|
ກ່ອນອື່ນຂໍສະເຫນີຜັກຈຳນວນຫນຶ່ງທີ່ກັນແລະປົວພະຍາດໄດ້,ຜັກກາດຫົວສາມາດຊ່ອຍຍອຍອາຫານ,ທັງຊ່ອຍໃຫ້ຖ່າຍເບົາສະດວກແລະກຳນັດໂກເລັສເຕລອນຫຼືໄຂມັນໃນເລືອດ,ຜັກກາດຫົວຍັງສາມາດແກ້ພິດໃນວັດຖຸທີ່ພາໃຫ້ເປັນມະເຣັງຢູ່ໃນຊີ້ນປິ້ງທີ່ໄຫມ້ແຮງ,ແລະສາມາດກັ້ນກາງບໍ່ໃຫ້ສ່ິງທີ່ພາໃຫ້ເປັນມະເຣັງຈໍ່ຕົວຂຶ້ນໄດ້,ຫມາຍຄວາມວ່າ,ຜັກກາດຫົວມີຜົນທີ່ກັນມະເຣັງໄດ້ຢ່າງເດ່ັນຊັດ,ແຕ່ສ່ວນຜູ່ເປັນແຜໃນກະເພາະ,ກະເພາະອັກເສບ,ຕັບອັກເສບແລະຫມາກໄຂ່ຫລັງອັກເສບນັ້ນແມ່ນຕ້ອງຄະລຳຢາກິນຫຼາຍ.
ຫົວກາຫຼົດແມ່ນມີສານກາໂລຕິນຫຼາຍ,ແມ່ນສ່ິງທີ່ກັນມະເຣັງໄດ້ດີກວ່າຫມູ່,ເວົ້າສຳ
ລັບຜູ່ສູບຢາແລ້ວ,ກິນກາຫຼົດເປັນປະຈຳນັ້ນຍັງມີບົດບາດຫຼຸດອັດຕາເກີດມະເຣັງໃນປອດໃຫ້ຫນ້ອຍລົງ,ຫົວກາຫຼົດຍັງເຫມາະສຳລັບຄົນມັກທ້ອງຜູກ ຕັບອັກເສບ ຫມາກໄຂ່ຫລັງອັກເສບ ເປັນຫນີ້ວໄຂ່ຫລັງແລະຫນີ້ວບີ,ແຕ່ບໍ່ເຫມາະສຳລັບຄົນເປັນແຜໃນກະເພາະແລະເຈັບໄສ້ຕ່ິງ.
ຫມາກເລ່ັງມີວິຕາມິນເຊຫຼາຍທີ່ສຸດ,ທັງສາມາດກະຕຸກຮ່າງກາຍຂອງຄົນເຮົາໃຫ້ມີວັດຖຸຕ້ານມະເຣັງ ຍັງສາມາດຕ້ານທານວັດຖຸທ່ີ່ພາໃຫ້ເປັນມະເຣັງເຂົ້າໄປໃນຮ່າງກາຍອີກດ້ວຍ.
ຜັກທຽມ:ມີກົດອານມີໂນ ສາມາດເຮັດໃຫ້ມີແຮງຕ້ານພະຍາດໄດ້,ຜູ່ກິນຜັກທຽມເລື້ອຍບໍ່ສູ່ເປັນມະເຣັງຜັກບ່ົວຝຼ່ັງ: ສາມາດເຮັດໃຫ້ວັດຖຸທາດເບື່ອໃນຕົນໂຕຄົນກັບກາຍເປັນທາດທີ່ບໍ່ເບື່ອ,ເຮັດໃຫ້ເຍື່ອຫຸ້ມຕັບກ້າມແລະຊີ້ນບໍ່ຖືກວັດຖຸທີ່ເປັນຜົນຮ້າຍທຳລາຍ,ແລ້ວຈະກັນບໍ່ໃຫ້ເກີດເປັນມະເຣັງ.
ຜັກແປ້ນສາມາດເລ່ັງຂັບຖ່າຍວັດຖຸທີ່ອາດພາໃຫ້ເປັນມະເຣັງທີ່ຄ້າງຢູ່ໃນພວງໄສ້,ຈຶ່ງມີບົດບາດກັນມະເຣັງ,ແຕ່ສິ່ງທີ່ຄວນລະວັງນັ້ນແມ່ນຜັກແປ້ນສຸກຄັນແຮມຄືນແມ່ນກິນບໍ່ໄດ້,ເພາະມັນຈະພາໃຫ້ເກີດເປັນສ່ິງມີພິດຊະນິດຫນ່ຶງ,ເມື່ອກິນແລ້ວຈະເບື່ອພາໃຫ້ວິນຫົວ ປວດຮາກຫຼືຮາກເປັນຕົ້ນ.
ສາຫລ່າຍທະເລມີທາດການຊີຢ່າງຫຼວງຫຼາຍເຊ່ິງສາມາດປ່ຽນທາດເບື່ອຢູ່ໃນຮ່າງກາຍຄົນໃຫ້ກາຍເປັນທາດບໍ່ເບື່ອໄດ້.ເຫັດຫອມ ເຫັດເຟືອງແລະເຫັດຫູຫນູມີບົດບາດລະງັບຈຸລັງມະເຣັງໄດ້ຢ່າງເດ່ັນຊັດ,ທ່ານຜູ່ຟັງທີ່ໂຄລົບ,ທີ່ສະເຫນີມາຂ້າງເທິງນີ້ລ້ວນແຕ່ແມ່ນຜັກທີ່ທຳມະດາສາມັນທັງນັ້ນແຕ່ຊ້ຳພັດມີຜົນປະໂຫຍດດີທີ່ສຸດໃນການກັນແລະປົວໂຣກມະເຣັງ,ຕໍ່ໄປເຮົາຂໍສະເຫນີອາຫານບາງຢ່າງທີ່ສາມາດປ້ອງກັນຄວາມເຖົ້າກ່ອນອາຍຸການມັກງາມແລະບໍ່ຢາກໃຫ້ຄົນເຖົ້າໄວແມ່ນຄວາມປາຖະຫນາທ່ົວໄປຂອງຄົນເຮົາ,ທ່ານອາດປະກົດເຫັນວ່າ,ບາງຄົນເບ່ິງຄືວ່າຫນຸ່ມກວ່າອາຍຸແທ້,ແຕ່ທຳມະດາແລ້ວອັນນີ້ແມ່ນກ່ຽວພັນກັບຫຼາຍປັດໃຈ,ເຊ່ັນ:ສຸຂະພາບ ອາລົມ ອາຫານການກິນແລະການບຳລຸງຮັກສາເປັນຕົ້ນ,ສຳລັບມື້ນີ້,ເຮົາຈະສະເຫນີອາຫານບາງຢ່າງທີ່ມີບົດບາດປ້ອງກັນຄວາມເຖົ້າແກ່ກ່ອນອາຍຸສູ່ພວກທ່ານ,ກ່ອນອື່ນແມ່ນຫມາກຖ່ົວດິນ,ຫມາກຖ່ົວດິນມີກົດໄຂມັນທີ່ບໍ່ອ່ີມຕົວ,ມີທາດໂປຼຕິນມີວິຕາມິນຫຼາຍຊະນິດແລະທາດການຊີ ທາດເຫຼັກເປັນຕົ້ນເຊ່ິງສາມາດເສີມຄວາມຊົງຈຳແລະເລື່ອນເວລາບໍ່ໃຫ້ມັນສະຫມອງແກ່ຫ້າວ.
ສອງແມ່ນຫມາກງາເຊ່ິງລວມທັງງາຂາວແລະງາດຳ,ໃນເວລາປຸງຢາສ່ວນຫຼາຍແມ່ນໃຊ້ງາດຳ,ຫມາກງາມີວິຕາມິນເອເຊ່ິງສາມາດຊຸກຍູ້ໃຫ້ຈຸລັງແຕກແຍກ,ລົບລ້າງຫຼືເຮັດໃຫ້ວັດຖຸເຖົ້າແກ່ທີ່ຂ້ອນໂຮມໃນຈຸລັງນັ້ນ,ປັ້ນກັບເຂົ້າບໍ່ໄດ້.
ສາມແມ່ນຫມາກມັນຫໍ້,ຫມາກມັນຫໍ້ມີໄຂມັນ ມີທາດໂປຼຕິນ ມີທາດນ້ຳຕານ ມີວິຕາມິນຫຼາຍຊະນິດແລະທາດການຊີ,ເຊ່ິງມີສັບພະຄຸນໃນການບຳລຸງມັນສະຫນອງ ບຳລຸງຫມາກໄຂຫລັງດີ ປອດແກ້ຫືດແລະບຳລຸງເອັນ ບຳລຸງກະດູກເປັນຕົ້ນ.
4 ແມ່ນເຫັດຫູຫນູຂາວ ເຫັດຫູຫນູຂາວມີອາມີໂນອາຊິດ 17 ຊະນິດແລະວິຕາມິນຫຼາຍຊະນິດເຊ່ິງສາມາດບຳລຸງຫມາກໄຂຫລັງ,ບຳລຸງເລືອດລົມ ດີປອດແລະ ບຳລຸງມັນສະຫມອງເປັນຕົ້ນ.
5 ແມ່ນຫມາກຖ່ົວເຫຼືອງສາມາດຫຼຸດໄຂມັນຫຼືໂກເລັສເຕລອນໃຫ້ຫນ້ອຍລົງ,ປ້ອງກັນສາຍເລືອດແດງດ້ານແລະສາມາດເລື່ອນເວລາບໍ່ໃຫ້ຮ່າງກາຍເຖົ້າໄວຢ່າງບັງເກີດຜົນ.
6 ແມ່ນຫນັງແລະຕີນຫມູມີທາດຢາງຫຼາຍທີ່ສຸດ,ຖ້າກິນເລື້ອຍໆບໍ່ພຽງແຕ່ສາມາດຫຼຸດຮອຍແຫ່ວໃຫ້ຫນ້ອຍລົງແລະຊຸກຍູ້ການຈະເລີນເຕີບໂຕທໍ່ນັ້ນ,ຫາກຍັງມີບົດບາດບຳລຸງເລືອດ,ເຮັດໃຫ້ຜິວຫນັງນຸ້ມນວນ.ແລະປ້ອງກັນຄວາມເຖົ້າແກ່ຊະລາອີກດວ້ຍ.
7 ແມ່ນເລືອດຫມູ ເລືອດຫມູມີທາດໂປຼຕິນແລະທາດເຫຼັກຫຼາຍ,ຄົນໄວກາງແລະຜູ່ເຖົ້າຜູ່ແກ່ຖ້າກິນເລືອດຫມູເລື້ອຍໆ,ບໍ່ພຽງແຕ່ມີເຫື່ອມີແຮງທໍ່ນັ້ນ,ຫາກຍັງສາມາດເຮັດໃຫ້ບໍ່ເຖົ້າໄວໄດ້ດີທີ່ສຸດ.
8 ແມ່ນນ້ຳແກງກະດູກ ກິນແກງກະດູກຊະນິດຕ່າງໆເລື້ອຍໆຈະເຮັດໃຫ້ມັນກະດູກສາມາດຜະລິດຈຸລັງເລືອດເພ່ີມຂຶ້ນ,ແລ້ວມີບົດບາດສະກັດກັ້ນຄວາມເຖົ້າແລະເຮັດໃຫ້ອາຍຸຍືນຍາວ.
|
