|
ຈາກການທົດລອງພະນັກງານຄົ້ນຄວ້າໄດ້ຢັ້ງຢືນເປັນຄັ້ງທຳອິດວ່າ,ທາດຕ້ານຊປ່ອຍອ໌ອກຊີທີ່ມີໃນຜັກສີຂຽວໃບຫຼາຍຈຳນວນຫນຶ່ງມີບົດບາດປ້ອງກັນຕາເຂົ້າເຝື້ອແທ້
ນອກຈາກປັດໄຈກຳມະພັນແລະແບບວິທີດຳລົງຊີວິດແລ້ວ, ລັງສີອຸນຕຼາວີໂອເລກໍ່ແມ່ນມູນເຫດຫນຶ່ງທີ່ພາໃຫ້ເປັນພະຍາດຕາເຂົ້າເຝື້ອ.ໃນເວລາພະນັກງານຄົ້ນຄວ້າເຮັດການທົດລອງນັ້ນ,ພວກເຂົາເຈົ້າໄດ້ປະກົດເຫັນວ່າ,ທາດຕ້ານປ່ອຍອ໌ອກຊີສອງຊະນິດເຊັ່ນ:ທາດສີເຫຼືອງໃນຜັກໃບຂຽວແລະທາດສີເຫຼືອງສາລີສາມາດປ້ອງກັນບໍ່ໃຫ້ຈຸລັງແກ້ວຕາຂອງຄົນເຮົາຖືກລັງສີອຸນຕຼາວີໂອເລທຳລາຍ,ໄດ້ຮັບຜົນດີກວ່າວິຕາມິນເອີ.
ພະນັກງານຄົ້ນຄວ້າເວົ້າວ່າ,ພວກເຂົາເຈົ້າໄດ້ເອົາທາດສີເຫຼືອງໃນຜັກໃບຂາວແລະທາດສີເຫຼືອງສາລີແລະວິຕາມິນເອີທີ່ມີປະລິມານຕ່າງກັນ ມາໃສ່ຈຸລັງແກ້ວຕາຂອງຄົນເຮົາ,ແລ້ວໃຫ້ຈຸລັງເຫຼົ່ານີ້ແລະຈຸລັງແກ້ວຕາທຳມະດາທີ່ບໍ່ໄດ້ໃສ່ຫຍັງຮັບເອົາລັງສີອຸນຕຼາວີໂອເລພ້ອມກັນ.ຜົນທົດລອງໄດ້ປະກົດເຫັນວ່າ,ທາດສີເຫຼືອງໃບພັກແລະທາດສີເຫຼືອງສາລີສາມາດເຮັດໃຫ້ຈຸລັງແກ້ວຕາຖືກລັງສີອຸນຕຼາວີໂອເລທຳລາຍຫນ້ອຍລົງ 50% ຮອດ 60%. ໄດ້ຮັບຜົນດີກວ່າວິຕາມິນເອີ 2 ເທົ່າ.
ພະນັກງານຄົ້ນຄວ້າເວົ້າວ່າ,ຜົນການຄົ້ນຄວ້າຂອງພວກເຮົາໄດ້ເປັນຫຼັກຖານຢ່າງຄັກແນ່ເປັນຄັ້ງທຳອິດ,ສະແດງໃຫ້ເຫັນວ່າ ທາດສີເຫຼືອງໃບຜັກແລະທາດສີເຫຼືອງສາລີສາມາດຫຼຸດຜ່ອນຜົນຮ້າຍຂອງລັງສີອຸນຕຼາວີໂອເລໃຫ້ຫນ້ອຍລົງ.ທ່ານຊີ້ອອກວ່າ,ຕາມປົກກະຕິ,ໃນແກ້ວຕາຂອງຄົນເຮົາອາດຈະມີທາດສີເຫຼືອງໃບຜັກແລະທາດສີເຫຼືອງສາລີປະລິມາ,ສາມາດຮັກສາຕາບໍ່ໃຫ້ຖືກລັງສີອຸນຕຼາວີໂອເລທຳລາຍ,ແຕ່ທາດສອງຢ່າງນີ້ເຂົ້າໄປໃນແກ້ວຕາຂອງຄົນເຮົາ ແນວໃດຍັງບໍ່ຮູ້ເທື່ອ,ນັກວິທະຍາສາດກ່າວວ່າ,ນີ້ອາດຈະແມ່ນເປົ້າຫມາຍຄົ້ນຄວ້າຂອງພວກເພິ່ນຕໍ່ໄປພາຍຫນ້າ.
ຄົນທັງຫຼາຍມັກເວົ້າເລື້ອຍໆວ່າ,ກິນປາບໍ່ພຽງແຕ່ເຮັດໃຫ້ຄົນຍິ່ງສະຫຼາດ,ຍັງປ້ອງກັນເປັນພະຍາດສາຍເລືອດຫົວໃຈໄດ້ອີກ,ແຕ່ວ່າ,ການຄົ້ນຄວ້າໃຫມ່ສຸດຂອງນັກວິທະຍາສາດໄດ້ປະກົດເຫັນວ່າ,ບໍ່ແມ່ນວ່າປາຊະນິດໃດກໍ່ປ້ອງກັນພະຍາດສາຍເລືອດຫົວໃຈໄດ້,ກິນປາກໍຕ້ອງຮູ້ວິທີ
ຫວ່າງມໍ່ໆນີ້,ຫນັງສືພິມນິວຢອກແທມສ໌ອາເມລິກາລາຍງານວ່າ, ນັກຄົ້ນຄວ້າວິທະຍາສາດຂອງວິທະຍາຄານສາທາລະນະສຸກມະຫາວິທະຍາໄລຮາເວີດຂອງອາເມລິກາໄດ້ປະກົດເຫັນວ່າ,ປາຈືນມີບົດບາດປ້ອງກັນພະຍາດສາຍເລືອດຫົວໃຈດ້ອຍກວ່າປາທີ່ແຕ່ງກິນດ້ວຍວິທີອື່ນຫຼາຍ.
ນັກຄົ້ນຄວ້າໄດ້ຕິດຕາມສຳຫຼວດ 4815 ຄົນທີ່ອາຍຸສະເລ່ຍ 72 ປີເປັນເວລາ 12 ປີ,ຫຼັງຈາກໄດ້ສຳຫຼວດຄົ້ນຄວ້າສັງລວມຕໍ່ປັດໄຈຕ່າງໆເຊັ່ນ:ອົງປະກອບຂອງອາຫານ ອາຍຸ ເຊື້ອຊາດແລະນ້ຳຫນັກຮ່າງກາຍຂອງຄົນເຫຼົ່ານີ້ແລ້ວໄດ້ປະກົດເຫັນວ່າ,ຜູ່ທີ່ກິນປາທູນາປີ້ງແລະປາຄ໌ອດປິ້ງອາທິດລະ 4 ເທື່ອນັ້ນມີຄວາມອັນຕະລາຍທີ່ຈະເປັນພະຍາດຫົວໃຈສັ່ນພຽງແຕ່ 1 ສ່ວນ 3 ຂອງຜູ່ທີ່ກິນປາຊະນິດນີ້ເດືອນລະເທື່ອຫຼືບໍ່ກິນເລີຍ.ສ່ວນຜູ່ທີ່ກິນປາຈືນແລະແຮມເບີກເກີຊິ້ນປາ,ພັດມີຄວາມອັນຕະລາຍທີ່ຈະເປັນພະຍາດຫົວໃຈສັ່ນຫຼາຍກວ່າຜູ່ບໍ່ກິນອາຫານປະເພດນີ້.
ນັກຄົ້ນຄວ້າອະທິບາຍວ່າ,ວິທີປຸງແຕ່ງປາບໍ່ແມ່ນມູນເຫດກົກຮາກທີ່ເຮັດໃຫ້ປາມີຜົນຕ່າງກັນ,ສຳຄັນແມ່ນປາຊະນິດໃດ.ປາທູນາ ປາແຊວມອນແລະປາຄ໌ອດເປັນຕົ້ນມີໄຂມັນທີ່ມີຜົນດີຕໍ່ສຸຂະພາບຮ່າງກາຍຂອງຄົນເຮົາ,ປາທີ່ມີໄຂມັນປະເພດນີ້ອຸດົມສົມບຸນກໍເອົາມາປິ້ງກິນເລື້ອຍໆ.ສ່ວນປາທີ່ເອົາມາຈືນກິນເຫຼົ່ານັ້ນສ່ວນຫຼາຍມີໄຂມັນຫນ້ອຍ,ສະນັ້ນຈຶ່ງໄດ້ຜົນທີ່ຕ່າງກັນ.
|
