|
ສັດແຕ່ລະຢ່າງມີອາຍຸຈັກປີ?ບັນຫານີ້ບໍ່ພຽງແຕ່ເດັກນ້ອຍສົນໃຈ,ຜູ່ໃຫຍ່ກໍມັກຖາມເລື້ອຍໆ,ກ່ຽວກັບອາຍຸຂອງສັດໂດຍສະເພາະແມ່ນສັດປ່າປະເພດຕ່າງໆຢູ່ໄດ້ຈັກປີນັ້ນ,ມັນແມ່ນຄວາມຮູ້ແນວຫນ່ຶງແທ້,ຕ້ອງດຳເນີນການພິສູດຄົ້ນຄວ້າຄັກແນ່ຈ່ິງຈະຮູ້,ດ່ັງນັ້ນ,ບໍ່ວ່າຈະແມ່ນຜູ່ຊ່ຽວຊານຫຼືຜູ່ມັກສັດ,ການເກັບກຳຂ້ໍມູນໃນດ້ານນີ້,ແມ່ນມີຄຸນຄ່າວິທະຍາສາດສູງຫຼາຍ,ຕໍ່ໄປ,ເຮົາຂໍສະເຫນີຂ້ໍມູນກ່ຽວກັບອາຍຸຂອງສັດບາງຈຳພວກ.
ກ່ອນອື່ນຈະເວົ້າມາຕັ້ງແຕ່ຈຳພວກສັດຈຸລັງດຽວ,ສັດປະເພດນີ້ແມ່ນສັດດຶກດຳບັນກວ່າຫມູ່ໃນໂລກ,ຕ້ອງໃຊ້ກ້ອງຈຸລະທັດຈ່ິງເບ່ິງເຫັນ.ຕາມຄົ້ນຄວ້າ,ສັດຈຸລັງດຽວແມ່ນອາໃສການແຕກແຍກມາສືບຫນໍ່ຕໍ່ແນວ,ນັກຊີວະສາດຄຳນວນວ່າ,ອາຍຸຂອງສັດຈຸລັງດຽວໂຕຫນ່ຶງມີແຕ່ 7-8 ຊ່ົວໂມງທໍ່ນັ້ນ,ແຕ່ຄຶດສະເຫຼ່ຍແລ້ວມັນແຕກແຍກມື້ລະ 3 ເທື່ອ,ບໍ່ຮອດອາທິດຫນ່ຶງ,ມັນກໍສາມາດອອກລູກເກີດຫຼານໄດ້ເຖິງ 3 ຫມື່ອນກວ່າໂຕ,7 ປີຕໍ່ມາ, ລູກຫຼານຂອງມັນຖ້າໂຮມເຂົ້າກັນ.ກໍ່ຈະໃຫຍ່ກວ່າຫນ່ວຍໂລກຕັ້ງຫມື່ນເທ່ົາ!ມັນຈ່ັງແມ່ນຕົວເລກອັນພິລຶກແທ້ໆ,ແຕ່ຍ້ອນແຫຼ່ງອາຫານ,ສ່ິງແວດລ້ອມດຳລົງຊີບມີຈຳກັດ,ແລະຍ້ອນບົດບາດຂອງຕ່ອງໂສ້ອາຫານ(ຄືປາໃຫຍ່ກິນປານ້ອຍ,ປາຮ້ອຍກິນປາຊິວ) ການສືບຫນໍ່ຕໍ່ແນວຂອງມັນຈ່ິງຖືກຈຳກັດທີ່ສຸດ.
ສັດທີ່ມີອາຍຸຍືນກວ່າສັດຈຸລັງດຽວຈັກຫນ່ອຍນັ້ນກໍແມ່ນແມງໄມ້,ແຕ່ວ່າອາຍຸຂອງແມງໄມ້ກໍບໍ່ທໍ່ກັນຫມົດ,ເຊ່ັນແມງປໍທີ່ເຮົາເຫັນເລື້ອຍໆ,ມັນສາມາດຢູ່ໄດ້ເດືອນຫນ່ຶງຮອດ 2 ເດືອນ,ຖ້າບວກໃສ່ເວລາຕົວຫນອນມັນເຕີບໃຫຍ່ຢູ່ໃນນ້ຳ,ອາຍຸຂອງມັນກໍມີປີຫນ່ຶງເຖິງ 5 ປີ.
ແມງເຜິ້ງແມ່ນສັດທີ່ອອກແຮງງານດຸຫມ່ັນຂະຫຍັນພຽນ,ແມງເຜິ້ງ 3 ປະເພດກໍມີອາຍຸບໍ່ຄືກັນ,ເຜິ້ງອອກແຮງງານໃນຍາມມີນ້ຳເຜິ້ງຫຼາຍມັນຢູ່ໄດ້ແຕ່ 30 ກວ່າມື້ທໍ່ນັ້ນ,ເຖິງຈະແມ່ນຍາມຜ່ານລະດູຫນາວກໍ່ຢູ່ໄດ້ແຕ່ 3 ເດືອນເຖິງ 6 ເດືອນ,ເຜິ້ງໂຕຜູ່ ທຳມະດາແມ່ນຢູ່ໄດ້ 6- 7ເດືອນ,ສ່ວນເຜິ້ງແມ່ພັດຢູ່ໄດ້ຮອດ 5—6 ປີ.
ຈັກຈ່ັນແມ່ນນັກຮ້ອງທີ່ມີຊື່ສຽງໃນຈຳພວກແມງໄມ້,ແຕ່ທ່ານຈະບໍ່ຮູ້ວ່າ,ມັນມີອາຍຸຍືນກວ່າເພ່ິນໃນຈຳພວກແມງໄມ້,ຈັກຈັ່ນອອກແມ່ແຜ່ລູກເກ່ັງທີ່ສຸດ,ຈັກຈ່ັນແມ່ໂຕຫນ່ຶງອອກໄຂ່ໄດ້ 300 ເຖິງ 400 ຫນ່ວຍ,ໄຂ່ຂອງມັນແມ່ນອອກຢູ່ໃນເປືອກໄມ້,ຕ້ອງຜ່ານລະດູຫນາວຫນ່ຶງປີລຸນມາ,ມັນຈ່ິງເບາະອອກເປັນໂຕດ້ວງ,ດ້ວງຫມົ້ນອອກຈາກເປືອກໄມ້,ຕົກລົງດິນ,ຫມົ້ນເຂົ້າໃນດິນບ່ອນອ່ອນ,ແລ້ວຜ່ານຊີວິດຢູ່ໃຕ້ດິນເປັນເວລາຍາວນານ,ທຳມະດາກໍຕ້ອງ 2-3 ປີ,ອັນເປັນຕາງຶດນັ້ນແມ່ນຢູ່ທະວີບອາເມລິກາເຫນືອມີຈັກຈ່ັນດຳຊະນິດຫນ່ຶງ,ໂຕດ້ວງຂອງມັນຕ້ອງຢູ່ໃຕ້ດິນຕັ້ງ 17 ປີ,ມັນຈ່ຶງຫມົ້ນຂຶ້ນມາຫນ້າດິນ,ລອກຄາບເປັນໂຕຈັກຈ່ັນແລ້ວຈິ່ງເລ່ີມດຳລຸງຊີວິດອັນຂຸ້ນວຽກທີ່ສຸດຂອງມັນແລະກໍແມ່ນຊີວິດບັ້ນປາຍຂອງມັນພຽງບໍ່ທໍ່ໃດອາທິດທໍ່ນັ້ນ
ຄັນຊັ້ນ,ປາມີອາຍຸຍືນຊ່ຳໃດ?ປາທີ່ຕ່າງກັນ ອາຍຸກໍ່ບໍ່ທໍ່ກັນ,ປາໄນທີ່ອາຍຸຍືນກວ່າເພ່ີນແມ່ນ 25 ປີ,ປາໄຫຼບາງໂຕຢູ່ໄດ້ຮອດ 50 ປີ,ປາເຂັງໂຕຍືນຢູ່ໄດ້ເຖິງ 10 ກວ່າປີ,ປາຄຳທີ່ຄົນທັງຫຼາຍມັກເບ່ິງນັ້ນຢູ່ໄດ້ 30 ປີ,ຢູ່ເອີລົບມີປາຊະນິດຫນ່ຶງເອີ້ນວ່າປາແມວ,ຕາມເວົ້າວ່າ,ປາຊະນິດນີ້ມີຢູ່ຕາມບຶງຫນອງຂອງອັງກິດຢູ່ໄດ້ຮອດ 60 ປີ.
ໃນຈຳພວກປານັ້ນ,ອາຍຸຍືນກວ່າເພ່ິນແມ່ນປາສະຫຼາມ,ປາສະຫຼາມໂດຍທ່ົວໄປແລ້ວມີອາຍຸປະມານ 150 ປີ,ໃນໄລຍະນີ້,ຮ່າງກາຍຂອງມັນແມ່ນເຖົ້າບໍ່ເປັນ,ປະລິມານອາຫານຂອງມັນແລະເຫື່ອແຮງຂອງມັນແມ່ນຈະບໍ່ອ່ອນໂຊຫຼືທໍ້ຖອຍຍ້ອນອາຍຸຈັກເທື່ອ,ເມື່ອໄດ້ຄົ້ນຄວ້າແລ້ວຮູ້ວ່າ,ແມ່ນຍ້ອນຢູ່ໃນຕັບຂອງປາສະຫຼາມມີວັດຖຸປະຫຼາດຊະນິດຫນ່ຶງເອີ້ນວ່າສະປິແນແຊນ ເຮັດໃຫ້ຈຸລັງໃນຮ່າງກາຍຂອງປາສະຫຼາມມີອອກຊີແຊນພຽງພໍບໍ່ເປັນພະຍາດແລະບໍ່ເຖົ້າ.
ບົນຫນ່ວຍໂລກ,ມີສັດປະເພດຕ່າງໆຈົນນັບບໍ່ຖ້ວນ,ອາຍຸຍືນກວ່າເພ່ິນຕ້ອງນັບວ່າເຕ່ົາໃຫຍ່ປະເພດສັດເລືອຄານ,ກະລາສີແອັສປາຍເຄີຍຈັບເຕ່ົາທະເລໄດ້ໂຕຫນ່ຶງຫນັກ 300 ກິໂລ,ຜູ່ຊ່ຽວຊານກະວ່າເຕ່ົາໂຕນັ້ນມີອາຍຸ 250 ປີແລ້ວ,ຕາມຂ່າວແຈ້ງວ່າ,ຢູ່ທະເລກາລີເບມີເຕ່ົາທະເລຊະນິດຫນັກຮອດ 500 ກິໂລ,ບາງໂຕມີອາຍຸ 400 ກວ່າປີແລ້ວ.
ແຂ້ແມ່ນປະເພດດຽວກັບເຕ່ົາອາຍຸກໍຍືນຫຼາຍ,ບາງໂຕຍືນໄດ້ 300 ກວ່າປີ.ໃນປະເພດນົກນັ້ນ,ແຮ້ງ ອີກາແລະຫົງອາດຈະຍືນຮອດຮ້ອຍກວ່າປີ.ໃນຂະບວນວິວັດທະນາການຂອງສັດນັ້ນ,ສັດລ້ຽງລູກດ້ວຍນົມແມ່ນສັດຊັ້ນສູງກວ່າເພ່ິນ,ອາຍຸຂອງສັດປະເພດນີ້ຍືນປານໃດ?ນັກວິທະຍາສາດໄດ້ຄົ້ນຄວ້າອາຍຸຂອງສັດລ້ຽງນົມຫຼາຍຢ່າງແລ້ວໄດ້ສັງເກດເຫັນກົດເກນຫນ່ຶງວ່າ,ສ່ວນຫຼາຍທໍ່ກັບປະມານ 8—10 ເທ່ົາຂອງໄລຍະເພດສຸກງອມຂອງສັດແຕ່ລະຢ່າງ,ຫຼື 5—7 ເທ່ົາຂອງໄລຍະເຕີບໂຕ,ເຊ່ັນຫມາ ໄລຍະເຕີບໃຫຍ່ແມ່ນ 2 ປີ,ສະນັ້ນ,ອາຍຸຂອງມັນກໍແມ່ນ 10 – 14 ປີ,ທະນີໄລຍະເຕີບໂຕແມ່ນ 12 ປີ,ອາຍຸມັນກໍປະມານ 60 ປີ.
ຖ້າຄຶດໄລ່ຕາມມາດຕາສ່ວນໄລຍະເຕີບໃຫຍ່ກັບອາຍຸແລ້ວ,ໄລຍະເຕີບໂຕຂອງຄົນແມ່ນ 20 ເຖິງ 25 ປີ,ດ່ັງນັ້ນ,ອາຍຸທຳມະຊາດຂອງຄົນຄວນແມ່ນແຕ່ 100 ຮອດ 175 ປີ.
ປັດໃຈຕົ້ນຕໍທີ່ກະທົບກະເທືອນອາຍຸຂອງສັດນັ້ນແມ່ນຫຍັງ?ວົງການວິທະຍາສາດຍັງບໍ່ສາມາດໃຫ້ຄຳຕອບອັນແນ່ນອນເທື່ອ,ແຕ່ມີຄວາມເຫັນຢູ່ຫຼາຍຢ່າງຄື:
1, ເວລາສຸກງອມຂອງເພດຈະໄວຫຼືຊ້ານັ້ນເປັນຜົນກະທົບເຖິງອາຍຸ,ມີຄົນ
ຖືວ່າ,ຮ໊ອກໂມນເພດມີບົດບາດເຮັດໃຫ້ສັດເຖົ້າໄວ,ຖ້າສາມາດລະງັບຮ໊ອກໂມນເພງຫຼືເຮັດໃຫ້ເພດສຸກງອມຊ້າລົງ,ອາຍຸກໍຈະຍືນຂຶ້ນໂດຍທຽບຖານ.
2, ຮ່າງກາຍນ້ອຍໃຫຍ່ກໍມີຜົນກະທົບກະເທືອນເຖິງອາຍຸ.ມີຄົນຖືວ່າ,ສັດທີ່ມີຮູບຮ່າງສູງໃຫຍ່ເປັນຕົ້ນແມ່ນຊ້າງແລະປາວານ,ເພາະວ່າພວກມັນມີຄວາມສາມາດຕ້ານທານຢ່າງແຂງແຮງມີພະລັງຊີວິດແຂງແຮງ,ມັນຈ່ິງບໍ່ຖືກສັດຕູທຳມະຊາດອື່ນໆທຳລາຍ,ນອກນີ້,ພວກມັນຕ້ອງການເວລາພັດທະນາເຕີບໂຕ,ອ່າວຍາວນານແດ່ເພື່ອສຳເລັດຊີວິດຂອງມັນ,ເຊ່ັນ:ຊ້າງຕ້ອງການເວລາລ້ຽງລຸກດ້ວຍນ້ຳນົມເຖິງ 4—5 ປີ,ເວລາເຕີບໃຫຍ່ແທ້ໆຈະຕ້ອງການເວລາ 15—18 ປີ
ອາຍຸຂອງມັນຍືນທີ່ສຸດກໍມີເຖິງ 120 ປີ,ນອກນີ້,ຄວາມໃຫຍ່ໂຕຂອງມັນສາມາດຕ້ານອາກາດຫນາວ,ຮັກສາອາຍຄີງ,ໃນຊ່ົວຊີວິດຂອງມັນ,ກໍເປືອງກາໂລລີຫນ້ອຍກວ່າສັດອື່ນ,ກົງກັນຂ້າມ,ສັດໂຕນ້ອຍຕ້ອງຫັນໃຈເອົາອາກາດຫຼາຍ,ເສຍກາໂລລີກໍ່ຫຼາຍ,ສະນັ້ນ,ມັນຈ່ິງອາຍຸສັ້ນກວ່າສັດໃຫຍ່
3, ເຊື້ອກຳມະພັນເປັນສ່ິງຕັດສິນອາຍຸຂອງສັດມີຄົນຖືວ່າແຢນໃນໂກຼມາໂຊມເພດເປັນສ່ິງຕັດສິນອາຍຸຍາວຫຼືສັ້ນ,ແຕ່ກໍມີຖືວ່າ:ອາຍຸຍືນຫຼືບໍ່ແມ່ນມີສ່ວນພົວພັນທາງກົງກັບການແຕກແຍກຂອງຈຸລັງ.
4 ເຄື່ອງກິນມີຜົນກະທົບເຖິງອາໃສຢູ່ຕາມສ່ິງແວດລ້ອມທີ່ໂຫຍຫິວ,ກະດ້າງຫນາວ ພະຍາດໂລຄາແລະໃນສ່ິງແວດລ້ອມທີ່ແກ່ງແຍ່ງກັນແບບປາໃຫຍ່ກິນປານ້ອຍນັ້ນ,ຫນ້ອຍທີ່ສຸດທີ່ຈະຕາຍຍ້ອນເຖົ້າແກ່ຊະລາ,ສະນັ້ນ,ຖ້າມີທີ່ເພ່ິງພາອາໃສຢ່າງສະຫງົບສຸກ,ມີອາຫານການກິນຖືກປາກຖືກຄໍຫຼືມີອາຫານທີ່ມີໄຂມັນຫນ້ອຍ,ກາໂລລີຫນ້ອຍ ອາຍຸກໍຈະຍືນແດ່.
|
