|
ມາວຊຸຍຈື້ຈ້ຽນຫມາຍຄວາມວ່າ,ທ້າວມາວຊຸຍສະເຫນີຕົນເອງຄຳພັງເພີຍວ່າ,ຄັນແມ່ນຄຳມັນຕ້ອງມີສີເຫຼື້ອງເຫຼື້ອມ,ຄັນແມ່ນຄົນເກັ່ງ ຫາກຊິພົ້ນເດ່ັນ,ນິທານເລື່ອງມາວຊຸຍສະເຫນີຕົນເອງກໍແມ່ນນິທານປະເພດນີ້,
ໃນສະໄຫມຍຸດທະຈັກປາງບູຮານຂອງຈີນ,ເມືອງຫານຕານລາຊະທານີຂອງເມືອງຈ້າວໄດ້ຖືກກອງທັບ 4 ອັນໃຫຍ່ໂຕຂອງເມືອງຊິນປິດລ້ອມ,ຄັບຂັນອັນຕະລາຍທີ່ສຸດ,ເພື່ອກອບກູ້ເມືອງຫານຕານ,ເຈົ້າຊີວິດເມືອງຈ້າວຢາກຮ່ວມສຳພັນກັບເມືອງສູຄືເມືອງໃຫຍ່ອີກເມືອງຫນຶ່ງພ້ອມກັນຕ້ານກັບເມືອງຊິນ,ສະນັ້ນ,ເຈົ້າຊີວິດເມືອງຈ້າວຈ່ຶງແຕ່ງເຈົ້າພິງຢວນໄປຊັກຊວນເມືອງສູ.
ເຈົ້າພິງຢວນໄດ້ຄັດເລືອກເອົາຜູ່ມີສະຕິປັນຍາແລະກ້າຫານ 20 ຄົນໃນຜູ່ມີຫົວປັນຍານັບເປັນພັນຄົນທີ່ອາໄສຢູ່ນຳເພ່ິນໄປມາເພື່ອໃຫ້ອອກຫົວຄິດຊ່ອຍ,ແຕ່ວ່າເລືອກໄປເລືອກມາໄດ້ແຕ່ 19 ຄົນ,ໃນຍາມນີ້,ມີແຂກຜູ່ຫນ່ຶງບໍ່ໄດ້ເຊີນກໍມາເອງ,ສະເຫນີຕົນເອງຈະໄປນຳຄົນຜູ່ນີ້ຊື່ວ່າມາວຊຸຍ,ເຈົ້າພິງຢວນເວົ້າວ່າ,ເຈົ້າຢູ່ທຳນຽບ,ຂ້ອຍມາເປັນເວລາ 3 ປີແລ້ວ,ຂ້ອຍບໍ່ເຄີຍໄດ້ຍິນວ່າເຈົ້າມີຄວາມສາມາດພິເສດຫຍັງຈັກເທື່ອ,ເທື່ອນີ້,ຂ້ອຍຊິໄປເມືອງສູມີຫນ້າທີ່ຫນັກຫນາທີ່ຕ້ອງຊັກຊວນຂໍເອົາທະຫານມາຊ່ອຍກອບກູ້ບ້ານເມືອງຜູ່ບໍ່ມີປັນຍາຫຍັງແມ່ນໄປນຳບໍ່ໄດ້,ເຈົ້າບໍ່ຕ້ອງໄປດອກ.
ເຈົ້າພິງຢວນເວົ້າແບບກົງໄປກົງມາ,ແຕ່ວ່າທ້າວມາວຊຸຍພັດຕອບດ້ວຍຄວາມຫມັ້ນໃຈເຕັມປ່ຽມວ່າ,ສະເດັດເວົ້າບໍ່ຖືກ,ບໍ່ແມ່ນຂ້າພະເຈົ້າບໍ່ມີຄວາມສາມາດລື່ນຫມູ່,ຫາກແມ່ນຍ້ອນສະເດັດບໍ່ໄດ້ຖືເອົາຂ້າພະເຈົ້າຢູ່ໃນກຸ່ມປັນຍາ,ຖ້າຖືເອົາຂ້າພະເຈົ້າເຂົ້າໃນກຸ່ມປັນຍາ,ຄວາມສາມາດພິເສດຂອງຂ້າພະເຈົ້າຕ້ອງພົ້ນເດ່ັນແນ່ນອນ, ຈາກຄວາມເວົ້າເຫຼ່ົານີ້,ເຈົ້າພິງຢວນຮູ້ສຶກຄືວ່າທ້າວມາວຊຸຍມີຄວາມສາມາດແທ້,ຈ່ິງເລີຍເອົາເຂົາໄປນຳພໍດີ 20 ຄົນ,ແລ້ວພາກັນອອກເດີນທາງໄປເມືອງສູ,ເມື່ອຮອດເມືອງສູແລ້ວ,ເຈົ້າພິງຢວນກໍໄດ້ເຈລະຈາກັບເຈົ້າຊີວິດເມືອງສູສອງຄົນເຈລະຈາກັນຕັ້ງເຊົ້າຮອດທ່ຽງ,ກໍບໍ່ໄດ້ຜົນຫຍັງ,ຜູ່ຕິດຕາມ 20 ຄົນທີ່ຖ້າຢູ່ທາງນອກຈ່ິງພາກົນຮ້ອນຮົນ.
ທ້າວມາວຊຸຍມາເທື່ອນີ້ຍ້ອນວ່າແມ່ນສະຫມັກມາເອງ,ສະນັ້ນ,ຜູ່ຕິດຕາມອື່ນໆອີກ 19 ຄົນຈ່ິງດູຖູກເຂົາ,ເຫັນວ່າເຂົາຂີ້ໂມ້ໂອ້ອວດ,ສະນັ້ນ,ພວກເຂົາເຈົ້າຈ່ິງຢາກເບ່ິງວ່າທ້າວມາວຊຸຍມີປັນຍາຫຍັງ,ສະນັ້ນ,ຈ່ິງຍຸໃຫ້ເຂົາໄປເຈລະຈາທີ່ຕັ້ງດົນກໍ່ບໍ່ໄດ້ຜົນຫຍັງຈັກເທື່ອ,ທ້າວມາວຊຸຍຮັບປາກໃນທັນທີ,ລາວກົດດາບທີ່ເຫນັບໃສ່ແອວ,ແລ້ວຍ່າງໄປຢືນຕໍ່ຫນ້າເຈົ້າຊີວິດເມືອງສູແລ້ວເວົ້າວ່າ,ຂໍເດຊະ ພະອົງ,ຂ້າພະບາດເຫັນວ່າເມືອງສູກັບເມືອງຈ້າວຮ່ວມກັນຕ້ານເມືອງຊິນແມ່ນເລື່ອງທີ່ຍ້ອມເປັນໄປ,ທີ່ຈິງ,ເວົ້າກັນສອງສາມຄວາມກໍຕົກລົງກັນໄດ້ໂລດ,ແຕ່ເປັນຫຍັງປຶກສາກັນມາຕັ້ງແຕ່ເຊົ້າຮອດດຽວນີ້ກໍຍັງບໍ່ໄດ້.
ຜົນຫຍັງເລີຍ,ການປະກົດຕົວແລະການສອບຖາມຂອງທ້າວມາວຊຸຍໄດ້ເຮັດໃຫ້ເຈົ້າຊີວິດເມືອງສູບໍ່ດີໃຈທີ່ສຸດ,ພະອົງເຮົາພວມປຶກສາຫາລືບັນຫາກັບເຈົ້ານາຍຂອງພວກເຈົ້າ,ເຈົ້າແມ່ນໃຜ,ຈ່ິງກ້າມາເວົ້າສອດຄວາມ,ທ້າວມາວຊຸຍເວົ້າວ່າ,ເມືອງສູແມ່ນເມືອງໃຫຍ່,ຄວນເປັນເຈົ້າຄອງໂລກ,ແຕ່ວ່າພະອົງພັດຢ້ານເມືອງຊິນຈົນຊິຕາຍ,ເມືອງຊິນຮຸກຮານເມືອງສູຕັ້ງຫຼາຍເທື່ອ,ຍຶດເອົາຜືນແຜ່ນດິນເມືອງສູໄປຕັ້ງຫຼາຍ,ເມື່ອເວົ້າເຖິງເລື່ອງນີ້ຈົນຊາວເມືອງຈ້າວພວກເຮົາກໍຮູ້ສຶກຫນ້າອາຍແທນ,ດຽວນີ້,ພວກເຮົາມາຮ່ວມກັບເມືອງສູຕ້ານເມືອງຊິນ,ເບ່ິງຄືວ່າແມ່ນເພື່ອຊ່ອຍກອບກູ້ເອົາຫານຕານ,ແຕ່ທີ່ຈິງ,ກໍແມ່ນເພື່ອແກ້ແຄ້ນຕາງໃຫ້ເມືອງສູ,ແຕ່ວ່າ,ພະອົງພັດຂີ້ຢ້ານປານນີ້,ບໍ່ສົມເປັນເຈົ້າແຜ່ນດິນຈັກເມັດ,ພະອົງບໍ່ຮູ້ສຶກລະອາຍໃຈບໍ່?ຄວາມເວົ້າຢ່າງບໍ່ເກງຂາມຂອງທ້າວມາວຊຸຍ,ເຮັດໃຫ້ເຈົ້າຊີວິດເມືອງສູຮູ້ສຶກເຂີນຫຼາຍຈົນເວົ້າຫຍັງບໍ່ອອກ,ໃນທີ່ສຸດ,ເຈົ້າຊີວິດເມືອງສູເລີຍເຫັນດີຮ່ວມສຳພັນກັບເມືອງຈ້າວຕ້ານເມືອງຊິນ.
ບໍ່ພໍ 3 ມື້,ຢູ່ໃນເມືອງຫານຕານລາຊະທານີເມືອງຈ້າວ,ໃຜໆກໍ່ຮູ້ຊື່ທ້າວມາວຊຸຍ,ປະຈຸບັນນີ້,ຄົນທັງຫຼາຍມັກໃຊ້ສຸພາສິດນີ້ມາປຽບໃສ່ຄົນມີສະຕິປັນຍາກ້າສະເຫນີຕົນເອງຕໍ່ຜູ່ອື່ນ.
|
