|
 ເຜົ່າຊຽງແມ່ນຫນຶ່ງໃນບັນດາຊົນເຜົ່າທີ່ມີປະຊາກອນຫນ້ອຍກວ່າເຜົ່າອື່ນຢູ່ປະເທດຈີນ,ເຊິ່ງມີປະຊາກອນພຽງ 2 ແສນກວ່າຄົນທໍ່ນັ້ນ,ຕົ້ນຕໍແມ່ນຢາຍກັນຢູ່ເຂດຍ່ອຍອາປາເຜົ່າຕິເບດເຜົ່າຊຽງປົກຄອງຕົນເອງແລະເມືອງມຽນຢາງແຂວງເສສວນພາກຫໍລະດີຂອງຈີນເຜົ່າຊຽງແມ່ນເຜົ່າຫນຶ່ງທີ່ເກົ່າແກ່ຢູ່ປະເທດຈີນ,ຢູ່ໃນສະໄຫມຄວັດຕົວຫນັງສືໃສ່ອອງເຕົ່າແລະກະດູກສັດເມື່ອສາມພັນກວ່າປີກ່ອນພຸ້ນ,ກໍມີການບັນທຶກກ່ຽວກັບເຜົ່າຊຽງມາແລ້ວ,ຕາມການບັນທຶກໃນເອກະສານທີ່ກ່ຽວຂ້ອງ,ຢູ່ພາກພາຍັບແລະພາກຫໍລະດີແລະລ້ອງແມ່ນ້ຳເຫຼືອງຂອງຈີນ,ບັນພະບູລຸດຊົນເຜົ່າຊຽງສະໄຫມບູຮານກໍເຄີຍປະດິດສ້າງອາລະຍະທຳບູຮານອັນອຸດົມສົມບູນແລະສະຫວ່າງສະໄຫວ,ແມ່ນເຜົ່າຫນຶ່ງໃນຈຳນວນຜູ່ປະດິດຄຶດສ້າງທີ່ສຳຄັນຂອງອາລະຍະທຳປະຊາດຈີນ.
ທ່ານ ຮອງຫົວຫນ້າຫໍພິພິທະພັນໃນຫໍວັດທະນະທຳຊົນເຜົ່າຈີນກໍແມ່ນຊົນເຜ່ົາຊຽງ,ໃນເວລາກ່າວເຖິງປະຫວັດແລະວັດທະນະທຳຂອງເຜົ່າຕົນນັ້ນ,ທ່ານເວົ້າວ່າ,ການບູຊາຫີນຂາວແມ່ນສີສັນພິເສດຫນຶ່ງຂອງເຜົ່າຊຽງການບູຊາຫີນຂາວແມ່ນປະກົດການທີ່ມີຈຸດພິເສດທີ່ສຸດປະການຫນຶ່ງຢູ່ໃນໂລກແຫ່ງຄວາມເຊື່ອຖືຂອງເຜົ່າຊຽງ,ຕາມພື້ນສືບພື້ນເມືອງໃນຫມູ່ຊົນເຜົ່າຊຽງ,ໃນເວລາບັນພະບູລຸດຂອງເຜົ່າຊຽງຍ້າຍໄປຢູ່ຍ່ານເຫນືອແມ່ນ້ຳຫມີນຈ້ຽງໃນແຂວງເສສວນໄດ້ພົບກັບສັດຕູທີ່ເຂັ້ມແຂງ,ຫົວຫນ້າເຜົ່າເຂົາເຈົ້າເລີຍຝັນວ່າໄດ້ຮັບຄຳຊີ້ແນະຈາກເທວະດາ,ໃນທີ່ສຸດກໍໃຊ້ຫີນຂາວເອົາຊະນະສັດຕູ,ເພື່ອຕອບບຸນແທນຄຸນເທວະດາຟ້າແຖນ,ເຜົ່າຊຽງກໍເອົາຫີນຂາວເປັນສັນຍາລັກຂອງເທວະດາຟ້າແຖນມາບູຊາໂດຍຕະຫຼອດຮອດເຊ່ັນລູກຫຼານເຫຼັນຫຼ້ອນ.
ທ່ານຍັງເວົ້າວ່າ,ທັງນີ້ພຽງແຕ່ແມ່ນພື້ນສືບໃນຫມູ່ປະຊາຊົນທໍ່ນັ້ນ,ແຕ່ທີ່ຈິງແລ້ວ,ການບູຊາຫີນຂາວຂອງເຜົ່າຊຽງນັ້ນກໍຍັງມີເນື້ອໃນກວມລວມປະຫວັດສາດແລະວັດທະນະທຳອັນອຸດົມສົມບູນຫຼາຍກວ່ານັ້ນອີກ.
ຫລັງຈາກເຜົ່າຊຽງຕັ້ງພູມລຳເນົາຢູ່ເຂດແມ່ນ້ຳຫມິນຈຽງແລ້ວ,ກໍໄດ້ເອົາຫີນຂາວເປັນສັນຍາລັກຂອງເທວະດາຟ້າແຖນມາຕັ້ງໄວ້ຢູ່ເທິງຫລັງຄາເຮືອນຢູ່ແທ່ນບູຊາ,ຢູ່ຕາມທາງຄົບແລະແຄມຄັນນາເພື່ອບູຊາ.
ຊົນເຜ່ົາຊຽງຕົ້ນຕໍແມ່ນຕັ້ງພູມລຳເນົາຢູ່ແຖບຮ່ອມພູສູງ,ເພື່ອເຫມາະກັບຈຸດພິເສດຂອງສະພາບແວດລ້ອມພູມີປະເທດທຳມະຊາດໃນທ້ອງຖິ່ນນັ້ນ,ເຮືອນຢູ່ຂອງເຜົ່າຊຽງສ່ວນຫຼາຍແມ່ນປູກຢູ່ຕາມດິນພຽງເທິງເປີ້ນພູ,ເຮືອນຢູ່ຂອງເຂົາເຈົ້າສ່ວນຫຼາຍແມ່ນເຮືອນຕຶກຫລັງຄາພຽງທີ່ກໍ່ດ້ວຍຫີນ, ເຮືອນຕຶກກໍ່ດ້ວຍຫີນທີ່ຕັ້ງສະຫຼັບກັນເປັນແຖວໆໄດ້ປະກອບເປັນບ້ານຄືກັນກັບປ້ອມປືນ.
ທ່ານເວົ້າວ່າ,ອົງປະກອບຂອງເຮືອນຕຶກທີ່ກໍ່ດ້ວຍຫີນຂອງເຜ່ົາຊຽງແມ່ນແຫນ້ນຫນາຖາວອນແລະໃຊ້ການໄດ້ດີ,ຮູບນອກກໍຫນ້າເບິ່ງຫນ້າຊົມ,ຮູບຊົງຂອງການກໍ່ສ້າງແນວນີ້ແມ່ນມີການພົວພັນຢ່າງສະຫນິດແຫນ້ນກັບເສິກສົງຄາມຢ່າງແຍກອອກຈາກກັນບໍ່ໄດ້.ທ່ານ ເວົ້າວ່າ,ເສິກສົງຄາມທີ່ຂຶ້ນຢ່າງຕໍ່ເນື່ອງໃນສະໄຫມບູຮານນັ້ນ,ໄດ້ຊຸກຍູ້ໃຫ້ຊົນເຜ່ົາຊຽງເວລາປຸກເຮືອນນັ້ນຕ້ອງມີປະສິດທິຄຸນໃນການປ້ອງກັນທາງດ້ານການທະຫານ.ໂດຍທົ່ວໄປແລ້ວ,ເຮືອນຂອງຊົນເຜົ່າຊຽງແມ່ນມີສາມຊັ້ນ,ຊັ້ນລຸ່ມແມ່ນຄອກສັດ,ຊັ້ນສອງແມ່ນບ່ອນຢູ່ບ່ອນກິນ,ຊັ້ນສາມແມ່ນສຳລັບເຮັດເຍຍໄວ້ເຂົ້າແລະເຄື່ອງຂອງຕ່າງໆ,ລະຫວ່າງເຮືອນຄອບຄົວນີ້ກັບຄອບຄົວນັ້ນແມ່ນມີປ່ອງໄປມາຫາກັນໄດ້,ນອກນັ້ນ,ຢູ່ຂ້າງບ້ານເຜົ່າຊຽງສ່ວນຫຼາຍກໍໄດ້ກໍ່ປ້ອມຫນ່ຶງທີ່ສູງຕັ້ງ 10 ກວ່າຊັ້ນ,ເພື່ອປ້ອງກັນສັດຕູ.
ເຜົ່າຊຽງກໍຄືກັນກັບເຜົ່າສ່ວນຫນ້ອຍອື່ນໆຂອງຈີນແມ່ນເຜົ່າຫນຶ່ງທີ່ມັກຟ້ອນລຳທຳເພງ,ໂດຍສະເພາະແມ່ນຂຸ້ຍເຜ່ົາຊຽງແມ່ນມີອັນໂດດເດັ່ນພິເສດຂອງມັນເຊິ່ງບໍ່ພຽງແຕ່ມີຊື່ສຽງດົງດັງມາແຕ່ດົນທໍ່ນັ້ນຫາກຍັງມີປະຫວັດມາຕັ້ງແຕ່ດົນນານອີກດ້ວຍ.ທ່ານ ເວົ້າວ່າ,ເມື່ອສອງພັນກວ່າປີກ່ອນ,ຂຸ້ຍເຜົ່າຊຽງກໍໄດ້ເຜີຍແຜ່ເຂົ້າມາຮອດພາກກາງຂອງຈີນແລ້ວມີຜົນສະທ້ອນອັນເລິກເຊິ່ງຕໍ່ວັດທະນະທຳດົນຕີຂອງພາກກາງຈີນ.
ທ່ານ ເວົ້າວ່າ,ຢູ່ໃນກາບກອນຂອງຈີນທຸກສະໄຫມກໍມັກເຫັນການວາດພາບກ່ຽວກັບສະເຫນ່ສິນລະປະຂຸ່ຍເຜົ່າຊຽງເລື້ອຍໆ.ຂຸ້ຍເຜົ່າຊຽງແມ່ນທັງເຫມາະກັບການລະບາຍອາລົມລະຫວ່າງບ່າວສາວທັງເຫມາະກັບການດ່ຽວຢູ່ເວທີສະແດງອີກດ້ວຍ.
ທ່ານຜູ່ຟັງທີ່ໂຄລົບ,ຜ່ານການພັດທະນາມາເປັນເວລາກວ່າເຄິ່ງສັດຕະວັດ,ໃນຊູ່ມື້ນີ້,ອຸດສາຫະກຳແລະກະສິກຳຢູ່ເຂດເຜົ່າຊຽງກໍລ້ວນແຕ່ໄດ້ມີການຂະຫຍາຍຕົວຢ່າງຫຼວງຫຼາຍແລ້ວ,ສິ່ງທີ່ເປັນຕາຍ້ອງຍໍເປັນພິເສດນັ້ນກໍແມ່ນເຂົາເຈົ້າໄດ້ຕັ້ງເຂື່ອນໄຟຟ້ານ້ຳຕົກຂະຫນາດນ້ອຍຂະຫນາດກາງຂຶ້ນຫຼາຍບ່ອນຢູ່ເຂດເຜົ່າຊຽງອັນໄດ້ເຮັດໃຫ້ບ້ານເຜົ່າຊຽງເຊິ່ງແຕ່ກ່ອນແມ່ນອາໄສແກ່ນຕົ້ນສົນມາໄຕ້ຕາງໂຄມໄຟນັ້ນ,ດຽວນີ້ກໍມີເຄື່ອງໄຟຟ້າໃຊ້ໃນເຮືອນແບບທັນສະໄຫມຄືໂທລະທັດແລະຫມໍ້ຫຸງເຂົ້າດ້ວຍໄຟຟ້າເຫຼົ່ານີ້ເປັນຕົ້ນໃຊ້ຢູ່ຫມົດທຸກຄອບຄົວເຜົ່າຊຽງໂດຍທົ່ວໄປແລ້ວ
ດຽວນີ້,ຊົນເຜົ່າຊຽງເຊິ່ງແຕ່ກ່ອນແມ່ນອີງໃສ່ການລ້ຽງສັດເປັນອາຊີບນັ້ນ,ກໍເຮັດການຄ້າຂາຍນຳອີກ,ມີຄົນຫຼາຍກໍຈົນກາຍເປັນນັກທຸລະກິດທີ່ມີຊື່ສຽງຢູ່ທ້ອງຖິ່ນ,ຕາມສະຖິຕິຂອງເຂດຍ່ອຍອາປາເຜົ່າຕິເບດເຜົ່າຊຽງປົກຄອງຕົນເອງທີ່ມີຊາວເຜົ່າຊຽງຈຸ້ມກັນຢູ່ຫຼາຍນັ້ນ,ຫົວຫນ້າໂຮງງານແລະຜູ່ຈັດການວິສາຫະກິດຢູ່ແຫ່ງນັ້ນມີ 40%ແມ່ນຊາວເຜົ່າຊຽງ.
|
