ທ່ານຊາລົງກ່າວວ່າຊັ້ນຜູ້ນຳຂອງປາເລັສຕິນບໍ່ໄດ້ຄວບຄຸມກອງປະກອບອາວຸດປາເລັສຕິນຢ່າງບັງເກີດຜົນ
cri
Author: q
ຕາມຂ່າວCRI,ວັນທີ13ທັນວາ,ທ່ານຊາລົງ ນາຍົກລັດຖະມົນຕີອິດສະລະແອນກ່າວວ່າ,ຝ່າຍອິດສະລະແອນເຫັນວ່າ,ເຫດການລາຟາສະແດງໃຫ້ເຫັນວ່າ,ໝູ່ຄະນະນຳຊຸດໃໝ່ຂອງອົງການອຳນາດແຫ່ງຊາດປາເລັສຕິນບໍ່ໄດ້ໃຊ້ມາດຕະການອັນບັງເກີດຜົນຄວບຄຸມກອງປະກອບອາວຸດປາເລັສຕິນ.
ໃນເວລາໃຫ້ສຳພາດຕໍ່ສື່ມວນຊົນໃນມື້ດຽວກັນ,ທ່ານຊາລົງກ່າວວ່າ,ອິດສະລະແອນຍິນດີໃຫ້ປາເລັສຕິນອິດສະລະແອນບັນລຸສັນຕິພາບ,ແຕ່ວ່າປະຖົມປັດໃຈຂອງການບັນລຸເປົ້າໝາຍດັ່ງກ່າວແມ່ນປາເລັສຕິນແລະອິດສະລະແອນຕ້ອງຢຸດຍິງກ່ອນ,ແລະຮັກສາໃຫ້ສະຖານະການມີສະຖຽນລະພາບ.ທ່ານຊາລົງຍັງກ່າວວ່າ,ຂະບວນວິວັດສັນຕິພາບປາເລັສຕິນອິດສະລະແອນຈະມີການຄືບໜ້າຫຼືບໍ່ແມ່ນຊີ້ຂາດຢູ່ນຳປາເລັສຕິນຈະໃຊ້ມາດຕະການອັນບັງເກີດຜົນໂຈມຕີລັດທິກໍ່ການຮ້າຍຫຼືບໍ່.ທ່ານກ່າວວ່າ,ນັບມາຮອດປະຈຸບັນ,ອິດສະລະແອນໄດ້ປະກົດເຫັນວ່າຝ່າຍປາເລັສຕິນບໍ່ມີການຄືບໜ້າຫຍັງໃນດ້ານນີ້.
|
|