|
ຫວ່າງມໍ່ໆນີ້,ສະຖາບັນຄົ້ນຄວ້າມະເຣັງຂອງອາເມລິກາໄດ້ປະກາດບົດຄວາມຊີ້ອອກວ່າ,ຊີ້ນປີ້ງທີ່ຄົນທັງຫຼາຍມັກກິນ ໂດຍສະເພາະແມ່ນຊີ້ນລົນຄວັນໄຟແລະປີ້ງຈົນໄຫມ້ນັ້ນກິນຫຼາຍຈະເຮັດໃຫ້ຄົນເປັນມະເຣັງກະເພາະແລະມະເຣັງຫຼອດອາຫານງ່າຍທີ່ສຸດ.
ການຄົ້ນຄວ້າໄດ້ປະກົດເຫັນວ່າ,ຊີ້ນປະເພດທີ່ລົນຄວັນໄຟແລະປີ້ງຈົນໄຫມ້ນັ້ນຕົ້ນຕໍມີວັດຖຸທາດເບື່ອສອງຢ່າງທີ່ພາໃຫ້ເປັນມະເຣັງ,ນ້ຳມັນທີ່ຍ້ອຍອອກໃນເວລາປີ້ງຊີ້ນເມື່ອຢອດລົງໃສ່ຖ່ານໄຫມ້ເປັນຄວັນ,ມັນກໍຈະເກີດວັດຖຸທາດເບື່ອດ່ັງກ່າວຢ່າງຫຼວງຫຼາຍ,ວັດຖຸເຫຼ່ົານີ້ປົນຢູ່ໃນຄວັນໄຟແລ້ວປິວໄປຕິດໃສ່ຊັ້ນນອກຂອງຊີ້ນປີ້ງ,ສະນັ້ນ,ຜູ່ຊ່ຽວຊານສະເຫນີວ່າ,ພະຍາຍາມຢ່າກິນຊີ້ນປີ້ງ,ຊີ້ນທີ່ປີ້ງກິນນັ້ນດີທີ່ສຸດແມ່ນໃຫ້ເລືອກເອົາຊີ້ນບໍ່ມັນ,ຄັນແມ່ນຊີ້ນເປັດຊີ້ນໄກກໍໃຫ້ລອກຫນັງອອກກ່ອນຫຼືກິນປີ້ງປາຈະດີກວ່າກິນຊີ້ນໄຫມ້ເດັດຂາດ.
ຫມາກໄມ້ສົດຊ່ອຍໃຫ້ເດັກນ້ອຍຈະເລີນເຕີບໂຕໃນດ້ານປອດ.ຫວ່າງມໍ່ໆນີ້,ທ່ານເຄິກ ສາສະດາຈານຂອງມະຫາວິທະຍາໄລແພດສາດຂອງໂຮງຫມໍແຊີນ ຈອດຈ໌ທີ່ລອນດອນປະກົດເຫັນວ່າ,ຖ້າໃຫ້ເດັກນ້ອຍກິນຫມາກໄມ້ທຸກມື້ສະມັດຖະພາບປອດຂອງເດັກກໍຈະແຂງແຮງຂຶ້ນ.
ກ່ອນນີ້,ທ່ານເຄິກກໍ່ໄດ້ທຳການຄົ້ນຄວ້າກ່ຽວກັບຜູ່ໃຫຍ່,ຜົນການຄົ້ນຄວ້າໄດ້ສະແດງໃຫ້ເຫັນວ່າ,ຜູ່ໃຫຍ່ກິນຫມາກໄມ້ເລື້ອຍໆກໍສາມາດເພ່ີມສະມັດຖະພາບຂອງປອດຄືກັນ.ຜູ່ຍິງອອກກຳລັງກາຍເລື້ອຍໆສາມາດປ້ອງກັນການເປັນມະເຣັງລຳໃສ້
ຫວ່າງມໍ່ໆນີ້,ທ່ານນາງມາຕິນເນສ ສາສະດາຈານມະຫາວິທະຍາໄລແພດສາດສາທາລະນະສຸກຮາເວີແຫ່ງອາເມລິກາໄດ້ປະກາດບົດລາຍງານຄົ້ນຄວ້າໂດຍຊີ້ອອກວ່າ,ການອອກກຳລັງກາຍສາມາດເຮັດໃຫ້ຜູ່ຍິງທີ່ເປັນມະເຣັງລຳໃສ້ຫນ້ອຍລົງ.
ບົດລາຍງານຊີ້ອອກວ່າ,ມື້ຫນ່ຶງຍ່າງຫຼິ້ນຊ່ົວໂມງຫນ່ຶງກໍຈະສາມາດເຮັດໃຫ້ອັດຕາເປັນພະຍາດມະເຣັງລຳໃສ້ລົງ 50%,ແຕ່ປີ 1976 ເປັນຕົ້ນມາ,ທ່ານນາງມາຕິນເນສແລະເພື່ອນຮ່ວມງານຂອງນາງໄດ້ຄົ້ນຄວ້າຄົນເຈັບເພດຍິງ 1 ແສນ 2 ຫມື່ນຄົນ,ແພດທັງຫຼາຍປະກົດເຫັນວ່າຜູ່ຍິງອ້ວນພີມີອັດຕາເປັນພະຍາດມະເຣັງລຳໄສ້ສູງກວ່າຜູ່ຍິງທຳມະດາຫນ່ຶງເທ່ົາ,ທ່ານນາງມາຕິນເນສສະເຫນີວ່າ,ແມ່ຍິງຕ້ອງອອກກຳລັງກາຍຫຼືຫຼິ້ນກິລາຢ່າງຫນ້ອຍມື້ລະເຄ່ິງຊ່ົວໂມງ.
ໃຊ້ຫູສະເຕລີໂອຟັງດົນຕີຈະເປັນໂທດຕໍ່ສະມັດຖະພາບໃນການຟັງ.ຫວ່າງມໍ່ໆນີ້,
ວາລະສານນັກວິທະຍາສາດໃຫມ່ຂອງເຢຍລະມັນໄດ້ພິມບົດລາຍງານຂອງນັກຄົ້ນຄວ້າຂອງມະຫາວິທະຍາໄລຮາຍອິນລິສ ຮາຍເນຍ ບົດລາຍງານຂຽນວ່າ,ການໃຊ້ຫູຟັງດົນຕີສະເຕລີໂອຈະພາໃຫ້ເສຍຫູຢ່າງແຮງ.ບົດລາຍງານຂຽນວ່າ,ໃນຫມູ່ຊາວຫນຸ່ມອາຍຸ 18 ປີຂອງເຢຍລະມັນ,ມີ 10% ເສຍຫູຍ້ອນໃຊ້ຫູສະເຕລີໂອຟັງດົນຕີເລື້ອຍໆ,ໃນເວລາໂອ້ລົມກັນໃນຍາມປົກກະຕິ,ພວກເຂົາເຈົ້າມັກບໍ່ໄດ້ຍິນຄັກວ່າຫມູ່ເວົ້າຫຍັງ.
ການຄົ້ນຄວ້າສະແດງໃຫ້ເຫັນວ່າ,ຜູ່ທີ່ມັກໃສ່ຫູຟັງແລະເຕັ້ນດິສໂກນັ້ນ,ສະມັດຖະພາບໃນການຟັງຖືກທຳລາຍເຖິງ 10 ເດຊີແບນ,ຫຼາຍຄົນໃນຫມູ່ເຂົາເຈົ້າບໍ່ສາມາດຈຳແນກການອອກສຽງຂອງອັກສອນຕົວແອັສແລະຕົວແອັຟ.ປະຈຸບັນ,ນັກວິຊາ.ການຄົ້ນຄວ້າພວມຄົ້ນຄວ້າເຮັດວັກຊິນຊະນິດຫນ່ຶງສາມາດຟື້ນຟູສະມັດຖະພາບໃນການຟັງຂອງຫູ.
|
