|
|
 |
| (GMT+08:00)
2004-12-21 15:14:09
|
 |
|
ທ່ານລີກວນຢູເຫັນວ່າປີ2005ຈະກາຍເປັນຈຸດຫົວລ້ຽວຫົວຕໍ່ແຫ່ງສະຖານະການຄວາມປອດໄພຂອງໂລກ
cri
Author: mengmeng
ຕາມຂ່າວCRI, ວັນທີ20ທັນວາ, ທ່ານລີກວນຢູ ລັດຖະບູລຸດອາວຸໂສສິງກະໂປເວົ້າວ່າ, ປີ2005ຈະກາຍເປັນຈຸດຫົວລ້ຽວຫົວຕໍ່ແຫ່ງສະຖານະການຄວາມປອດໄພຂອງໂລກ.
ທ່ານລີກວນຢູແມ່ນກ່າວຄວາມນີ້ໃນງານລ້ຽງອາຫານຄ່ຳທີ່ສະມາຄົມນັກຂ່າວຕ່າງປະເທດຂອງສິງກະໂປຈັດຂຶ້ນໃນວັນທີ20ທັນວາ. ທ່ານເວົ້າວ່າ, ການເລືອກຕັ້ງທົ່ວໄປຂອງອີຣັກແລະບັນຫາປາເລສຕິນກັບອິສລາແອນແມ່ນບັນຫາຂໍກະແຈທີ່ຕັດສິນສະຖານະການຂອງໂລກໃນປີໜ້າວ່າຈະດີຂຶ້ນຫຼືບໍ່. ຖ້າການເລືອກຕັ້ງທົ່ວໄປຂອງອີຣັກໄດ້ຈັດຂຶ້ນຢ່າງສຳເລັດຜົນໃນເດືອນມັງກອນປີໜ້າແລ້ວ, ອີຣັກກໍຈະມີຫວັງປະກົດມີລັດຖະບານຊອບກົດໝາຍທີ່ເລືອກຕັ້ງຈາກປະຊາຊົນ. ນອກນີ້, ຖ້າສອງຝ່າຍປາເລສຕິນກັບອິສລາແອນສາມາດບັນລຸຄວາມປອງດອງກັນ, ສະຖານະການຕາເວັນອອກກາງກໍຈະມີການປ່ຽນແປງໃຫ້ດີຂຶ້ນໃນດ້ານກວມລວມ.
ເມື່ອເວົ້າເຖິງສະຖານະການເສດຖະກິດການເມືອງຂອງພາກພື້ນອາຊີອາຄະເນ, ທ່ານລີກວນຢູເວົ້າວ່າ, ຄຽງຄູ່ກັບການເລືອກຕັ້ງທົ່ວໄປຂອງມາເລເຊຍແລະອິນໂດເນເຊຍຈັດຂຶ້ນຢ່າງສະດວກ, ລັດຖະບານຂອງສອງປະເທດກໍ່ຈະເພີ່ມທະວີແລະສົ່ງເສີມນະໂຍບາຍທີ່ມີຜົນດີຕໍ່ສະຖຽນລະພາບແລະການພັດທະນາຂອງພາກພື້ນ.
|
|
|
