|
ສູບຢາມີຜົນຮ້າຍຕໍ່ສຸຂະພາບ,ທັງນີ້ແມ່ນໃຜໆກໍ່ຮູ້ແລ້ວ,ແຕ່ສູບຢາບໍ່ຖືກເວລາ ສ່ິງແວດລ້ອມແລະສະຖານທີ່ຍ່ິງມີຜົນຮ້າຍ,ທັງນີ້ອາດຈະແມ່ນຜູ່ທີ່ສູບຢາຫຼາຍຄົນບໍ່ ໄດ້ຄຽດຄຶດ
ຄວາມເຂົ້າໃຈຜິດຂ້ໍທີຫນ່ຶງຄື ຕອນເຊົ້າສູບຢາກອກຫນ່ຶງ,ມີຈິດໃຈສົດຊື່ນຫມົດມື້,ຄວາມເວົ້ານີ້ແມ່ນຄວາມຮູ້ສຶກຂອງຜູ່ສູບຢາມາດົນນານ,ເລື່ອງທຳອິດໃນຕອນເຊົ້າກໍແມ່ນສູບຢາກອກຫນ່ຶງ,ຍັງເວົ້າວ່າສູບຢາສາມາດເຮັດໃຫ້ຈິດໃຈສົດຂື່ນ ຖ້າວ່າຕື່ນເຊົ້າມາບໍ່ສູບຢາກອກຫນ່ຶງ,ກໍ່ບໍ່ຮູ້ຈະເຮັດແນວໃດ,ຈົນເຖິງຂັ້ນຮູ້ສຶກວ່າຍັງ ມີເລື່ອງໃດຫນ່ຶງບໍ່ທັນເຮັດ, ໂດຍສະເພາະຜູ່ທີ່ແງ້ນຢາ,ເວລາຕື່ນມາຍັງຢູ່ຕຽງກໍຟ້າວສູບຢາກ່ອນ, ບໍ່ຮູ້ວ່າເມື່ອນອນຫມົດຄືນແລ້ວ,ອາກາດໃນຫ້ອງນອນຍັງບໍ່ທັນລຸລ່ວງເທື່ອ,ອາກາດບໍ່ດີນີ້ປົນກັບຄວັນຢາຖືກສູບເຂົ້າໃນປອດ,ນອກນີ້,ຍັງບໍ່ທັນກິນເຂົ້າກໍສູບຢາ,ຄວັນຢາຈະເຮັດໃຫ້ຫຼອດລົມຫາຍໃຈປ່ອຍທາດແຫຼວຊືມອອກມາ,ດົນ ຕາມດົນກໍຈະເຮັດໃຫ້ຫຼອດລົມຫາຍໃຈອັກເສບຊ້ຳເຮື້ອ,ມີຄຳພັງເພີຍວ່າ,ຕອນເຊົ້າສູບຢາ,ຕາຍໄວ, ຄຳພັງເດີຍນີ້ໄດ້ຕັກເຕືອນຄົນ,ເຖິງວ່າຄຳພັງເພີຍນີ້ເວົ້າໂຍກແດ່,ແຕ່ກໍຊີ້ບອກໃນລະດັບໃດຫນ່ຶງວ່າສູບຢາໃນຕອນເຊົ້າມີຜົນຮ້າຍອັນຫນັກຫນ່ວງ.
ຄວາມເຂົ້າໃຈຜິດທີສອງຄື:ກິນເຂົ້າແລ້ວສູບຢາກອກຫນ່ຶງ,ສະບາຍປານເທວະດາ, ເວົ້າສຳລັບຜູ່ສູບຢາແລ້ວຍ່ິງຈະພາໃຫ້ຄົນເຂົ້າໃຈຜິດ,ເມື່ອກິນເຂົ້າແລ້ວ,ເລືອດຈໍລະຈອນເພ່ີມຂຶ້ນ,ທາດນີໂກຕິນຖືກດູດເຂົ້າໃນເລືອດຢ່າງວ່ອງໄວ,ເຮັດໃຫ້ຄົນຢູ່ໃນສະພາບຕື້ນຕັນໃຈ,ຈ່ິງຮູ້ສຶກສະຫມອງປອດໂປ່ງ,ກໍຄືຜູ່ຕິດຢາເວົ້ານັ້ນວ່າສະບາຍປານເທວະດາ,ທີ່ຈິງແລ້ວ,ກິນເຂົ້າແລ້ວສູບຢາກອກຫນ່ຶງ,ມີຜົນຮ້າຍຫຼາຍກວ່າສູບຢາ10 ກອກໃນຍາມທຳມະດາ,ເພາະວ່າກິນເຂົ້າແລ້ວກາໂລລີໃນຮ່າງກາຍຄົນເພ່ີມຂຶ້ນ,
ຍາມນີ້ສູບຢາອາດຈະເຮັດໃຫ້ການຊືມພື້ນຖານຂອງທາດໂປຼຕິນແລະເກືອກາກໂບນາດຖືກລະງັບ,ເຮັດໃຫ້ອາຫານລະລາຍຍາກ,ແລະກະທົບກະເທືອນເຖິງການດູດຮັບທາດບຳລຸງ,ສະນັ້ນ,ອາດເວົ້າໄດ້ວ່າ,ກິນເຂົ້າແລ້ວສູບຢາ,ມີຜົນຮ້າຍຫາອັນປຽບບໍ່ໄດ້.
ຄວາມເຂົ້າໃຈຜິດຂ້ໍທີສາມເວລາຫມູ່ເພື່ອນໂອ້ລົມກັນ,ກໍຈະຕ້ອງດື່ມເຫຼົ້າສູບຢາ,ຫຼາຍໆຄົນລ້ວນແຕ່ມັກສູບຢາໃນເວລາດື່ມເຫຼົ້າ,ເຫັນວ່າຫມູ່ຢູ່ນຳກັນ,ຕ້ອງກິນເຫຼົ້າສູບຢາ,ແນວນີ້ຈ່ິງມີບັນຍາກາດດີ,ຂາດອັນໃດກໍບໍ່ໄດ້, ດື່ມເຫຼົ້າຫຼາຍແລ້ວ,ກໍສູບຢາກອກຫນ່ຶງ,ຄືວ່າມ່ວນຊື່ນຫຼາຍ,ແຕ່ວ່າເຈົ້າອາດຈະບໍ່ຮູ້ວ່າ,ທັງດື່ມເຫຼົ້າທັງສູບຢາໄປພ້ອມຍ່ິງມີຜົນຮ້າຍຫຼາຍກວ່າພຽງດື່ມເຫຼົ້າຫຼືສູບຢາຢ່າງດຽວ,ເພາະວ່າເຫຼົ້າຈະລະລາຍຢູ່ໃນຄວັນກອກຢາ,ຊຸກຍູ້ໃຫ້ທາດທີ່ພາໃຫ້ເປັນມະເຣັງຍ້າຍເຂົ້າສູ່ ຈຸລັງ,ມີເອກະສານຂ້ໍມູນສະແດງໃຫ້ເຫັນວ່າ,ຜູ່ເປັນມະເຮັງປາກມີຈຳນວນ 70% ກ່ຽວພັນເຖິງທັງສູບຢາທັງກິນເຫຼົ້າ,ສ່ິງທີ່ຫນັກຫນ່ວງກວ່າຫມູ່ນັ້ນແມ່ນທັງກິນເຫຼົ້າທັງສູບຢາຈະເຮັດໃຫ້ສັບພະຄຸນລະລາຍຂອງຕັບລົບລ້າງແຕ່ເຫຼົ້າ ໄດ້ພັດລົບລ້າງແນວອື່ນຍາກ,ຈະເຮັດໃຫ້ທາດພິດໃນຢາສູບຈົມໃນຮ່າງກາຍຂອງຄົນຫຼາຍຊ່ົວໂມງຈົນເຖິງຂັ້ນຫຼາຍມື້ອັນໄດ້ເພ່ີມທະວີຜົນຮ້າຍຕໍ່ຮ່າງກາຍ,ສະນັ້ນ, ທັງກິນເຫຼົ້າທັງສູບຢາຈະມີອັນຕະລາຍຕໍ່ສຸຂະພາບແລະຊີວິດ.
ຄວາມເຂົ້າໃຈຜິດຂ້ໍທີສ່ີ,ໄປຫ້ອງນ້ຳທັງສູບຢາສະດວກທັງສອງຢ່າງ,ຫຼາຍຄົນເຫັນວ່າໃນຫ້ອງນ້ຳມີກ່ິນເຫມັນ,ສູບຢາສາມາດຫຼຸດກ່ິນເຫມັນ,ທີ່ຈິງແລ້ວ,ໃນຫ້ອງນ້ຳກ່ິນອາໂມນີອັກສູງກວ່າບ່ອນອື່ນໆ,ທາດອົກຊີແຊນຫນ້ອຍກວ່າ,ແຕ່ໃນກໍລະນີມີອົກຊີແຊນຫນ້ອຍ,ຢາສູບອາດຈະມີທາດຊຸມເຟີດີອົກສິດແລະອອກຊິດເດີກາກບອນຍ່ິງຫຼາຍໃຕ້ສະພາບຂາດອົກຊີແຊນ,ຈົນເຮັດໃຫ້ອາຍພິດແລະເຊື້ອໂຣກໃນຫ້ອງນ້ຳຖືກດູດເຂົ້າໃນປອດ,ຈ່ິງມີຜົນຮ້າຍທີ່ສຸດຕໍ່ສຸຂະພາບ,ຜູ່ເປັນໂຣກຫມາກຫົວໃຈວາຍແລະຫຼອດລົມຫາຍໃຈອັກເສບຊ້ຳເຮື້ອຄັນສູບຢາໃນຫ້ອງນ້ຳ,ອາດຈະ ພາໃຫ້ເຈັບຫມາກຫົວໃຈ ຫົວໃຈວາຍອັດຕັນຫຼືຫຼອດລົມຫາຍໃຈອັກເສບກະທັນຫັນສະນັ້ນຜູ່ຕິດຢາສູບຕ້ອງລະວັງເວລາແລະສະຖານທີ່ສູບຢາ,ທຳມະດາແລ້ວ,ຖ້າພິຈາລະນາເຖິງສຸຂະພາບຂອງຕົນ,ອອກຢາໄດ້ແມ່ນດີທີ່ສຸດ.
,
|
