຕົ້ນຕໍມີ: 7 ລັດຄືລັດຊິນ ລັດຝຽນ ລັດຈ້າວ ລັດຊີ ລັດຊູ ລັດຫານ ແລະລັດອຸ້ຍ,ເອີ້ນເປັນ 7 ລັດໃຫຍ່ ສະໄຫມຈັ້ນກົວ,ໃນນັ້ນລັດຊິນຕັ້ງຢູ່ແຖບຊານຊີ ພາກຕາເວັນຕົກສຽງເຫນືອຂອງຈີນໄດ້ດຳເນີນການປະຕິຮູບດ້ານການ
ເມືອງ ແລະເສດຖະກິດດ່ັງນັ້ນ, ເຂັ້ມແຂງກວ່າລັດອື່ນ,ສະນັ້ນ,ຢູ່ບໍ່ຢູ່ກໍເຂົ້າລ່ວງລ້ຳອີກ 6 ລັດອື່ນໆເລື້ອຍໆ,ຍາມນັ້ນ,ມີຫຼາຍຜູ່ຫຼາຍຄົນອອກຫົວຄຶດ ,ເຂົາເຈົ້າສະເຫນີເຈດຈຳນົງຂອງຕົນໃຫ້ລັດຕ່າງໆ,ຖ້າເຈດຈຳນົງເຫຼ່ົານີ້ຖືກຮັບເອົາແລ້ວ,ຜູ່ອອກຫົວຄຶດຜູ່ນີ້ກ່ໍມີຊື່ສຽງດ່ົງດັງຂຶ້ນ,ທ່ານຊູຊິນກໍແມ່ນຜູ່ຫນ່ຶງ.
ທ່ານຊູຊິນມາລັດຊິນກ່ອນ,ອອກແຮງໂຄສະນາເຈດຈຳນົງຕໍ່ເຈົ້າຊີວິດລັດຊິນ,ສ່ົງເສີມລັດຊິນຕີກັບອີກ 6 ລັດ.ແລ້ວກວມເອົາເປັນເທື່ອລະກ້າວ.ແຕ່ເຈົ້າຊີວິດລັດຊິນປະຕິເສດຮັບເອົາເຈດຈຳນົງຂອງທ່ານຊູຊິນ,ສາຍເຫດທາງນອກແມ່ນລັດຊິນບໍ່ມີຄວາມທະເຍີທະຍານຕໍ່ ລັດອື່ນໆ,ທີ່ຈິງແລ້ວ, ລັດຊິນຍັງບໍ່ທັນໄດ້ກຽມພ້ອມເປັນຢ່າງດີຈະໂຮມຈີນເປັນເອກະພາບກັນ,ທ່ານຊູຊິນຈົນປັນຍາ,ແຕ່ຄ່າໃຊ້ຈ່າຍຂອງເພ່ິນຫມົດແລ້ວ,ເສື້ອກໍເກ່ົາແລະຂາດ, ເລີຍຄໍເຕືອຍເຕະເຊະຈຳເປັນກັບຄືນເມືອງໂລ້ຢາງ ບ້ານເກີດເມືອງນອນຂອງເພ່ິນ.
ຄົນໃນຄອບຄົວເຫັນທ່ານຊູຊິນກັບມາຢ່າງອັບອາຍຂາຍຫນ້າ,ພໍ່ແມ່ບໍ່ຢາກລົມກັບເພ່ິນ,ເມຍເຮັດແຕ່ຕ່ຳຜ້າ,ບໍ່ຢາກເບ່ິງຮອດຫນ້າ,ເພ່ິນໄດ້ຂໍໃຫ້ເອື້ອຍໄພ້ຄົວເຂົ້າໃຫ້
ກິນ,ເອື້ອຍໄພ້ບໍ່ພຽງແຕ່ບໍ່ຍອມເຮັດ,ພັດຍັງສຽດສີເພ່ິນ,ທ່ານຊູຊິນເຈັບໃຈທີ່ສຸດ,
ຈ່ິງຕັດສິນໃຈຮ່ຳຮຽນຢ່າງລຳບາກກາກກຳ,ພະຍາຍາມໃຫ້ໄດ້ຫມາກໄດ້ຜົນ
ແນ່ນອນ,ເພ່ິນຮ່ຳຮຽນທັງເວັນທັງຄືນ,ຄົ້ນຄວ້າວິທະຍາຍຸດ,ບາງທີອ່ານຫນັງສືຈົນດຶກ,ກໍບໍ່ນອນ,ເພ່ິນຍັງກຽມເຫຼັກຊີອັນຫນ່ຶງ,ເມື່ອຫິວນອນກໍແທງກົກຂາ,ຕື່ນແລ້ວ
ກໍອ່ານຕໍ່ໄປອີກ.
ທ່ານຊູຊິນໄດ້ຄົ້ນຄວ້າສະຖານະການຂອງບັນດາລັດຢ່າງຫຼົບໄປຫຼົບມາແລ້ວ,ທ່ານເກັ້ຍກ່ອມລັດຢຽນ ລັດຈ້າວກ່ອນ,ແລ້ວເກັ້ຍກ່ອມໃຫ້ 6 ລັດຜູກເປັນພັນມິດເຊ່ິງນຳໂດຍລັດຊູ,ຮ່ວມສຳພັນກັນຕ້ານກັບລັດຊິນ,ທ່ານຊູຊິນເປັນເສນາທິການໃຫຍ່ຂອງກອງທັບ 6 ລັດ , ລັດຊິນເຫັນແນວນີ້,ກໍບໍ່ກ້າເຂົ້າລ່ວງລ້ຳລັດໃດຫນ່ຶງໃນ 6 ລັດຕາມລຳພັງໃຈແລ້ວ,ສະພາບການແນວນີ້ແກ່ຍາວໄປເປັນເວລາ 15 ປີ,ຈົນຮອດເຈົ້າຊີວິດຊິນເຊີຫວງເຕົ້າໂຮມຈີນເປັນເອກະພາບກັນ.
ເມື່ອທ່ານຊູຊິນເປັນເສນາທິການໃຫຍ່ຂອງກອງທັບ 6 ລັດແລ້ວ, ເພ່ິນກໍມີຖານະສູງສຸດໃນ 6 ລັດ,ມີເທື່ອຫນ່ຶງ, ເພ່ິນໄປວຽກແວເມືອງໂລ້ຢາງ ບ້ານເກີດເມືອງນອນຂອງເພ່ິນ,ຜູ່ວ່າການເມືອງໂລ້ຢາງໄດ້ສ່ັງປະຊາຊົນປັດກວາດຖະຫນົນກ່ອນ
ລຽນແຖວຕ້ອນຮັບ,ພໍ່ແມ່ຂອງທ່ານຊູຊິນກໍສັກໄມ້ເທົ້າຄອຍຖ້າເພ່ິນຢູ່ຕາມເສັ້ນທາງ,ເມື່ອກັບບ້ານແລ້ວ,ເມຍເພ່ິນຢືນຢູ່ທາງຂ້າງບໍ່ກ້າເບ່ິງເພ່ິນ ເອື້ອຍໄພ້ຂອງເພ່ິນກົ້ມຫົວຢືນຢູ່ຫັ້ນສະແດງຄວາມຂຳ່ນັບບໍ່ແລ້ວບໍ່ທ່ົວ,ທ່ານຊູຊິນຖາມວ່າ,ເອື້ອຍໄພ້,ດ້ວຍເຫດໃດນໍ,ແຕ່ກ່ອນເບ່ິງເບົາຂ້ອຍ,ແຕ່ດຽວນີ້ພັດເຮັດແນວນີ້,ເອື້ອຍໄພ້ ສ່ັນຫົດໆທັງຕອບວ່າ,ອາວເປັນຜູ່ໃຫຍ່,ລາບລວຍແລ້ວ,ຂ້ຽບໍ່ກ້າເຮັດຄືເກ່ົາແລ້ວ,
ທ່ານຊູຊິນຈ່ິງອຸຸທານວ່າ,ຄົນທຸກແລ້ວຈົນວ່າພໍ່ແມ່ຕົນບໍ່ຫົວຊານຳ,ເມື່ອຮ່ັງມີຂຶ້ນ
ແລ້ວຈົນວ່າຍາດຕິພ່ີນ້ອຍກໍຢ້ານເຈົ້າ,ສົມພໍຄົນທັງຫຼາຍຢາກໄດ້ອຳນາດ.
ນິທານສຸພາສິດນີ້ຫມາຍຄວາມວ່າ:ເມື່ອກ່ອນຂຶງຂັງມັງມໍ,ພາຍຫລັງພັດໂຄລົບນັບຖືທີ່ສຸດ,ດຽວນີ້,ສຸພາສິດນີ້ຕຳນິຄົນຢາກເບ່ິງຄົນຕາມຖານະແລະອິດທິພົນ.
|
