|
|
 |
| (GMT+08:00)
2004-12-15 21:00:24
|
|
ທ່ານອານນານຈະເຈລະຈາກັບທ່ານພໍແວວແລະທ່ານນາງລາຍສ໌ກ່ຽວກັບບັນຫາອີຣັກເປັນຕົ້ນ
cri
ຂ່າວສານຊິນຮວາລາຍງານວ່າ:ວັນທີ 14 ທັນວາ,ໃນງານຖະແຫຼງຂ່າວທີ່ຈັດຂຶ້ນຢູ່ສະຫະປະຊາຊາດ,ທ່ານເອັກຮາດ ໂຄສົກສະຫະປະຊາຊາດປະກາດວ່າ,ໂດຍຕອບສະໜອງຄຳເຊີນຂອງອາເມລິກາ,ທ່ານອານນານເລຂາທິການໃຫຍ່ສະຫະປະຊາຊາດຈະເດີນທາງໄປວໍຊິງຕັນໃນວັນທີ 16 ທັນວາ, ພົບປະເຈລະຈາກັບທ່ານພໍແວວ ລັດຖະມົນຕີການຕ່າງປະເທດອາເມລິກາແລະທ່ານນາງລາຍສ໌ ຜູ້ຊ່ອຍວຽກງານຄວາມປອດໄພແຫ່ງຊາດຂອງປະທານາທິບໍດີກ່ຽວກັບບັນຫາອີຣັກເປັນຕົ້ນ.
ທ່ານເອັກຮາດເວົ້າວ່າ,ສອງຝ່າຍຍັງຈະຫາລືຂະບວນວິວັດສັນຕິພາບອັຟການີສະຖານ,ສະຖານະການໄຮຕີແລະວິກິດການດາຟູຊູດັງເປັນຕົ້ນ.ຫັຼງການເຈລະຈາກັນແລ້ວ,ທ່ານອານນານຈະກ່າວປາຖະກະຖາກ່ຽວກັບການປະຕິຮູບຂອງສະຫະປະຊາຊາດແລະການພົວພັນລະຫວ່າງສະຫະປະຊາຊາດກັບອາເມລິກາເປັນຕົ້ນຢູ່ທີ່ຄະນະກຳມະການວິເທດສຳພັນອາເມລິກາ.
|
|
|
