|
|
 |
| (GMT+08:00)
2004-12-06 22:03:33
|
 |
|
ການຮ່ວມມືດ້ານກະສິກຳລະຫວ່າງຈີນກັບປະເທດອາຊຽນນັບມື້ນັບແໜ້ນແຟ້ນຂຶ້ນ
cri
ໜັງສືພິມເຢິນມິນຢື້ປ້າວຂອງຈີນລາຍງານວ່າ,ໃນໄລຍະມໍ່ໆນີ້, ການຮ່ວມມືດ້ານກະສິກຳລະຫວ່າງຈີນກັບປະເທດອາຊຽນນັບມື້ນັບແໜ້ນແຟ້ນ.
ຫວ່າງມໍ່ໆນີ້,ທ່ານນີວຕຸນ ຮອງລັດຖະມົນຕີກະຊວງກະສິກຳຈີນເຜີຍໃຫ້ຮູ້ວ່າ,ໃນສອງປີມານີ້,ຈີນກັບປະເທດອາຊຽນໄດ້ດຳເນີນໂຄງການຮ່າວມືຕ່າງໆເຊັ່ນການພັດທະນາຊັບພະຍາກອນມະນຸດ,ການແລກປ່ຽນເຕັກນິກ,ການທົດລອງເປັນແບບຢ່າງແລະ ຊຸກຍູ້ການຮ່ວມມືກະສິກຳການຄ້າເປັນຕົ້ນ.ນັບມາຮອດທ້າຍປີ2003,ກະຊວງກະສິກຳຈີນໄດ້ຈັດຊຸດອົບຮົມເຕັກນິກ18ຊຸດຕາມລຳດັບ.ພະນັກງານເຕັກນິກກະສິກຳແລະຄຸ້ມຄອງຂອງບັນດາປະເທດອາຊຽນປະມານ400ຄົນໄດ້ເຂົ້າຮ່ວມຊຸດອົບຮົມດັ່ງກ່າວ,ເຊິ່ງໄດ້ຮັບໝາກຜົນອັນດີງາມແລະໄດ້ຮັບຄວາມຊົມເຊີຍໂດຍທົ່ວໄປແລະການຕີລາຄາສູງຈາກປະເທດອາຊຽນ.
ໃນສອງປີມານີ້,ອາຊຽນໄດ້ກາຍເປັນຄູ່ການຄ້າສຳຄັນຂອງຍຸດທະສາດ"ໄປເຮັດກະສິກຳຢູ່ຕ່າງປະເທດ"ຂອງຈີນ.ຕາມສະຖິຕິ, ໃນຫຼາຍປີມານີ້,ຍອດມູນຄ່າການຄ້າຜະລິດຕະພັນກະສິກຳໃນແຕ່ລະປີລະຫວ່າງສອງຝ່າຍລ້ວນແຕ່ບັນລຸເຖິງ3ຕື້ກວ່າໂດລາສະຫະລັດ.
ໃນຕົ້ນເດືອນຕຸລາປີນີ້,ໃນກອງປະຊຸມໂຕະມົນຜູ້ປະກອບການຜະລິດຕະພັນໝາກໄມ້ອາຊຽນ-ຈີນ,ຍີ່ປຸ່ນ,ສ.ເກົາຫຼີເຊິ່ງແມ່ນກະຊວງກະສິກຳຈີນແລະອົງການປົກຄອງປະຊາຊົນແຂວງສ້ານຊີ່ຈີນຮ່ວມກັນຈັດຂຶ້ນນັ້ນ,ວິສາຫະກິດໜຶ່ງຂອງແຂວງສ້ານຊີ່ເຊັນຂໍ້ຜູກພັນກັບກຸ່ມຈະເລີນໂພຄະພັນຂອງໄທແລະບໍລິສັດເຊມີໂລຂອງອິນໂດເນເຊຍສະໜອງໝາກໂປມໃຫ້6ພັນໂຕນແລະ1ໝື່ນໂຕນ.
ຜູ້ປະກອບການທີ່ເຄີຍສຳຫຼວດຕະຫຼາດອາຊຽນຫຼາຍເທື່ອແລ້ວນັ້ນເວົ້າວ່າ"ອາຊຽນແມ່ນເຂດສຳຄັນທີ່ບໍລິສັດພວກເຮົາພັດທະນາກິດຈະການ.ໃນໄລຍະໜຶ່ງຂ້າງໜ້າ,ບໍລິສັດພວກເຮົາຈະອອກແຮງສຸດຂີດບຸກເບີກຕະຫຼາດຢູ່ແຫ່ງນັ້ນ,ເພາະວ່າຕະຫຼາດຢູ່ແຫ່ງນັ້ນເວົ້າສຳລັບພວກເຮົາແລ້ວຈັ່ງແມ່ນໃຫຍ່ຫຼາຍ."
ເຊັ່ນດຽວກັນ,ຜູ້ປະກອບການຂອງພາກພື້ນອາຊຽນກໍມີຄວາມສົນໃຈຫຼາຍຕໍ່ຕະຫຼາດຈີນ.ທ່ານນາງຈິ່ນຢຸ້ຍລຽນ ຜູ້ຕາງໜ້າຂອງກຸ່ມຈະເບີນໂພກຄະພັນໄທເວົ້າວ່າ,ພວກເຮົາຈະຮ່ວມມືກັບວິສາຫະກິດໝາກໄມ້ຈີນໃຫ້ຫຼາຍຍິ່ງຂຶ້ນ,ນຳໃຊ້ເຄືອຂ່າຍຈຳໜ່າຍ ໝາກໄມ້ໃນທົ່ວໂລກຂອງກຸ່ມຈະເລີນໂພຄະພັນ,ຈຳໜ່າຍໝາກໄມ້ແຖບຮ້ອນທີ່ອຸດົມສົມບູນຂອງໄທໃຫ້ປະເທດມໍ່ແຖບຮ້ອນ.ພ້ອມກັນນັ້ນ,ໝາກໄມ້ມໍ່ແຖບຮ້ອນຂອງຈີນກໍສາມາດ ສົ່ງໄປຂາຍໃຫ້ປະເທດແຖບຮ້ອນເຊັ່ນໄທເປັນຕົ້ນ.
ໃນກອງປະຊຸມໂຕະມົນຜູ້ປະກອບການຜະລິດຕະພັນໝາກໄມ້ອາຊຽນ-ຈີນ,ຍີ່ປຸ່ນ,ສ.ເກົາຫຼີເທື່ອນັ້ນ,ພາຍໃນເວລາ2ມື້ທໍ່ນັ້ນ,ຜູ້ປະກອບການຈີນແລະຕ່າງປະເທດທີ່ເຂົ້າຮ່ວມກອງປະຊຸມກໍໄດ້ເຊັນຂໍ້ຜູກພັນການຄ້າໝາກໄມ້ທີ່ມີມູນຄ່າ400ລ້ານກວ່າຢວນ.ໃນນັ້ນ,ມີໝາກໄມ້ມໍ່ແຖບຮ້ອນຂອງຈີນເຊັ່ນໝາກໂປ່ມ,ໝາກຈອງ,ໝາກທັນຈີນລະດູໜາວເປັນຕົ້ນ,ແລະກໍມີໝາກໄມ້ແຖບຮ້ອນຂອງພາກພື້ນອາຊຽນເຊັ່ນໝາກມ່ວງ,ໝາກກ້ວຍ,ໝາກນັດ,ໝາກທຸລຽນເປັນຕົ້ນ.ມູນຄ່າການຮ່ວມມືການຄ້າລະຫວ່າງສອງຝ່າຍສູງເຖິງ1ຕື້ຢວນ.
ບຸກຄົນວົງການການຄ້າຈຳນວນໜຶ່ງເຫັນວ່າ,ການພັດທະນາຂອງກະສິກຳຈີນໄດ້ຖືກຜູກມັດຢ່າງໜັກໜ່ວງດ້ານຊັບພະຍາກອນທຳມະຊາດ,ສ່ວນອາຊຽນພັດມີເງື່ອນໄຂທຳມະຊາດທີ່ດີສົມຄວນ,ດິນປູກຝັງ,ຊັບພະຍາກອນນ້ຳແລະອື່ນໆອຸດົມສົມບູນທີ່ສຸດ,ມີສ່ວນໃຫຍ່ຍັງບໍ່ທັນໄດ້ພັດທະນາເທື່ອ.ຄວາມແຕກຕ່າງກັນດ້ານເງື່ອນໄຂດິນຟ້າອາກາດກໍໄດ້ເຮັດໃຫ້ຜະລິດຕະພັນທ່າແຮງຂອງສອງຝ່າຍຕ່າງກັນຫຼາຍ.ຜະລິດຕະພັນມໍ່ແຖບຮ້ອນຂອງຈີນແມ່ນສິ່ງທີ່ຂາດເຂີນຢູ່ອາຊຽນ.ສ່ວນຜະລິດຕະພັນແຖບຮ້ອນຫຼາຍຢ່າງຂອງອາຊຽນເຊັ່ນນ້ຳມັນປາມ,ກາກາວ,ໝາກມ່ວງຫິມມະພານເປັນຕົ້ນພັດແມ່ນສິ່ງທີ່ຈີນຕ້ອງການ,ທັງນີ້ມີຜົນດີຕໍ່ການເປີດກວ້າງການໄປມາຄ້າຂາຍລະຫວ່າງສອງຝ່າຍ.
ທ່ານຈຸນລະພອນ ນົນສີໄຊ ເອກອັກຄະລາຊະທູດໄທປະຈຳຈີນກ່າວວ່າ,ໃນເດືອນເມສາປີ2003,ຈີນແລະໄທໄດ້ເຊັນສັນຍາ ຍົກເລີກພາສີພາຍໃຕ້ແຜນການໝາກຜົນໃນໄລຍະຕົ້ນຂອງສັນຍາຂອບຮ່ວມມືເສດຖະກິດຮອບດ້ານຈີນ-ອາຊຽນ,ໄດ້ເລັ່ງລັດຂະບວນວິວັດເຮັດໃຫ້ພາສີຜະລິດຕະພັນກະສິກຳຫຼຸດລົງຮອດສູນ.
ຕາມກົນໄກໝາກຜົນໄລຍະຕົ້ນ,ແຕ່ວັນທີ1ຕຸລາປີ2003ເປັນຕົ້ນມາ,ຈີນແລະໄທໄດ້ປະຕິບັດນະໂຍບາຍບໍ່ເກັບພາສີໃນການຄ້າໝາກໄມ້ແລະຜັກ.ການປະຕິບັດນະໂຍບາຍດັ່ງກ່າວໄດ້ເສີມຂະຫຍາຍທ່າແຮງລັກສະນະຕາບຈູນກັນດ້ານຊັບພະຍາກອນຂອງສອງປະເທດຢ່າງເຕັມສ່ວນ,ບໍລິມາດການຄ້າການໝາກໄມ້ລະຫວ່າງຈີນແລະໄທຄືໝາກໄມ້ແຖບຮ້ອນຂອງໄທມີໝາກລຳໃຍ,ໝາກທຸລຽນ,ໝາກມັງຄຸດ,ໝາກລີນຈີ່,ໝາກຕົ້ນເປັນຕົ້ນ,ໝາກໄມ້ມໍ່ແຖບຮ້ອນຂອງຈີນມີໝາກໂປມ,ໝາກຈອງ,ໝາກກີວີ,ໝາກທັນແດງ,ໝາກພິລາເປັນຕົ້ນໄດ້ເພີ່ມ ຂຶ້ນ ຫຼາຍ,ມູນຄ່າການຄ້າໄດ້ເພີ່ມຂຶ້ນໃນໜ້າພຽງກວ້າງ,ເຊິ່ງສອງຝ່າຍຕ່າງໄດ້ຮັບຜົນປະໂຫຍດນຳກັນ.
|
|
|
