|
ການແຂ່ງຂັນໃນສາຍຂອງງານແຂ່ງຂັນບານເຕະຊິງຊະນະເລີດຂັນເສືອໄດ້ສິ້ນສຸດລົງ ທິມໄທເຊິ່ງເປັນທິມແຊມປຽນເກົ່າຕົກຮອບ
cri
ຕາມຂ່າວສານຊິນຮວາ, ວັນທີ16ທັນວາ, ການແຂ່ງຂັນໃນສາຍຂອງງານແຂ່ງຂັນບານເຕະຊິງຊະນະເລີດຂັນເສືອຄັ້ງທີ5ໄດ້ສິ້ນສຸດລົງ. ໃນການແຂ່ງຂັນຮອບສຸດທ້າຍຂອງສາຍບີທີ່ຈັດຂຶ້ນຢູ່ກວາລາລຳເປີ, ທິມມຽນມາໄດ້ເອົາຊະນະທິມຕີມໍຕາເວັນອອກດ້ວຍຄະແນນ3ຕໍ່1ຕາມຄວາມຄາດຄິດ, ໄດ້ລຽງຢູ່ອັນດັບທີໜຶ່ງໃນສາຍດ້ວຍຜົນການແຂ່ງຂັນທີ່ຊະນະ3ນັດສະເໝີ1ນັດໄດ້10ຄະແນນ. ເຖິງວ່າທິມໄທເຊິ່ງເປັນທິມແຊມປຽນເກົ່າໄດ້ເອົາຊະນະທິມຟີລິບປິນດ້ວຍຄະແນນ3ຕໍ່1ຄືກັນ, ແຕ່ຜົນງານແມ່ນຊະນະ2ນັດ, ສະເໝີ1ນັດແລະເສຍໜຶ່ງນັດໄດ້7ຄະແນນ, ລຽງຢູ່ອັນດັບທີ3ໃນສາຍແລ້ວຕົກຮອບ. ທິມມຽນມາແລະທິມມາເລເຊຍໄດ້ເຂົ້າສູ່ຮອບຮອງຊະນະເລີດ.
ຕາມການຈັດວາງ, ທິມທີ່ລຽງຢູ່ອັນດັບທີໜຶ່ງແລະອັນດັບທີສອງໃນສາຍຂອງສອງສາຍຈະເລີ່ມແຂ່ງກັນໃນວັນທີ29ທັນວານີ້, ການແຂ່ງຂັນຮອບຮອງຊະນະເລີດໄດ້ໃຫ້ສອງສາຍພັດປ່ຽນກັນແຂ່ງຂັນ, ການແຂ່ງຂັນຮອບຮອງຊະນະເລີດຈັດເປັນສອງນັດ, ຕ່າງຈະຈັດຂຶ້ນຢູ່ສະໜາມເຈົ້າພາບແລະສະໜາມຄູ່ແຂ່ງ.
|
|
