|
ມີທະຫານອາເມລິກາປະຈຳອີຣັກອີກ7ຄົນຖືກຫຼອນໂຈມຕີແລ້ວເສຍຊີວິດ
cri
Author: q
ຕາມຂ່າວCRI,ວັນທີ13ທັນວາ,ກອງທະຫານອາເມລິກາປະຈຳອີຣັກອອກຖະແຫຼງການວ່າ,ວັນທີ12ທັນວາ,ໄດ້ມີທະຫານເຮືອສູ້ລົບເທິງບົກຂອງອາເມລິກາອີກ7ຄົນຖືກຫຼອນໂຈມຕີແລ້ວເສຍຊີວິດ.
ຖະແຫຼງການກ່າວວ່າ,ວັນທີ12ທັນວາ,ໃນເວລາກອງທະຫານອາເມລິກາປະຈຳອີຣັກດຳເນີນການເຄື່ອນໄຫວທາງການທະຫານທີ່ໃຫ້ຊື່ວ່າຄວາມປອດໄພແລະສະຖຽນລະພາບຢູ່ແຂວງອານບານັ້ນ,ກອງທະຫານອາເມລິກາຖືກຫຼອນໂຈມຕີສອງເທື່ອ, ມີທະຫານ7ຄົນເສຍຊີວິດ.
ນອກນີ້,ວັນທີ13ທັນວາ,ຝ່າຍຕຳຫຼວດອີຣັກກ່າວວ່າ,ຕອນເຊົ້າມື້ດຽວກັນ,ຢູ່ປົດກວດກາແຫ່ງໜຶ່ງຕໍ່ໜ້າເຂດສີຂຽວ ທາງພາກຕາເວັນຕົກຂອງແບກແດດໄດ້ເກີດເຫດການລົດຍົນລະເບີດ ,ຢ່າງໜ້ອຍມີ6ຄົນເສຍຊີວິດ,ຫຼາຍຄົນບາດເຈັບ.
|
|
