|
ອີຣັກເກີດເຫດການກຳລັງຮຸນແຮງຫຼາຍເທື່ອ,ມີປະມານ200ຄົນຕາຍແລະບາດເຈັບ
cri
Author: q
ຕາມຂ່າວCRI,ວັນທີ19ທັນວາ,ອີຣັກໄດ້ເກີດເຫດການຫຼອນໂຈມຕີດ້ວຍກຳລັງຮຸນແຮງແລະເຫດການລັກພາຕົວຫຼາຍເທື່ອ,ມີປະມານ200ຄົນຕາຍແລະບາດເຈັບ.ຊາວອີຣັກ10ຄົນຖືກລັກພາຕົວ.
ວັນທີ19ທັນວາ,ຢູ່ນາຈັຟ ເມືອງສັກກາລະບູຊານິກາຍຊີອິດ ພາກໃຕ້ອີຣັກ,ເມືອງຄາກບາລາເມືອງສັກກາລະບູຊາຢູ່ພາກກາງສຽງໃຕ້ອີຣັກໄດ້ເກີດເຫດການລະເບີດສອງລາຍ,ມີ60ກວ່າຄົນເສຍຊີວິດ,100ກວ່າຄົນບາດເຈັບ.ຢູ່ນະຄອນຫຼວງແບກແດດ,ຢູ່ໃຈກາງເມືອງໄດ້ເກີດເຫດການຫຼອນໂຈມຕີ,ເຮັດໃຫ້ລູກຈ້າງຂອງຄະນະກຳມະການເລືອກຕັ້ງສູງສຸດຂອງອີຣັກ3ຄົນເສຍຊີວິດ.ໃນມື້ດຽວກັນ,ພວກປະກອບອາວຸດກຸ່ມໜຶ່ງປະກາດວ່າພວກເຂົາເຈົ້າໄດ້ລັກພາຕົວຊາວອີຣັກ10ຄົນທີ່ເຮັດວຽກຢູ່ບໍລິສັດປ້ອງກັນຄວາມສະຫງົບຂອງອາເມລິກາແຫ່ງໜຶ່ງ,ແລະຂົ່ມຂູ່ໃຫ້ບໍລິສັດດັ່ງກ່າວເຊົາເຮັດວຽກຢູ່ອີຣັກ,ຖ້າບໍ່ດັ່ງນັ້ນກໍຈະຂ້າຕົວປະກັນ.
ນອກນີ້,ຕາມຂ່າວແຈ້ງວ່າ,ວັນທີ19ທັນວາ,ຢູ່ອຳມານ,ນະຄອນຫຼວງຊອກດານີຄະນະຜູ້ແທນທະນາຍຄວາມຂອງທ່ານຊັດດາມ ອະດີດປະທານາທິບໍດີອີຣັກໄດ້ເວົ້າຕໍ່ວົງການໜັງສືພິມວ່າ,ຫວ່າງມໍ່ໆນີ້,ໃນເວລາພົບປະກັບຄະນະຜູ້ແທນທະນາຍຄວາມ,ທ່ານຊັດດາມໄດ້ຮຽກຮ້ອງໃຫ້ຊາວອີຣັກຮັກສາຄວາມສາມັກຄີ,ຕໍ່ຕ້ານການຍຶດຄອງຂອງກອງທະຫານອາເມລິກາ,ແລະສະກັດກັ້ນການເລືອກຕັ້ງທົ່ວໄປຂອງອີຣັກທີ່ຈະຈັດຂຶ້ນໃນເດືອນມັງກອນປີໜ້າ.
|
|
