|
|
 |
| (GMT+08:00)
2004-12-21 15:24:32
|
 |
|
ຈີນເລັ່ງເລັດບຳລຸງສ້າງກຳມະກອນເຕັກນິກຊັ້ນສູງ
cri
CRIລາຍງານວ່າ: ນັກຂ່າວໄດ້ຊາບຈາກກອງປະຊຸມວຽກງານແຮງງານແລະປະກັນສັງຄົມທົ່ວປະເທດຈີນທີ່ປິດປະຊຸມໃນອາທິດແລ້ວນີ້ ,ປີນີ້,ຈີນໄດ້ສຳເລັດເປົ້າໝາຍທີ່ບຳລຸງສ້າງກຳມະກອນເຕັກນິກຊັ້ນສູງ1ແສນຄົນຕາມແຜນການ.ນອກນີ້,ກອງປະຊຸມເທື່ອນີ້ຍັງເຜີຍໃຫ້ຮູ້ວ່າ,ຕໍ່ໄປພາຍໜ້າ,ຈີນຈະສືບຕໍ່ເພີ່ມຄວາມແຮງໃນການບຳລຸງສ້າງກຳມະກອນເຕັກນິກຊັ້ນສູງ.
ກຳມະກອນເຕັກນິກແມ່ນໝາຍເຖິງກຳມະກອນທີ່ຊຳນານວຽກງານເຕັກນິກທີ່ກ່ຽວຂ້ອງ.ກຳມະກອນເຕັກນິກຊັ້ນສູງແມ່ນໝາຍເຖິງກຳມະກອນທີ່ສາມາດກຳກັບແລະນຳໃຊ້ເຕັກນິກຊັ້ນສູງໃນລະດັບອັນແນ່ນອນ,ພວກເຂົາເຈົ້າສາມາດແກ້ໄຂບັນຫາເຕັກນິກຂໍກະແຈທີ່ປະສົບໃນການຜະລິດ.ການຂາດເຂີນກຳມະກອນເຕັກນິກຊັ້ນສູງຈະພາໃຫ້ຄຸນນະພາບຂອງຜະລິດຕະພັນ ວິສາຫະກິດຕ່ຳລົງ,ກຳລັງແກ່ງແຍ່ງກໍ່ອ່ອນລົງ.ສ່ວນຖ້າປະເທດໜຶ່ງຂາດຜູ້ມີຄວາມຮູ້ຄວາມສາມາດດ້ານນີ້,ກໍຈະກະທົບກະເທືອນເຖິງການຂະຫຍາຍຕົວຂອງຂະແໜງການໃດໜຶ່ງຈົນກະທັ້ງເສດຖະກິດທົ່ວສັງຄົມ.ສະນັ້ນ,ໃນຫຼາຍປະເທດພັດທະນາ,ກຳມະກອນເຕັກນິກຊັ້ນສູງໄດ້ກວມ30%ຫາ40%ຂອງຍອດຈະນວນ ກຳມະກອນເຕັກນິກ.
ຈີນມີຊັບພະຍາກອນແຮງງານຢ່າງຫຼວງຫຼາຍ.ແຕ່ວ່າພັດຂາດເຂີນກຳມະກອນເຕັກນິກໂດຍສະເພາະແມ່ນກຳມະກອນເຕັກນິກຊັ້ນສູງໂດຍທຽບຖານ.ນີ້ໄດ້ກາຍເປັນປັດໄຈສຳຄັນອັນໜຶ່ງທີ່ຜູກມັດການພັດທະນາເສດຖະກິດຈີນ.ທ່ານຈ່າງສຽວຈ້ຽນ ຮອງລັດຖະມົນຕີກະຊວງແຮງງານແລະປະກັນສັງຄົມຈີນເວົ້າວ່າ:
" ກຳມະກອນເຕັກນິກຊັ້ນສູງໄດ້ແຈກຢາຍຢູ່ບັນດາຂະແໜງການເສດຖະກິດແຫ່ງຊາດ,ມີຈຳນວນຫຼວງຫຼາຍ,ແລະມີບົດບາດສຳຄັນ.ເມື່ອສັງເກດຈາກສະພາບກຳມະກອນເຕັກນິກຊັ້ນສູງຂອງຈີນໃນສະເພາະໜ້ານີ້,ຍອດຈຳນວນກຳມະກອນເຕັກນິກຊັ້ນສູງຍັງບໍ່ສາມາດຕອບສະໜອງຄວາມຕ້ອງການ,ກຳມະກອນເຕັກນິກຊັ້ນສູງກວມພຽງ4%ຂອງຍອດຈຳນວນກຳມະກອນເຕັກນິກທໍ່ນັ້ນ. "
ທ່ານຈ່າງສຽວຈ້ຽນກ່າວວ່າ:ຄຽງຄູ່ກັບເສດຖະກິດຈີນພັດທະນາຢ່າງໄວວາ,ຫຼາຍຂະແໜງການດັ້ງເດີມລ້ວນແຕ່ໄດ້ເລື່ອນຊັ້ນຂອງອຸດສາຫະກຳ,ລະບົບອຸດສາຫະກິດທີ່ນັບມື້ນັບຫັນ ທັນສະໄໝນັ້ນຕ້ອງການກຳມະກອນເຕັກນິກຊັ້ນສູງຈຳນວນຫຼວງຫຼາຍທີ່ກຳກັບເຕັກນິກຍອດຢ້ຽມລາຍໜຶ່ງນັ້ນຢ່າງຮີບດ່ວນ.ກໍແມ່ນຍ້ອນມູນເຫດດັ່ງກ່າວ,ໃນຫຼາຍປີມານີ້,ຈີນໄດ້ເລັ່ງລັດບຳລຸງສ້າງເຕັກນິກກຳມະກອນຊັ້ນສູງ.ໃນກອງປະຊຸມວຽກງານຜູ້ມີຄວາມຮູ້ຄວາມສາມາດທົ່ວປະເທດຈີນທີ່ຈັດຂຶ້ນໃນທ້າຍປີກາຍນີ້,ລັດຖະບານຈີນໄດ້ເອົາການບຳລຸງສ້າງກຳມະກອນເຕັກນິກຊັ້ນສູງຈັດເຂົ້າໃນແຜນກຳນົດລວມຂອງຍຸດທະສາດສ້າງປະເທດໃຫ້ເຂັ້ມແຮງດ້ວຍຜູ້ມີຄວາມຮູ້ຄວາມສາມາດ.
ພາຍໃນເບື້ອງຫຼັງດັ່ງກ່າວ,ຈຳນວນໂຮງຮຽນສ້າງກຳມະກອນເຕັກນິກຊັ້ນສູງຂອງແຫ່ງຕ່າງໆໄດ້ເພີ່ມຂຶ້ນຢ່າງຫຼວງຫຼາຍ.ປະຈຸບັນ,ທົ່ວປະເທດຈີນໄດ້ລື່ນກາຍ300ກວ່າຫຼັງ.ອົງການເຫຼົ່ານີ້ໄດ້ສົ່ງຜູ້ມີຄວາມຮູ້ຄວາມສາມາດໄປໃຫ້ທຸກຂະແໜງການຢ່າງບໍ່ຂາດສາຍ.
ນອກນີ້,ຈີນຍັງໄດ້ເລັ່ງລັດອົບຮົບກຳມະກອນເຕັກນິກທີ່ຢູ່ໜ້າທີ່ຕຳແໜ່ງ,ເຮັດໃຫ້ລະດັບເຕັກນິກຂອງພວກກເຂົາເຈົ້າຍົກສູງຂຶ້ນຢ່າງບໍ່ຢຸດຢັ້ງ.ໃນຕົ້ນປີນີ້,ຈີນໄດ້ເລີ່ມປະຕິບັດໂຄງການຫຼາຍລາຍເຊັ່ນແຜນການຊ່າງເຕັກນິກໃໝ່,ກິດຈະການອົບຮົມກຳມະກອນເຕັກນິກຊັ້ນສູງເປັນຕົ້ນ.ປະຈຸບັນ,ຈີນໄດ້ບັນລຸເປົ້າໝາຍທີ່ບຳລຸງສ້າງກຳມະກອນເຕັກນິກຊັ້ນສູງ1ແສນຄົນໃນປີນີ້.ນອກນີ້,ອົງການປົກຄອງທ້ອງຖິ່ນຕ່າງໆແລະລັດວິສາຫະກິດຂະໜາດໃຫຍ່ຈຳນວນໜຶ່ງກໍໄດ້ທະຍອຍກັນວາງນະໂຍບາຍແລະມາດຕະການທີ່ກ່ຽວຂ້ອງ,ເລັ່ງລັດບາດກ້າວບຳລຸງສ້າງຜູ້ມີຄວາມຮູ້ຄວາມສາມາດດ້ານເຕັກນິກຊັ້ນສູງ.
ເພື່ອວາງສະແດງເຕັກນິກຂອງກຳມະກອນເຕັກນິກຊັ້ນສູງຜູ້ດີເດັ່ນ,ໃຫ້ແຫ່ງຕ່າງໆແລກປ່ຽນບົດຮຽນໃນການບຳລຸງສ້າງ,ແຕ່ລະປີ,ຈີນໄດ້ຈັດການແຂ່ງຂັນ,ການເຄື່ອນໄຫວແລກປ່ຽນຫຼາຍລາຍ.ຕາມສະຕິຖິບໍ່ຄົບຖ້ວນ,ປີນີ້,ແຫ່ງຕ່າງໆຂອງຈີນໄດ້ຈັດການເຄື່ອນໄຫວແຂ່ງຂັນຂອງກຳມະກອນເຕັກນິກຊັ້ນສູງເກືອບ300ລາຍ.ມີຜູ້ເຂົ້າຮ່ວມການແຂ່ງຂັນ4ລ້ານ6ແສນກວ່າຄົນ,ກຳມະກອນເຕັກນິກຊັ້ນສູງຜູ້ດີເດັ່ນງວດໜຶ່ງໄດ້ຮັບການຍ້ອງຍໍແລະລາງວັນ.
ເຈົ້າໜ້າທີ່ຂອງກະຊວງແຮງງານແລະປະກັນສັງຄົມຈີນກ່າວວ່າ,ປີໜ້າ,ຈີນຈະສືບຕໍ່ເພີ່ມຄວາມແຮງ,ບູລະນະນະໂຍບາຍແລະມາດຕະການກ່ຽວກັບການບຳລຸງສ້າງກຳມະກອນເຕັກນິກຊັ້ນສູງໃຫ້ສົມບູນຂຶ້ນຢ່າງບໍ່ຢຸດຢັ້ງ,ປົວແປງອົງປະກອບຜູ້ອອກແຮງງານເຕັກນິກໃຫ້ສົບບູນຂຶ້ນເປັນກ້າວໆ,ເພື່ອຕອບສະໜອງຄວາມຕ້ອງການຂອງການພັດທະນາເສດຖະກິດຈີນ.
|
|
|
