|
ຫວຽດນາມປະກົດເຫັນໄຂ້ຫວັດສັດປີກອີກ
cri
Author: mengmeng
ຕາມຂ່າວສານຊິນຮວາ, ຕາມສື່ມວນຊົນຫວຽດນາມລາຍງານໃນວັນທີ21ທັນວານີ້ວ່າ, ຫວ່າງມໍ່ໆນີ້, ຢູ່ແຂວງເກິນເທີ່, ແຂວງອັນຢາງແລະແຂວງເຮົາຢາງທີ່ພາກໃຕ້ຫວຽດນາມໄດ້ປະກົດມີໄຂ້ຫວັດສັດປີກອີກ, ໄດ້ເຮັດໃຫ້ໄກ່ປະມານ4500ໂຕຕິດພະຍາດຕາຍຫຼືຖືກຂ້າ.
ປະຈຸບັນ, ແຂວງພາກໃຕ້ຫວຽດນາມທີ່ເກີດພະຍາດໄຂ້ຫວັດສັດປີກພວມເພີ່ມທະວີການຄຸ້ມຄອງແລະຕິດຕາມຕໍ່ສັດປີກລ້ຽງ, ບ່ອນຂ້າສັດແລະຕະຫຼາດ, ເພື່ອປ້ອງກັນບໍ່ໃຫ້ໄຂ້ຫວັດສັດປີກແຜ່ລະບາດອອກຕື່ມອີກ. ພ້ອມກັນນັ້ນ, ລະດູໜາວເຊິ່ງແມ່ນລະດູທີ່ມັກເກີດໄຂ້ຫວັດສັດປີກໃກ້ຈະມາເຖິງ, ທ້ອງຖິ່ນຕ່າງໆຂອງຫວຽດນາມພວມເລັ່ງລັດວຽກງານປ້ອງກັນແລະຄວບຄຸມໄຂ້ຫວັດສັດປີກ, ຍົກສະຕິປ້ອງກັນພະຍາດຂອງມວນຊົນ, ໂດຍສະເພາະແມ່ນມວນຊົນເຂດພາກໃຕ້ໃຫ້ສູງຂຶ້ນ.
|
|
