|
ທ່ານອັບບາສກ່າວເນັ້ນວ່າ,ຂໍ້ລິເລີ່ມສັນຕິພາບຂອງປະເທດອາລັບແມ່ນຊ່ອງທາງທີ່ແກ້ໄຂການປະທະກັນລະຫວ່າງປາເລັສຕີນກັບອິສລະແອນ
cri
ຕາມຂ່າວCRI:ວັນທີ 15 ທັນວາ,ທ່ານອັບບາສ ປະທານຄະນະບໍລິຫານງານອົງການປົດປ່ອຍປາເລັສຕີນທີ່ພວມຢ້ຽມຢາມອາລາບີ ຊາອູດິດກ່າວເນັ້ນວ່າ, ຂໍ້ລິເລີ່ມສັນຕິພາບທີ່ຜ່ານໃນກອງປະຊຸມສຸດຍອດປະເທດອາລັບທີ່ຈັດຂຶ້ນຢູ່ເບລຸດໃນປີ 2001 ນັ້ນແມ່ນຊ່ອງທາງແກ້ໄຂການປະທະກັນລະຫວ່າງປາເລັສຕີນກັບອິສລະແອນ.
ທ່ານອັບບາສເວົ້າວ່າ,ຂໍ້ລິເລີ່ມສັນຕິພາບມີເນື້ອໃນກວ້າງຂວາງ,ເຊິ່ງລວມທັງເນື້ອໃນແຜນການເສັ້ນທາງສັນຕິພາບຕາເວັນອອກກາງ,ເນື້ອໃນຂອງມະຕິເລກ 1515 ກ່ຽວກັບການແກ້ໄຂບັນຫາປາເລັສຕີນອິສລະແອນຂອງສະຫະປະຊາຊາດ,ສະນັ້ນ,ການປະຕິບັດຂໍ້ລິເລີ່ມສະບັບນີ້ຢ່າງແທ້ຈິງຈຶ່ງແມ່ນຊ່ອງທາງແກ້ໄຂການປະທະກັນລະຫວ່າງປາເລັສຕີນກັບອິລະແອນ.
ແຕ່ວ່າ,ໃນມື້ດຽວກັນ,ອົງການຮາມາສແລະອົງການຈີຮັດຂອງປາເລັສຕີນຕ່າງໄດ້ອອກຖະແຫຼງການ,ປະຕິເສດອີກເທື່ອໜຶ່ງຕໍ່ຄຳຮຽກຮ້ອງຂອງທ່ານອັບບາສທີ່ສະເໜີໃຫ້ເຊົາຄັດຄ້ານອິສລະແອນດ້ວຍກຳລັງອາວຸດ,ແລະເວົ້າວ່າ,ຈະສືບຕໍ່ຕ້ານຢັນການຍຶດຄອງຂອງອິສລະແອນດ້ວຍຮູບການຕໍ່ສູ້ດ້ວຍກຳລັງອາວຸດ.
ນອກນີ້ຂ່າວແຈ້ງວ່າ,ວັນທີ 15 ທັນວາ,ທ່ານອາບູນ.ເກອິດ ລັດຖະມົນຕີການຕ່າງປະເທດເອຢິບຮຽກຮ້ອງປະຊາຄົມໂລກຊ່ອຍປາເລັສຕີນຈັດການເລືອກຕັ້ງທົ່ວໄປຕາມເວລາກຳນົດ,ແລະຊຸກຍູ້ໃຫ້ອິສລະແອນຖອນທະຫານອອກຈາກດິນແດນປາເລັສຕີນທີ່ຖືກຍຶດຄອງ.
|
|
