|
ງານຕະຫຼາດນັດຊື້ຂາຍເຄື່ອງຈັກຜະລິດແລະຫຸ້ມຫໍ່ອາຫານອາຊີອາຄະເນຈະຈັດຂຶ້ນຢູ່ນານນິງໃນປີໜ້າ
cri
Author: q
ຕາມແວບໄຊ ຊິນຮວາ,ງານຕະຫຼາດນັດ(ກວາງຊີ)ຊື້ຂາຍເຄື່ອງຈັກຜະລິດແລະຫຸ້ມຫໍ່ອາຫານອາຊີອາຄະເນປີ2005ຈະຈັດຂຶ້ນຢູ່ຫໍວາງສະແດງກວາງຊີນະຄອນນານນິງແຕ່ວັນທີ31ມີນາຮອດວັນທີ3ເມສາປີ2005.
ງານຕະຫຼາດນັດເທື່ອນີ້ໄດ້ຮັບການອະນຸມັດຈາກກະຊວງການຄ້າຈີນ,ໂດຍແມ່ນສູນແລກປ່ຽນເສດຖະກິດເຕັກນິກສາກົນຈີນເປັນເຈົ້າພາບຜູ້ຈັດຂຶ້ນ.ສິນຄ້າທີ່ຈະວາງສະແດງຕົ້ນຕໍແມ່ນອາຫານກິນຫຼິ້ນທີ່ມີຜົນດີຕໍ່ສຸຂະພາບ,ເຄື່ອງຊູລົດ,ຜົນຜະລິດກະສິກຳແລະຜົນຜະລິດສຳຮອງແລະເຫຼົ້າເປັນຕົ້ນ.ພ້ອມນັ້ນຍັງມີເຄື່ອງຈັກຮັກສາໝາກໄມ້ແລະຜັກສົດ,ອຸປະກອນປຸງແຕ່ງອາຫານໄວ,ເຄື່ອງຈັກແຊ່ເຢັນແລະອົບແຫ້ງ,ເຄື່ອງດັບເຊື້ອເປັນຕົ້ນຈະນຳມາວາງສະແດງແລະຊື້ຂາຍ.
|
|
