|
|
 |
| (GMT+08:00)
2004-12-02 15:33:17
|
 |
|
ຊ່ອງທາງເຜີຍແຜ່ຂອງໂຣກເອດສ໌
cri
ເຊື້ອໄວລັສຂອງໂຣກເອດແມ່ນຈຸນລະອິນຊີທີ່ນ້ອຍທີ່ສຸດຊະນິດຫນຶ່ງ,ມັນຕົ້ນຕໍແມ່ນມີຊິດ
ຢູ່ໃນເລືອດ ນ້ຳອະສຸຈິ ນ້ຳເຫລືອງ ສິ່ງຂັບຖ່າຍໃນຊ່ອງຄອດແລະນ້ຳນົມ. ສະນັ້ນ,ວິທີ
ີແຜ່ລະບາດຂອງໂຣກເອດຕົ້ນຕໍມີຢູ່ສາມຊ່ອງທາງ.
ຊ່ອງທາງທີຫນຶ່ງແມ່ນແຜ່ລະບາດທາງເພດສຳພັນ.ໃນກໍລະນີທີ່ບໍ່ໃຊ້ມາດຕະການປ້ອງ
ກັນ,ເຊື້ອໄວລັສໂຣກເອດຈະແຜ່ລະບາດຢູ່ລະຫວ່າງຍິງຊາຍ ລະຫວ່າງຜູ້ຊາຍກັບຜູ້
ຊາຍໂດຍຜ່ານເພດສຳພັນ.ມີຄູ່ເພດສຳພັນຍິ່ງຫລາຍ, ຄວາມອັນຕະລາຍທີ່ຈະຕິດເຊື້ອ
ໂຣດເອດກໍ່ຍິ່ງຫລາຍ.ປະຈຸບັນ,ຜູ້ຕິດເຊື້ອໂຣກ ເອດປະມານ 90% ໃນທົ່ວໂລກແມ່ນ
ແຜ່ລະບາດໂດຍຜ່ານຈາກຊ່ອງທາງເພດ ສຳພັນ.ອັດຕາສ່ວນຂອງຜູ້ຕິດເຊື້ອໂຣກເອດ
ຜ່ານເພດສຳພັນຢູ່ຈີນປະກົດມີທົ່ວທ່າເພີ່ມຂຶ້ນສູ່ປີ.
ຊ່ອງທາງທີສອງແມ່ນແຜ່ລະບາດທາງເລືອດ.ການໃຊ້ເຂັມອັນດຽວກັນສັກຢາເສບຕິດເຂົ້າ
ເສັ້ນເລືອດດຳ;ການໃສ່ເລືອດແລະຜະລິດຕະພັນເລືອດທີ່ຖືກເຊື້ອໂຣກ ເອດເຊື່ອມພິດ;ການໃຊ້ຫລອດເຂັມແລະເຂັ້ມສັກຢາທີ່ຖືກເຊື້ອໄວລັສໂຣກເອດ ເຊື່ອມພິດແລະບໍ່ໄດ້ດັບ
ເຊື້ອຢ່າງເຄັ່ງຄັດ;ການຍ້າຍເພາະເນື້ອເຍື່ອ ອະໄວຍະວະທີ່ຖືກເຊື້ອໄວລັສໂຣກເອດເຊື່ອມພິດແລະການໃຊ້ມີດໂກນຫນວດແລະໄມ້ສີແຂ້ວຂອງຜູ້ເປັນໂຣກເອດຫລືຜູ້ຕິດເຊື້ອໂຣກເອດລ້ວນແຕ່ຈະພາໃຫ້ຕິດເຊື້ອໂຣກເອດໄດ້.ປະຈຸບັນ,ຢູ່ຈີນ,ການຮ່ວມກັນໃຊ້ເຂັມສັກຢາເສບຕິດອັນດຽວ ກັນນັ້ນແມ່ນວິທີຕົ້ນຕໍທີ່ພາໃຫ້ໂຣກເອດລະບາດ.
ຊ່ອງທາງທີສາມແມ່ນແມ່ແຜ່ເຊື້ອໂຣກໃຫ້ລູກອ່ອນ.ແມ່ຍິງທີ່ຕິດເຊື້ອໂຣກເອດ,ໃນເວລາຖືພາແລະອອກລູກນັ້ນເຊື້ອໂຣກເອດໃນເລືອດແລະສິ່ງຂັບຖ່າຍໃນຊ່ອງຄອດຂອງແມ່ກໍ່ຈະຕິດແປດໃຫ້ລູກໃນທ້ອງ,ໃນເວລາໃຫ້ລູກກິນນົມ,ເຊື້ອໂຣກໃນນ້ຳນົມກໍ່ແຜ່ໃຫ້ລູກອ່ອນ.ໃນກໍລະນີທີ່ບໍ່ໄດ້ໃຊ້ມາດຕະການທາງແພດສາດໃດໆເຊັ່ນກັ້ນກາງດ້ວຍຢາລະຫວ່າງແມ່ແລະລູກເປັນຕົ້ນ,ຜູ້ເປັນແມ່ທີ່ຕິດແປດເຊື້ອໂຣກເອດແລ້ວນັ້ນແຜ່ລະບາດເຊື້ອໂຣກເອດໃຫ້ລູກໃນທ້ອງໃນອັດຕາ 25% ຮອດ 35%.
ແປບາງຄຳສັບກ່ຽວກັບໂຣກເອດ:
ວິທີປົວແບບຄອກເທວ:ຄື"ວິທີປົວຕ້ານການກອບປີຂອງເຊື້ອໄວລັສທີ່ມີປະສິດທິພາບສູງ",ແມ່ນທ່ານເຮີຕ້າອີ່ ນັກວິທະຍາສາດເຊື້ອສາຍຈີນຂອງອາເມລິກາສະເຫນີອອກມາໃນປີ 1996,ແມ່ນນຳໃຊ້ຢາຕ້ານເຊື້ອສາມຊະນິດຂຶ້ນໄປມາຮ່ວມກັນປົວໂຣກເອດ.ການນຳໃຊ້ວິທີປົວດັ່ງກ່າວສາມາດຫລຸດຄວາມດື້ຢາຍ້ອນການໃຊ້ຢາຊະນິດດຽວໃຫ້ຫນ້ອຍລົງ,ລະງັບການກອບປີຂອງເຊື້ອໄວລັສໃນຂອບເຂດຫລາຍທີ່ສຸດ,ເຮັດໃຫ້ພູມຄຸ້ມກັນຂອງຮ່າງກາຍທີ່ຖືກທຳລາຍນັ້ນຟື້ນຟູສ່ວນຫນ່ຶງຫລືທັງຫມົດ,ແລ້ວເລື່ອນການຄືບຫນ້າຂອງພະຍາດ,ແກ່ຍາວຊີວິດຂອງຄົນເຈັບ,ຍົກຄຸນນະພາບຂອງຊີວິດໃຫ້ສູງຂຶ້ນ.
ການຕິດຕາມວັດແທກຈຸດປ້ອມ:ຄືວິທີຕິດຕາມວັດແທກໂຣກລະບາດວິທະຍາທີ່ວ່ອງໄວ ງ່າຍດາຍແລະເສດຖະກິດຊະນິດຫນື່ງທີ່ສະຫນອງຫລັກອ້າງອີງໃຫ້ແກ່ການເກັບກຳສະພາບໂຣກເອດແຜ່ລະບາດແລະຂໍ້ມູນຂ່າວສານທີ່ກ່ຽວຂ້ອງໃນຝູງຄົນພິເສດຢ່າງຕໍ່ເນື່ອງຢູ່ສະຖານທີ່ຄົງທີ່ແລະເວລາຄົງທີ່,ເພື່ອໄດ້ຮັບທ່ວງທ່າແຜ່ລະບາດຂອງໂຣກເອດຢູ່ທ້ອງຖິ່ນດັ່ງກ່າວເປັນຕົ້ນ.
ມີຄູ່ເພດສຳພັນຫລາຍຄົນ:ຜູ້ທີ່ມີເພດສຳພັນກັບສອງຄົນຫລືສອງຄົນຂຶ້ນໄປເອິ້ນວ່າມີຄູ່ເພດສຳພັນຫລາຍຄົນ.ການມີຄູ່ເພດສຳພັນຫລາຍຄົນແມ່ນການກະທຳຊະນິດຫນຶ່ງທີ່ມີຄວາມອັນຕະລາຍສູງໃນການແຜ່ບະບາດເຊຶ້ອໂຣກເອດ,ມີຈຳນວນຄູ່ເພດສຳພັນຍິ່ງຫລາຍ,ຄວາມອັນຕະລາຍທີ່ຈະຕິດເຊື້ອໂຣກເອດກໍ່ຍິ່ງຫລາຍ.
ການແລກປ່ຽນເຂັ້ມສັກຢາ:ຜູ້ທີ່ສັກຢາເສບຕິດເອົາເຂັ້ມສັກຢາທີ່ຕົນໃຊ້ແລ້ວນັ້ນໃຫ້ພະນັກງານອົງການປ້ອງກັນແລະຄວບຄຸມພະຍາດຫລືຜູ້ປະຕິບັດງານທາງສັງຄົມຜູ້ສຶກສາຫມູ່ຄູ່ທີ່ຜ່ານການອົບຮົມນັ້ນເກັບຄືນແລະແລກເອົາເຂັ້ມສັກຢາໃຫມ່,ເພື່ອຫລີກເວັ້ນບໍ່ໃຫ້ໂຣກເອດແຜ່ລະບາດໂດຍຜ່ານການໃຊ້ເຂັ້ມສັກຢາຮ່ວມກັນ.
ວິທີປົວດ້ວຍຢາເມຊາທອນ:ຕໍ່ຜູ້ທີ່ຕິດຢາເສບຕິດປະເພດຢາຝິ່ນ,ຜ່ານການກິນຢາເມຊາທອນໂດຍຈຳກັດປະລິມານເປັນເວລາຍາວນານ,ເພື່ອເຂົ້າແທນການສັກຢາເສບຕິດ,ລະດັບຄວາມຢາກເຮໂລອິນແລະຄວາມຊົມຊ່ືນຍ້ອນການນຳໃຊ້ເຮໂລອິນຂອງພວກເຂົາເຈົ້າ.ພ້ອມທັງຜ່ານການສະຫນອງການປົວດ້ານຈິດໃຈ ການສອບຖາມດ້ານສຸຂະພາບແລະການປະກອບອາຊີບແລະການສະຫນັບສະຫນູນການບໍລິການຂອງສັງຄົມ,ເຮັດໃຫ້ຜູ້ຕິດຢາເສບຕິດຍົກສູງຫລືຟື້ນຟູບົດບາດສັງຄົມຂອງພວກເຂົາເຈົ້າ.
|
|
|
