|
ທີ່ນີ້ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ່ຟັງທີ່ໂຄລົບ, ໃນຫຼາຍມື້ຕິດໆກັນ
ມານີ້, ກອງທະຫານອິສລາແອນກັບຜູ່ປະກອບອາວຸດປາເລັສຕິນໄດ້ປະທະກັນດ້ວຍກຳ
ລັງອາວຸດຢ່າງຕໍ່ເນື່ອງຢູ່ພາກໃຕ້ແຖບກາຊາ, ຄວາມເຫັນຂັດກັນລະຫວ່າງຜູ່ນຳປາເລັສ
ຕິນອິສລາແອນໃນບັນຫາກົກຮາກບາງອັນໄດ້ຖືກເປີດເຜີຍອອກມາອີກ,ທັງນີ້ບໍ່ພຽງແຕ່
ໄດ້ເຮັດໃຫ້ສະຖານະພາບທີ່ເຫັນໄປໃນແງ່ດີຂອງສະຖານະການປາເລັສຕິນອິສລາແອນ
ທີ່ປະກົດຂຶ້ນໃນໄລຍະມໍ່ໆນີ້ຖືກໂຈມຕີທໍ່ນັ້ນ,ກໍເປັນເງົາມືດປົກຄຸມການເລືອກຕັ້ງປະທານ
ອົງການອຳນາດແຫ່ງຊາດປາເລັສຕິນທີ່ຈະຈັດຂຶ້ນໃນໄວໆນີ້.
ເພື່ອແກ້ແຄ້ນການເຄື່ອນໄຫວຫຼອນໂຈມຕີຂອງຜູ່ປະກອບອາວຸດປາເລັສຕິນ, ແຕ່ວັນທີ
16 ທັນວາເປັນຕົ້ນມາ, ກອງທະຫານອິສລາແອນໄດ້ດຳເນີນການເຄື່ອນໄຫວທາງການ
ທະຫານທີ່ໃຫ້ຊື່ວ່າ "ກັບມືຊີກຂາສີໝາກກ້ຽງ" ຢູ່ພາກໃຕ້ແຖບກາຊາ. ໃນໄລຍະດຳເນີນການເຄື່ອນໄຫວທາງການທະຫານເປັນເວລາ 2 ມື້ນັ້ນ, ກອງທະຫານອິສລາແອນ
ໄດ້ຍິງຊາວປາເລັສຕິນຕາຍ 11ຄົນເປັນຢ່າງໜ້ອຍ, ໄດ້ທຳລາຍເຮືອນຢູ່39ຫຼັງ. ຝ່າຍ
ທະຫານອິສລາແອນກ່າວວ່າ, ກອງທະຫານອິສລາແອນດຳເນີນການເຄື່ອນໄຫວທາງ
ການທະຫານເທື່ອນີ້ ແມ່ນເພື່ອສະກັດກັ້ນຜູ່ປະກອບອາວຸດປາເລັສຕິນສືບຕໍ່ຫຼອນໂຈມຕີເປົ້າໝາຍຂອງອິສລາແອນ. ກອງທະຫານອິສລາແອນຍັງກ່າວເຕືອນວ່າ, ຖ້າຫາກຜູ່ປະກອບອາວຸດປາເລັສຕິນສືບຕໍ່ຫຼອນໂຈມຕີຈຸດຕັ້ງຖິ່ນຖານຊາວຢິວແລ້ວ, ກອງທະຫານອິສລາແອນອາດຈະເປີດການເຄື່ອນໄຫວທາງການທະຫານທີ່ມີຂະໜາດໃຫຍ່ກວ່ານີ້ອີກ.
ລັດຖະບານປາເລັສຕິນປົກຄອງຕົນເອງກ່າວປະນາມການເຄື່ອນໄຫວທາງການທະຫານຂອງກອງທະຫານອິສລາແອນ ໂດຍເຫັນວ່າ, ການເຄື່ອນໄຫວຂອງກອງທະຫານອິສລາແອນໄດ້ສົ່ງຜົນສະທ້ອນຢ່າງໜັກໜ່ວງຕໍ່ການກະກຽມການເລືອກຕັ້ງທົ່ວໄປຂອງອົງການອຳນາດແຫ່ງຊາດປາເລັສຕິນ. ຖ້າການເລືອກຕັ້ງທົ່ວໄປຂອງປາເລັສຕິນຈຳເປັນເລື່ອນເວລາຍ້ອນການເຄື່ອນໄຫວຂອງກອງທະຫານອິສລາແອນແລ້ວ, ລັດຖະບານອິສລາແອນຄວນຫາບແບກຄວາມຮັບຜິດຊອບທັງໝົດ. ເພື່ອສ້າງສະພາບແວດລ້ອມພາຍນອກອັນໝັ້ນທ່ຽງໃຫ້ການຈັດການເລືອກຕັ້ງທົ່ວໄປຢ່າງສະດວກ, ປະຈຸບັນ ອົງການອຳນາດແຫ່ງຊາດປາເລັສຕິນພວມຕັ້ງໜ້າເຈລະຈາກັບບັນດາຝ່າຍປະກອບອາວຸດຂອງປາເລັສຕິນ, ຊຸກຍູ້ໃຫ້ພວກເຂົາເຈົ້າກ້າວເຖິງຂັ້ນເຊັນສັນຍາຢຸດຍິງກັບອິສລາແອນ. ການທີ່ກອງທະຫານອິສລາແອນກັບຜູ່ປະກອບອາວຸດປາເລັສຕິນເກີດການປະທະກັນດ້ວຍກຳລັງອາວຸດອີກຢູ່ພາກໃຕ້ແຖບກາຊານັ້ນ, ບໍ່ຕ້ອງສົງໄສເລີຍວ່າໄດ້ເປັນສິ່ງທ້າທາຍອັນຂ້ຽວຂາດກັບຄວາມພະຍາຍາມຂອງອົງການອຳນາດແຫ່ງຊາດປາເລັສຕິນເພື່ອຢຸດຍິງ.
ນອກນັ້ນ ຫວ່າງມໍ່ໆນີ້ ທ່ານຊາລົງ ນາຍົກລັດຖະມົນຕີອິສລາແອນໄດ້ສະແດງທ່າທີອັນແຂງແຮງໃນແຜນການສ້າງຕັ້ງປະເທດປາເລັສຕິນ, ອັນໄດ້ເຮັດໃຫ້ພາຍໃນປາເລັສຕິນມີປະຕິກິລິຍາຢ່າງຮຸນແຮງ, ເຮັດໃຫ້ສຽງຄັດຄ້ານການປະລະການຕໍ່ສູ້ດ້ວຍກຳລັງອາວຸດນັ້ນໄດ້ດັງແຮງຂຶ້ນຢູ່ພາຍໃນປາເລັສຕິນ. ວັນທີ 16 ທັນວາ, ໃນງານສຳມະນາວິຊາການກ່ຽວກັບບັນຫາການຕ່າງປະເທດແລະຄວາມປອດໄພຂອງອິສລາແອນ, ທ່ານຊາລົງໄດ້ກ່າວຄຳປາໄສວ່າ, ເພື່ອບັນລຸສັນຕິພາບໃນພາກພື້ນ, ອິສລາແອນຕ້ອງປະຕິບັດແຜນການການເຄື່ອນໄຫວແຕ່ຝ່າຍດຽວ, ຖອນທະຫານອອກຈາກແຖບກາຊາຢ່າງຮອບດ້ານ. ແຕ່ໃນຂະນະດຽວກັນ, ທ່ານປະຕິເສດຮັບຮອງສິດກັບຄືນບ້ານເກີດຂອງຊາວອົບພະຍົບປາເລັສຕິນ, ແລະກໍ່ບໍ່ເຫັນດີຖອນທະຫານອິສລາແອນກັບຄືນຮອດເສັ້ນຊາຍແດນກ່ອນເກີດສົງຄາມຕາເວັນອອກກາງຄັ້ງທີສາມເມື່ອປີ 1967, ແລະກ່າວວ່າໃນບັນຫາເຫຼົ່ານີ້, ອາເມລິກາແລະອິສລາແອນໄດ້ກ້າວເຖິງຂັ້ນມີຄວາມຮັບຮູ້ຄືກັນແລ້ວ. ຄຳປາໄສຂອງທ່ານຊາລົງຖືກຝ່າຍປາເລັສຕິນຄັດຄ້ານ. ທ່ານອາບັສ ປະທານບໍລິຫານງານອົງການປົດປ່ອຍປາເລັສຕິນກ່າວວ່າ, ທ່ານຊາລົງໄດ້ເອົາໂຄງຄວາມຄິດກ່ຽວກັບຖານະສຸດທ້າຍຂອງປາເລັສຕິນຂຶນເຕັງໃສ່ປະຊາຊົນປາເລັສຕິນ, ນີ້ແມ່ນຮັບເອົາບໍ່ໄດ້. ທ່ານເອເລຄັດ ຫົວໜ້າຜູ່ແທນເຈລະຈາປາເລັສຕິນກ່າວວ່າ, ຄຳປາໄສຂອງທ່ານຊາລົງສະແດງໃຫ້ເຫັນວ່າທ່ານຂາດຄວາມຈິງໃຈຕໍ່ສັນຕິພາບ. ຫາງສຽງຂອງປາເລັສຕິນເຫັນວ່າ, ໃຕ້ສະພາບທີ່ອິສລາແອນຢູ່ຖານະທ່າແຮງເດັດຖານ, ໃນສະເພາະໜ້ານີ້ ຖ້າຊັ້ນນຳໃໝ່ຂອງປາເລັສຕິນປະລະການຕໍ່ສູ້ດ້ວຍກຳລັງອາວຸດກັບອິສລາແອນຢ່າງເຖິງຖອງແລ້ວ, ຈະເປັນຄວາມຜິດພາດອັນໜັກໜ່ວງ, ປາເລັສຕິນຄວນຍຶດໝັ້ນຍຸດໂທບາຍທີ່ເອົາການຕໍ່ສູ້ດ້ວຍກຳລັງອາວຸດກັບການເຈລະຈາສັນຕິພາບດຳເນີນໄປພ້ອມກັນ.
ຫາງສຽງເຫັນວ່າ, ໃຕ້ສະພາບທີ່ການເລືອກຕັ້ງທົ່ວໄປຂອງປາເລັສຕິນມໍ່ເຂົ້າມາຊັກໃຊ້ນັ້ນ, ການປະທະກັນດ້ວຍກຳລັງອາວຸດຢ່າງຕໍ່ເນື່ອງບໍ່ພຽງແຕ່ຈະກະທົບກະເທືອນເຖິງສະຖຽນລະພາບປາເລັສຕິນຢ່າງໜັກໜ່ວງ ກໍ່ອຸປະສັກຂັດຂວາງການເລືອກຕັ້ງທົ່ວໄປຢ່າງສະດວກທໍ່ນັ້ນ, ຍັງອາດຈະພາໃຫ້ອາລົມຕ້ານອິສລາແອນຂອງປະຊາຊົນປາເລັສຕິນສູງຂຶ້ນອີກດ້ວຍ, ເຮັດໃຫ້ອັດຕາສະໜັບສະໜູນທ່ານອາບັສຖືກກະທົບ, ແລະເຮັດໃຫ້ຄວາມພະຍາຍາມຂອງບັນດາຝ່າຍທີ່ກ່ຽວຂ້ອງເພື່ອຟື້ນຟູຂະບວນວິວັດສັນຕິພາບປາເລັສຕິນອິສລາແອນຄືນໃໝ່ນັ້ນປະສົບຄວາມຫຍຸ້ງຍາກຫຼາຍຍິ່ງຂຶ້ນ.
|
