|
ເມື່ອກ່າວເຖິງວັດທະນະທຳດັ້ງເດີມຂອງຈີນ,ມີຜູ່ຫນຶ່ງຈະບໍ່ກ່າວເຖິງບໍ່ໄດ້,ນັ້ນກໍຄື
ທ່ານຂົງຈື.ໃນຊຸມປີ 70 ສະຕະວັດທີແລ້ວ, ໃນເວລານັກປາດຜູ່ຫນຶ່ງຂອງອາເມລິກາ
ໄດ້ຈັດລຽບລຽງບຸກຄົນ 100 ທ່ານທີ່ມີຜົນສະທ້ອນອັນສຳຄັນໃນປະຫວັດມະ
ນຸດຄົນເຮົານັ້ນ, ທ່ານຂົງຈືເປັນທີ 5,ເຊິ່ງພຽງຖັດຈາກເຢຊູແລະສະກາຍມູນີເປັນ
ຕົ້ນ.ເວົ້າສຳລັບຊາວຈີນແລ້ວ, ບໍ່ວ່າຜູ່ໃດກໍໄດ້ຮັບຜົນສະທ້ອນຈາກທິດສະດີຂົງຈືບໍ່
ຫຼາຍກໍຫນ້ອຍ
ທ່ານຂົງຈືໄດ້ເກີດເມື່ອກ່ອນຄ.ສ 551 ປີ,ເຖິງແກ່ກຳເມື່ອກ່ອນຄ.ສ 479 ປີ,ໃນເວລາທ່ານອາຍຸ 3 ຂວບ,ພໍ່ກໍ່ໄດ້ເຖິງແກ່ກຳແລ້ວ,ພາຍຫຼັງມາ,ທ່ານໄດ້ນຳແມ່ໄປຢູ່ແຂວງຊານຕຸ້ງ ພາກຕາເວັນອອກຂອງຈີນໃນປະຈຸບັນ. ທ່ານຂົງຈືຊື່ຂົງສິວ ,ຂົງຈືແມ່ນຊື່ທີ່ຄົນທັງຫຼາຍເອີ້ນເພື່ອໂຄລົບທ່ານ.ຢູ່ຈີນໃນໃນສະໄຫມບູຮານ,ຕົວຫນັງສື"ຈື"ຢູ່ຫຼັງຕະກຸນຂອງຜູ່ຫນຶ່ງແມ່ນຊຶ່ທີ່ຜູ່ອື່ນເອີ້ນເພື່ອໂຄລົບເພິ່ນ, ສະໄຫມຂອງທ່ານຂົງຈືແມ່ນສະໄຫມຊຸນເຊວຈ້ານກວົ້າທີ່ມີຫຼາຍລັດເຮັດເສິກໃສ່ກັນ
ໃນຕະຫຼອດຊີວິດຂອງທ່ານຂົງຈື,ທ່ານບໍ່ໄດ້ດຳລົງຕຳແຫນ່ງເຈົ້ານາຍ,ແຕ່ທ່ານມີວິຊາຄວາມຮູ້ຫຼາຍ,ໃນສະໄຫມບູຮານຂອງຈີນ,ການຮັບການສຶກສາແມ່ນສິດພິເສດຂອງຂຸນນາງ.ແຕ່ທ່ານຂົງຈືໄດ້ທັບມ້າງສິດພິເສດຂອງຂຸນນາງດັ່ງກ່າວດ້ວຍຮູບການຂອງຕົນເອງ,,ທ່ານເອງໄດ້ຮັບເອົານັກຮຽນ,ບໍ່ວ່າຈະເປັນຄົນຊັ້ນຄົນໃດ,ທະແນມແຕ່ຈ່ເສຍເຄື່ອງຂອງເລັກຫນ້ອຍແທນຄ່າຮຽນແລ້ວ,ກໍ່ໄດ້ສາມາດໄປຮຽນນຳທ່ານໄດ້.
ສ່ວນສິ່ງທີ່ທ່ານຂົງຈືສິດສອນພວກນັກຮຽນນັ້ນກໍ່ແມ່ນທິດສະດີປັດສະຍາຂົງຈື,ທ່ານຂົງຈືແມ່ນຜູ່ລິເລີ່ມສ້າງຝ່າຍສຳນັກປັດສະຍາຂົງຈື,ແນວຄຶດຂອງທ່ານກໍ່ແມ່ນເຮັດແນວໃດເປັນຄົນດີ,ຮັກສາສັງຄົມມີສັນຕິພາບແລະສະຖຽນລະພາບ.ທ່ານຖືເມດຕາເປັນມາດຖານຈະລິຍະທຳອັນກົກຮາກທີ່ສຸດຂອງສຸພາບບູລຸ,ໃຫ້ມີແນວຄຶດສັນຕິພາບ ມາລະຍາດ ເມດຕາ ສະຕິປັນຍາ ອະໄພແລະ
ເກ້ຍກ່ອມອ່ອນໂຍນ.
ປຶ້ມຫນັງສືທີ່ບັນທຶກແນວຄຶດແລະການກະທຳຂອງທ່ານຂົງຈືແມ່ນປຶ້ມ ທີ່ຊື່ວ່າລຸ້ນຢູ.ໃນປຶ້ມເຫຼັ້ມນີ້ຕົ້ນຕໍແມ່ນຄະຕິພົດທ່ານຂົງຈືແລະຄຳສົນທະນາລະ ຫວ່າງທ່ານຂົງຈືກັບພວກນັກຮຽນຂອງທ່ານໃນສະໄຫມບູຮານຂອງຈີນ.ປຶ້ມເຫຼັ້ມນີ້ຖືກຖືເປັນປຶ້ມສັກສິດທີ່ເຫມືອນດັ່ງຄຳພີໄປເບີນຂອງຝ່າຍຕາເວັນຕົກ.ຖ້າແມ່ນສາມັນຊົນຜູ່ຫນຶ່ງ,ກໍ່ຕ້ອງໃຊ້ແນວຄຶດໃນປື້ມເຫຼັ້ມນີ້ເປັນມາດຖານດຳລົງຊີວິດຂອງຕົນ,ຖ້າຄົນຫນຶ່ງຢາກເປັນເຈົ້ານາຍ,ເພິ່ນກໍຄວນຮ່ຳຮຽນປຶ້ມເຫຼັ້ມນີ້ຢ່າງເລິກເຊິ່ງ,ຢູ່ຈີນມີຄົນເວົ້າວ່າ:ເມື່ອຮຽນຮູ້ເນື້ອໃນເຄິ່ງຫນຶ່ງໃນປຶ້ມລຸ້ນຢູ ແລ້ວກໍ່ສາມາດປົກຄອງລັດໄດ້.ເນື້ອໃນຂອງທິດສະດີຂົງຈືອຸດົມສົມບູນທີ່ສຸດ,ໃນນັ້ນມີຫຼາຍເນື້ອໃນຍັງມີຄຸນຄ່າສູງທີ່ສຸດໃນປະຈຸບັນ,ຄຳເວົ້າຂອງທ່ານຂົງຈືໃນປຶ້ມລຸ້ນຢູໄດ້ກາຍເປັນສຸພາສິດທີ່ຊາວຈີນນຳໃຊ້ເລື້ອຍໆໃນຊູ່ມື້ນີ້.ຕົວຢ່າງຄື ທ່ານເວົ້າວ່າ:ໃນຫມູ່ສາມຄົນຕ້ອງມີຄູສອນ:ຫມາຍຄວາມວ່າ:ຜູ່ໃດກໍມີຈຸດດີ, ຕ້ອງຮຽນນຳເພິ່ນ.
ຕາມເວົ້າກັນວ່າ, ທ່ານຂົງຈືມີ 3 ພັນຄົນເຄີຍເປັນນັກຮຽນຂອງທ່ານ,ໃນນັ້ນມີນັກຮຽນຫຼາຍຄົນມີຄວາມຮູ້ຄວາມສາມາດຫຼາຍເທື່ອເຫມືອນດັ່ງຂົງຈື.ແຕ່ວ່າ,ຈົນຮອດສະໄຫມລາຊະວົງຮ້ານ,ແນວຄຶດປັດຊະຍາທີ່ທ່ານຂົງຈືລິເລີ່ມສ້າງນັ້ນຈຶ່ງໄດ້ຜູ່ປົກຄອງສັກດິນາຮັບຮອງເອົາ,ແຕ່ນັ້ນມາ,ທິດສະດີປັດຊະຍາຂົງຈືໄດ້ຄອງຖານະທາງການໃນແນວຄຶດຂອງລາຊະວົງທຸກສະໄຫມ. ແລະຖືກຖືເປັນຕົວແທນຂອງວັດທະນະທຳດັ້ງເດີມ.
ໃນ 2 ພັນກວ່າປີທີ່ຜ່ານມາ,ຜົນສະທ້ອນຂອງແນວຄຶດປັດຊະຍາຂົງຈືຢູ່ຈີນບໍ່ພຽງແຕ່ສະແດງໃນດ້ານການເມືອງແລະວັດທະນະທຳທໍ່ນັ້ນ,ຫາກຍັງໄດ້ສະແດງໃນດ້ານການກະທຳແລະຮູບການ ຈິນຕະນາການຂອງຊາວຈີນທຸກໆຄົນ.ນັກປາດຕ່າງປະເທດບາງຄົນຈົນກະທັ້ງຖືແນວຄຶດປັດຊະຍາຂົງຈືເປັນແນວຄຶດສາສະຫນາຂອງຈີນ.ແນວຄຶດຂອງຂົງຈືບໍ່ພຽງແຕ່ມີຜົນສະທ້ອນອັນເລິກເຊິ່ງຕໍ່ວັດທະນະທຳຈີນທໍ່ນັ້ນ,ຫາກຍັງໄດ້ກະທົບກະເທຶອນເຖິງຫຼາຍປະເທດໃນອາຊີ.ນັບມາຮອດປະຈຸບັນ,ຊາວຈີນຈຳນວນຫຼວງຫຼາຍໄດ້ອາໄສຢູ່ປະເທດຕ່າງໆໃນທົ່ວໂລກ,ດັ່ງນັ້ນສາມາດເວົ້າໄດ້ວ່າ ຜົນສະທ້ອນຂອງແນວຄຶດຂົງຈືບໍ່ຈຳກັດຢູ່ຈີນແລະອາຊີແລ້ວ
|
