|
|
 |
| (GMT+08:00)
2004-12-09 21:20:04
|
 |
|
ວິທະຍາສາດເຕັກນິກໃນກິລາແບດມີນຕັນ
cri
ການຫຼິ້ນດອກປີກໄກ່ແມ່ນກິລາທີ່ເຜີຍແຜ່ຢ່າງທົ່ວເຖິງທີ່ສຸດໃນປະເທດເອີລົບແລະອາຊີເຊັ່ນອັງກິດ,ຊູແອັດ,ດານມັກ,ອິນໂດເນເຊຍແລະຈີນເປັນຕົ້ນ.ໃນທົ່ວໂລກມີ 130 ກວ່າປະເທດໄດ້ເຂົ້າຮ່ວມສະມາຄົມແບດມີນຕັນ ສາກົນ.ໃນງານກິລາໂອລິມປິກບາເຊໂລນາທີ່ຈັດຂຶ້ນໃນປີ 1992,ດອກປີກໄກ່ໄດ້ຖືກຈັດເຂົ້າເປັນລາຍການແຂ່ງຂັນຂອງງານກິລາໂອລິມປິກຄັ້ງທຳອິດ.
ຫຼາຍໆຄົນເຂົ້າໃຈຜິດນຶກວ່າ,ດອກໄກ່ແມ່ນວິທີຫຼິ້ນຢ່າງໜຶ່ງຂອງເດັກນ້ອຍ ຜູ້ເຖົ້າ ຫືຼນັກຮຽນທີ່ຍັງເຂົ້າຮ່ວມທິມບານເຕະຫືຼບານບ້ວງຂອງໂຮງຮຽນມັດທະຍົມປາຍບໍ່ໄດ້ເທື່ອ.
ການຄົ້ນຄວ້າວິທະຍາສາດລາຍໜຶ່ງສະແດງໃຫ້ເຫັນວ່າ,ດອກປີກໄກ່ແມ່ນລາຍການເຝິກແອບແຂ່ງຂັນທີ່ດີທີ່ສຸດຢ່າງໜຶ່ງ.ເມື່ອເບິ່ງຈາກດ້ານລະດັບແຂ່ງຂັນແລ້ວ,ການຕີດອກປີກໄກ່ຕ້ອງການກຳລັງແຮງແບບລະເບີດ,ຕ້ອງແລ່ນຕ້ອງໂດດເຕັ້ນ,ຕ້ອງກະທົບຕອບຢ່າງຄ່ອງແຄ້ວ,ມືແລະຕາສົມທົບກັນຢ່າງດີເດັ່ນທີ່ສຸດ.ໃນພາສາອັງກິດ,ຄຳວ່າ"ດອກປີກໄກ່"ແມ່ນໃຊ້ສັບດຽວກັນກັບຍານອະວະກາດຂອງກົມການບິນແລະການບິນອະວະກາດແຫ່ງຊາດອາເມລິກາ,ເຖິງວ່າດອກປີກໄກ່ໄປບໍ່ໄວທໍ່ຍານອະວະກາດ,ແຕ່ໃນການແຂ່ງຂັນລະດັບສູງ,ຄວາມໄວຂອງດອກປີກໄກ່ໄວສຸດບັນລຸ 180 ໄມອັງກິດຕໍ່ຊົ່ວໂມງ.
ໃນການແຂ່ງຂັນຮອບໜຶ່ງ,ນັກກິລາແບດມີນຕັນຕ້ອງແລ່ນ 1 ໄມອັງກິດຂຶ້ນໄປ.ໃນການແຂ່ງຂັນ 45 ນາທີ,ການຕີດອກປີກໄກ່ຕ້ອງປ່ຽນທ່າທາງ 300 ເທື່ອຂຶ້ນໄປ,ແຕ່ລະເທື່ອຕ້ອງປີ່ນໂຕ 90 ກວ່າອົງສາ.ໃນການແຂ່ງຂັນຕີດ່ຽວຮອບໜຶ່ງ,ນັກກິລາຕ້ອງຕີດອກປີກໄກ່ຫຼາຍຮ້ອຍເທື່ອ.ໃນນັ້ນ,ມີ 100 ເທື່ອຂຶ້ນ,ຍັງຕ້ອງໃຊ້ແຮງແຂນຫຼາຍທີ່ສຸດ.
ເມື່ອທຽບກັບການແຂ່ງຂັນຕີດ່ຽວແລ້ວ,ການຕີຄູ່ຕ້ອງຍ້າຍບ່ອນຍິ່ງໄວ,ແລະຍິ່ງຕີແຮງ.ໃນການແຂ່ງຂັນຕີຄູ່,ພາຍໃນ 20 ວິນາທີຕ້ອງຕີ 15 ເທື່ອ.ຊຶ່ງກໍໝາຍຄວາມວ່າ,ໃນການແຂ່ງຂັນ 45 ນາທີ,ນັກກິລາສອງຄົນຕ້ອງຕີດອກປີກໄກ່ເຖິງ 2025 ເທື່ອ,ຜູ້ໜຶ່ງຕ້ອງຕີກາຍ 1000 ເທື່ອ.ສົມມຸດວ່າ,ໃນການຕີດອກປີກໄກ່ທັງໝົດ,ມີ 50% ຕ້ອງຕີແຮງແຂ່ງຂັນຮອບໜຶ່ງ, ນັກກິລາແຕ່ລະຄົນກໍຕ້ອງຕີດອກປີກໄກ່ເຖິງ 500 ເທື່ອ,ຄວາມໄວຂອງດອກປີກໄກ່ທີ່ຖືກຕີອອກໄປແຕ່ລະເທື່ອລ້ວນແຕ່ລື່ນກາຍ 180 ໄມອັງກິດຕໍ່ຊົ່ວໂມງ.
|
|
|
