|
|
 |
| (GMT+08:00)
2004-12-20 20:58:54
|
 |
|
ສິງກະໂປຮຽກຮ້ອງໃຫ້ອາຊຽນເພີ່ມທະວີການຮ່ວມມືກັນໃນພາກພື້ນເພື່ອຮັບມືກັບສະພາບໄຂ້ຫວັດສັດປີກ
cri
Author: mengmeng
ຕາມຂ່າວCRI, ວັນທີ20ທັນວາ, ທ່ານຟູເຊເຄັງລັດຖະມົນຕີກະຊວງປ້ອງກັນປະເທດ ທັງເປັນຫົວໜ້າພະແນກວຽກງານການເມືອງຂອງກະຊວງພັດທະນາຊາດສິງກະໂປໄດ້ຮຽກຮ້ອງໃຫ້ບັນດາປະເທດອາຊຽນເພີ່ມທະວີການປະສານງານແລະຮ່ວມມືກັນໃນພາກພື້ນ, ເພື່ອຮັບມືກັບສະພາບໄຂ້ຫວັດສັດປີກ.
ໃນພິທີໄຂກອງປະຊຸມຄັ້ງທີໜຶ່ງຂອງໜ່ວຍພິເສດກ່ຽວກັບການປ້ອງກັນແລະປິ່ນປົວໄຂ້ຫວັດສັດປີກຂອງອາຊຽນທີ່ຈັດຂຶ້ນຢູ່ສິງກະໂປໃນວັນທີ20ທັນວາ, ທ່ານຟູເຊເຄັງກ່າວວ່າ, ໄຂ້ຫວັດສັດປີກໄດ້ມີຜົນກະທົບຢ່າງໜັກໜ່ວງຕໍ່ສຸຂະພາບຂອງມວນຊົນ, ຂະແໜງການລ້ຽງສັດປີກແລະການພັດທະນາເສດຖະກິດການຄ້າຂອງພາກພື້ນແຫ່ງນີ້, ການປ້ອງກັນແລະປິ່ນປົວໄຂ້ຫວັດສັດປີກໄດ້ກາຍເປັນໜ້າທີ່ຮີບດ່ວນທີ່ສຸດທີ່ພາກພື້ນດັ່ງກ່າວປະເຊີນໃນຂະແໜງການກະສິກຳແລະດ້ານສາທາລະນະສຸກ.
ຜູ້ຊ່ຽວຊານແລະຜູ້ແທນທີ່ມາຈາກ10ປະເທດອາຊຽນແລະອົງການອະນາໄມ ສັດໂລກ, ອົງການອະນາໄມໂລກແລະອົງການຟາວສະຫະປະຊາຊາດໄດ້ເຂົ້າຮ່ວມກອງປະຊຸມຄັ້ງນີ້.
|
|
|
