|
ເດືອນຕຸລາປີນີ້ ການເລືອກຕັ້ງປະທານາທິບໍດີອິນໂດເນເຊຍໄດ້ສຳເລັດລົງຢ່າງສະດວກ.ພາຍຫລັງທ່ານປະທານາທິບໍດີຊູຊີໂລທີ່ໄດ້ຮັບເລືອກຕັ້ງໃຫມ່ສ້າງຕັ້ງຄະນະລັດຖະບານໃຫມ່ແລ້ວ, ໄດ້ໃຊ້ຫລາຍນະໂຍບາຍແລະມາດຕະການ, ຊຸກຍູ້ເສດຖະກິດແຫ່ງຊາດພັດທະນາ.
ກ່ອນອື່ນແມ່ນດຶງດູດທຶນຕ່າງປະເທດ,ຊຸກຍູ້ການສ້າງສາພື້ນຖານໂຄງລ່າງ.ໃນຫລາຍປີມານີ້ເມື່ອທຽບກັບປະເທດອື່ນໆໃນກຸ່ມອາຊຽນແລ້ວ, ຄວາມໄວເຕີບໂຕຂອງເສດຖະກິດອິນໂດເນເຊຍຂ້ອນຂ້າງຊັກຊ້າ, ປັດໄຈອັນຫນຶ່ງກໍ່ແມ່ນຍ້ອນການສ້າງສາພື້ນຖານໂຄງລ່າງຫລ້າຫລັງ.ພາຍຫລັງຄະນະລັດ ຖະບານຊຸດໃຫມ່ທີ່ນຳໂດຍທ່ານຊູຊີໂລໄດ້ສ້າງຕັ້ງຂຶ້ນແລ້ວ, ກໍ່ໄດ້ວາງແຜນ ການອອກໃນທັນທີ, ຈະລົງທຶນ 72 ຕື້ໂດລາສະຫະລັດຊຸກຍູ້ການກໍ່ສ້າງພື້ນ ຖານໂຄງລ່າງເປັນຈຸດຫນັກພາຍໃນ 5 ປີຂ້າງຫນ້ານີ້,ເຈາະຈົງດັດແປງແລະສ້າງທາງລົດໄຟ ທາງຫລວງ ຂົວ ໂຮງໄຟຟ້າ ສະຫນາມບິນແລະທ່າກຳປັ່ນເປັນຕົ້ນ.
ທ່ານຊູຊີໂລຍັງສວຍໃຊ້ໂອກາດເຂົ້າຮ່ວມກອງປະຊຸມສາກົນ, ເປັນເຈົ້າການເຊື້ອເຊີນຈີນ ຍີ່ປຸ່ນ ອາເມລິກາ ສະຫະພາບເອີລົບແລະບັນດາປະເທດອາຊຽນໄປລົງທຶນຢູ່ອິນໂດເນເຊຍ,ດຽວນີ້ ໄດ້ມີຈີນແລະຍີ່ປຸ່ນຕອບສະ ຫນອງແລະສະຫນັບສະຫນູນຢ່າງຕັ້ງຫນ້າ.ໂຄງການຂະຫນາດໃຫຍ່ສ່ວນຫນຶ່ງໄດ້ເລີ່ມກໍ່ສ້າງຕາມໆກັນແລ້ວ.ພ້ອມກັນນັ້ນ, ທະນາຄານໂລກກໍ່ສະ ຫນັບສະຫນູນແຜນການດັ່ງກ່າວຂອງລັດຖະບານອິນໂດເນເຊຍ.
ຖັດມາແມ່ນປະຕິຮູບນະໂຍບາຍເກື້ອກູນວັດຖຸເຊື້ອເພີງ.ໃນງົບປະມານການເງິນຂອງລັດຖະບານອິນໂດເນເຊຍປີ 2004, ຄ່າເກື້ອກູນວັດຖຸເຊື້ອເພີງສູງເຖິງ 6,8 ຕື້ໂດລາສະຫະລັດ.ຄຽງຄູ່ກັບລາຄານ້ຳມັນເຊື້ອໄຟສາກົນສືບຕໍ່ຖີບສູງຂຶ້ນໃນຕົ້ນປີນີ້ເປັນຕົ້ນມາ, ກະວ່າຄ່າເກື້ອກູນວັດຖຸເຊື້ອເພີງຍັງຈະເພີ່ມຫລາຍຂຶ້ນ. ເພື່ອຫລີກເວັ້ນສັງຄົມປັ່ນປ່ວນ,ສະກັດກັ້ນໄພເງິນເຟີ້ແລະຮັກສາຄວາມຫມັ້ນທ່ຽງຂອງເງິນຕາປະເທດຕົນ,ລັດຖະບານອິນໂດເນເຊຍພວມພິຈາລະຈາປະຕິຮູບນະໂຍບາຍໃຫ້ເກື້ອກູນແກ່ວັດຖຸເຊື້ອເພີງໂດຍແນໃສ່ກໍລະນີຕ່າງກັນ. ເວົ້າລະອຽດກໍ່ແມ່ນ,ຫລຸດຄ່າເກື້ອກູນວັດຖຸເຊື້ອເພີງທີ່ໃຊ້ທາງອຸດສາຫະກຳແຕ່ເດືອນທັນວາປີນີ້ເປັນຕົ້ນໄປ, ສ່ວນຄ່າເກື້ອກູນວັດຖຸເຊື້ອເພີງອື່ນໆຈະຖືກຍົກເລີກແຕ່ເດືອນມັງກອນປີ 2005 ເປັນຕົ້ນໄປ,ແຕ່ການເກື້ອກູນນ້ຳມັນກາດໃຫ້ຄອບຄົວທີ່ມີລາຍໄດ້ຫນ້ອຍນັ້ນຈະບໍ່ປ່ຽນແປງ.
ສາມ,ຍົກຄວາມສາມາດແກ່ງແຍ່ງໃຫ້ສູງຂຶ້ນ,ຊຸກຍູ້ການຄ້າຂາເຂົ້າຂາອອກ.ໃນ 10 ເດືອນຕົ້ນປີນີ້, ຍອດມູນຄ່າການຄ້າຂາອອກຂອງອິນໂດເນເຊຍໄດ້ລື່ນກາຍ 58,5 ຕື້ໂດລາສະຫະລັດ,ເພີ່ມຂຶ້ນຫລາຍກວ່າໄລຍະດຽວກັນ 15% ຂຶ້ນໄປ,ໄດ້ປະກົດມີທ່ວງທ່າເພີ່ມຂຶ້ນທີ່ຫນ້າຊົມເຊີຍໃນຫລາຍປີມານີ້.ລັດຖະບານຊຸດໃຫມ່ຕົກລົງຈະຫັນຈຸດຫນັກວຽກງານໃນຕໍ່ໄປພາຍຫນ້າໄປສູ່ການຍົກສະມັດຖະພາບການຜະລິດແລະຍົກຄວາມສາມາດແກ່ງແຍ່ງຂອງຜະລິດຕະພັນ, ເພື່ອຮັບປະກັນການສົ່ງອອກໃຫ້ເພີ່ມຂຶ້ນຢ່າງສືບເນື່ອງແລະຫມັ້ນທ່ຽງ,ປະກອບສ່ວນຍິ່ງຫລາຍເຂົ້າໃນການພັດທະນາເສດຖະກິດແລະຫລຸດຜູ່ຫວ່າງງານ.
ສີ່, ຂຸດຄົ້ນກຳລັງບົ່ມຊ້ອນຂອງກະສິກຳແລະອຸດສາຫະກຳຜະລິດ, ຊຸກຍູ້ເສດຖະກິດຟື້ນຕົວຄືນແລະເພີ່ມຂຶ້ນຮອບດ້ານ. ກະສິກຳອິນໂດເນເຊຍມີກຳລັງບົ່ມຊ້ອນພັດທະນາອັນມະຫາສານ,ລັດຖະບານອິນໂດເນເຊຍມີແຜນອອກແຮງຊຸກຍູ້ການພັດທະນາກະສິກຳ, ພະຍາຍາມເຮັດໃຫ້ຍອດມູນຄ່າການຄ້າຂາອອກຜະລິດຕະພັນກະສິກຳໃນປີ 2009 ບັນລຸເຖິງ 9 ຕື້ໂດລາສະຫະລັດ,ເຊິ່ງຈະເພີ່ມຂຶ້ນຫນຶ່ງເທົ່າກວ່າເມື່ອທຽບກັບຍອດມູນຄ່າການຄ້າຂາອອກທີ່ຄາດໄວ້ໃນປີ 2004.ໃນຫລາຍປີກ່ອນ, ອຸດສາຫະກຳຜະລິດຂອງອິນໂດເນເຊຍໄດ້ເພີ່ມຂຶ້ນດ້ວຍຄວາມໄວ 10% ຕໍ່ປີ,ແຕ່ປີ 1998 ເປັນຕົ້ນມາ, ຍ້ອນການລົງທຶນຫລຸດຫນ້ອຍລົງ, ຂະແຫນງການຜະລິດໄດ້ຢູ່ໃນສະພາບຕົກຕ່ຳ,ຫນ້າພຽງເພີ່ມມີແຕ່ຢູ່ລະຫວ່າງ 5% ທໍ່ນັນ, ສະນັ້ນ, ລັດຖະບານມີແຜນຈະດຶງດູດທຶນຕ່າງປະເທດເພື່ອຊຸກຍູ້ອຸດສາຫະກຳຜະລິດອອກຈາກສະພາບຕົກຕ່ຳ,ພະຍາຍາມຍົກຄວາມໄວເພີ່ມຂອງອຸດສາຫະກຳຜະລິດສູງເຖິງ 8% ຕໍ່ປີ, ມີຄວາມຊີວິດຊີວາຄືນໃຫມ່.
|
