|
ຜູ້ແທນຈີນກ່າວວ່າ,ຈີນຈະອອກແຮງບູລະນະລະບົບປະກັນສັງຄົມຕົວເມືອງແລະຊົນນະບົດໃຫ້ດີຂຶ້ນ
cri
ຕາມຂ່າວCRI:ວັນທີ 17 ທັນວາ,ຢູ່ບາງກອກ ນະຄອນຫຼວງຂອງໄທ,ທ່ານລີເຊຍຈີ ລັດຖະມົນຕີກະຊວງການປົກຄອງແລະປະຊາສົງເຄາະຈີນເວົ້າວ່າ,ຈີນຈະອອກແຮງບູລະນະນລະບົບປະກັນສັງຄົມຂອງຕົວເມືອງແລະຊົນນະບົດໃຫ້ດີຂຶ້ນ.
ທ່ານລີເຊຍຈີແມ່ນໃຫ້ທັດສະນະດັ່ງກ່າວໃນກອງປະຊຸມລັດຖະມົນຕີສະຫວັດດີການສັງຄົມແລະການພັດທະນາອາຊຽນ-ຈີນ ຍີ່ປຸ່ນສ.ເກົາຫີຼ.ທ່ານເວົ້າວ່າ,ການຮ່ວມມືໃນຂົງເຂດສະຫວັດດີການສັງຄົມລະຫວ່າງອາຊຽນກັບຈີນ ຍີ່ປຸ່ນ ສ.ເກົາຫີຼແມ່ນພາກສ່ວນປະກອບທີ່ສຳຄັນຂອງການເພີ່ມການຮ່ວມມືຂອງພາກພື້ນ. ຈີນຈະອອກແຮງບູລະນະລະບົບປະກັນສັງຄົມຂອງຕົວເມືອງແລະຊົນນະບົດທີ່ເຊື່ອມຕໍ່ກັບການປະກັນໄພສັງຄົມ ການກອບກູ້ຊ່ອຍເຫຼືອ ສະຫວັດດີການສັງຄົມແລະພາລະກິດການກຸສົນ,ເພື່ອຊຸກຍູ້ໃຫ້ເສດຖະກິດແລະສັງຄົມພັດທະນາໄປຢ່າງປອດໃສແລະກົມກຽມກັນ.
ກອງປະຊຸມລັດຖະມົນຕີສະຫວັດດີການສັງຄົມແລະການພັດທະນາອາຊຽນ-ຈີນ ຍີ່ປຸ່ນສ.ເກົາຫີຼຄັ້ງທຳອິດໄຂຂຶ້ນຢູ່ບາງກອກໃນວັນທີ 17 ທັນວາ.ລັດຖະມົນຕີທີ່ຮັບຜິດຊອບສະຫວັດດີການສັງຄົມແລະການພັດທະນາຂອງ 10 ປະເທດອາຊຽນແລະຈີນ ຍີ່ປຸ່ນ ສ.ເກົາຫີຼໄດ້ເຂົ້າຮ່ວມກອງປະຊຸມ,ກອງປະຊຸມເທື່ອນີ້ມີຫົວຂໍ້ວ່າ"ພ້ອມກັນສ້າງສາສັງຄົມທີ່ໃຫ້ຄວາມເອົາໃຈໃສ່".
|
|
