|
CRI ລາຍງານວ່າ,ເມື່ອຫວນຄືນສະຖານະການ ແຫຼມເກົາຫລີໃນປີ 2004 ,ເຮັດໃຫ້ຄົນຊື່ນໃຈທັງເປັນຫ່ວງນຳ, ຂະບວນວິວັດການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີ ການສົນທະນາກັນລະຫວ່າງພາກເຫນືອກັບພາກໃຕ້ແຫຼມເກົາຫລີລ້ວນແຕ່ໄດ້ຮັບການຄືບຫນ້າເປັນຫນ້າຊື່ນໃຈ, ແຕ່ປະຈຸບັນໄດ້ຢຸດສະງັກລົງຍ້ອນສາຍເຫດຕ່າງໆ,ທັງນີ້ກໍເຮັດໃຫ້ຄົນເປັນຫ່ວງເປັນໃຍນຳ.
ບັນຫານິວເຄຼຍແຫຼມເກົາຫລີແມ່ນບັນຫາຂໍປະເດັນທີ່ສຸດທີ່ຕົກລົງສະຖານະການ ແຫຼມເກົາຫລີ, ຕັ້ງແຕ່ຈັດການເຈລະຈາ 6 ຝ່າຍຮອດໜຶ່ງໃນເດືອນສິງຫາ ປີ 2003 ແລ້ວ,ເມື່ອເດືອນມັງກອນແລະເດືອນມິຖຸນາໃນປີ 2004 ໄດ້ຈັດການເຈລະຈາ 6 ຝ່າຍຮອບສອງແລະຮອບສາມເປັນລຳດັບ.ການເຈລະຈາສອງຮອບນີ້ເຮັດໃຫ້ການເຈລະຈາກ່ຽວກັບບັນຫານິວເຄຼຍແຫຼມເກົາຫລີກ້າວເຂົ້າສູ່ໄລຍະແກ້ໄຂບັນຫາທາດແທ້.
ໃນການເຈລະຈາ,ຝ່າຍຕ່າງໆລ້ວນແຕ່ສະເຫນີແຜນການທີ່ແກ້ໄຂບັນຫາ, ໄດ້ສະແດງໃຫ້ເຫັນທ່າທີຕິດແທດຕົວຈິງກວ່າເກົ່າ,ສປປເກົາຫລີສະແດງເປັນເທື່ອທຳອິດຍິນດີປະລະອາວຸດນິວເຄຼຍທັງຫມົດແລະແຜນການທີ່ກ່ຽວຂ້ອງດ້ວຍຮູບການໄສສ່ອງ, ທັງໄດ້ສະເຫນີແຜນການທີ່ງົດນິວເຄຼຍທີ່ລະອຽດ ຍິນດີຮັບເອົາການກວດກາ, ຝ່າຍອາເມລິກາກ່າວເນັ້ນວ່າບໍ່ໃຊ້ນະໂຍບາຍເປັນປໍລະປັກກັບສປປເກົາຫລີ,ທັງສະເຫນີເປັນເທື່ອທຳອິດຫວັງໃຫ້ສປປເກົາຫລີປະລະແຜນການນິວເຄຼຍທັງຫມົດດ້ວຍຮູບການຖາວອນ ຮອບດ້ານແລະໄສສ່ອງ,ນອກນີ້,ຝ່າຍຕ່າງໆທີ່ກ່ຽວຂ້ອງຍັງໄດ້ສ້າງຕັ້ງຫນ່ວຍວຽກງານພາຍໃນໂຄງຮ່າງການເຈລະຈາ 6 ຝ່າຍ,ແລະຫນ່ວຍວຽກງານໄດ້ຈັດກອງປະຊຸມສອງເທື່ອເປັນລຳດັບ,ທັງນີ້ໄດ້ເຮັດໃຫ້ການເຈລະຈາ 6 ຝ່າຍຢ່ວງບາດກ້າວສຳຄັນບາດໜຶ່ງບົນເສັ້ນທາງກົນໄກ.
ເລື່ອງເສຍດາຍແມ່ນຕາມແຜນການເດີ່ມການເຈລະຈາ 6 ຝ່າຍຮອບໃຫມ່ຈະຈັດ ຂຶ້ນກ່ອນທ້າຍເດືອນກັນຍາແຕ່ຈົນຮອດປະຈຸບັນນີ້ຍັງບໍ່ທັນໄດ້ຈັດຂຶ້ນ,ກອງປະຊຸມຫນ່ວຍງານທີ່ກ່ຽວຂ້ອງກໍບໍ່ໄດ້ຈັດຂຶ້ນເຊັນດຽວກັນ,ສາຍເຫດອັນກົກຮາກຍັງແມ່ນຍ້ອນສປປເກົາຫລີແລະອາເມລິກາບໍ່ມີຄວາມໄວ້ເນື້ອເຊື່ອໃຈເຊິ່ງກັນແລະກັນ.ປະຈຸບັນນີ້,ຝ່າຍກ່ຽວຂ້ອງພວມດຳເນີນການໄກ່ເກ່ຍເພື່ອຈັດການເຈລະຈາ 6 ຝ່າຍຮອບໃຫມ່, ສປປເກົາຫລີແລະອາເມລິກາລ້ວນແຕ່ບໍ່ໄດ້ສະແດງຢ່າງຈະແຈ້ງວ່າບໍ່ຍິນດີດຳເນີນຂະບວນວິວັດການເຈລະຈາ 6 ຝ່າຍຕໍ່ໄປ,ທັງນີ້ຈົ່ງເຮັດໃຫ້ຄົນທັງຫຼາຍເຕັມໄປດ້ວຍຄວາມຄອງຄອຍມີຄວາມປາຖະຫນາຕໍ່ການເຈລະຈາ 6 ຝ່າຍຮອບໃຫມ່.
ປີນີ້,ສອງພາກເຫນືອແລະພາກໃຕ້ໃນແຫຼມເກົາຫລີສືບຕໍ່ຊຸກຍູ້ຂະບວນການວິວັດປອງດອງກັນແລະການຮ່ວມມືກັນ,ການເຈລະຈາລະດັບລັດຖະມົນຕີຄັ້ງທີ 14 ລະຫວ່າງສປປເກົາຫລີແລະ ສ.ເກົາຫລີ ກອງປະຊຸມຄັ້ງທີ 9 ຂອງຄະນະກຳມະການຮ່ວມມືເສດຖະກິດລະຫວ່າງສອງພາກທີ່ຈັດຂຶ້ນໃນ 6 ເດືອນຕົ້ນປີນີ້ຕາມເວລາກຳນົດນັ້ນລ້ວນແຕ່ກ້າວເຖິງຂັ້ນມີຄວາມຮັບຮູ້ຄືກັນອັນຕັ້ງຫນ້າ,ເລື່ອງທີ່ຕ້ອງກ່າວເຖິງນັ້ນແມ່ນໃນປີນີ້,ການຮ່ວມມືລະຫວ່າງສອງພາກໄດ້ຮັບການຄືບຫນ້າໃນຂົງເຂດທາງການທະຫານ,ໃນການເຈລະຈາທາງການທະຫານຂັ້ນນາຍພົນທີ່ຈັດຂຶ້ນເປັນເທື່ອທຳອິດ, ສອງພາກໄດ້ວາງມາດຕະການຈຳນວນໜຶ່ງກ່ຽວກັບການປ້ອງກັນການປະທະກັນດ້ວຍກຳລັງອາວຸດໃນນ່ານທະເລພາກຕາເວັນຕົກແຫຼມເກົາຫລີຢ່າງມີບັງເກີດຜົນແລະກ້າວເຖິງຂັ້ນມີຄວາມຮູ້ຄືກັນກ່ຽວກັບເຊົາໂຄສະນາໂຈມຕີຝ່າຍກົງກັນຂ້າມຢູ່ເສັ້ນແບ່ງເຂດທາງການທະຫານ,ແຕ່ຍ້ອນລັດຖະບານສາທາລະນະລັດເກົາຫລີໃຊ້ຍົນຮັບເອົາພົນລະເມືອງສປປເກົາຫລີທີ່ໂຕນຫນີໄປຕ່າງປະເທດ 400 ກວ່າຄົນໄປສາທາລະນະລັດເກົາຫລີແລະເຫດການອື່ນໆ,ຈຶ່ງເຮັດໃຫ້ການສົນທະນາກັນລະຫວ່າງສປປເກົາຫລີແລະສາທາລະນະລັດເກົາຫລີໃນຂົງເຂດການເມືອງການ ທະການເປັນຕົ້ນໄດ້ຢຸດສະງັກລົງແຕ່ທ້າຍເດືອນກໍລະກົດປີນີ້ຈົນຮອດປະຈຸບັນ,ແຕ່ ກໍຄວນຮັບຮູ້ວ່າ,ການຮ່ວມມືເສດຖະກິດການຄ້າລະຫວ່າງສປປເກົາຫລີແລະສາທາລະນະລັດເກົາຫລີບໍ່ໄດ້ຢຸດເຊົາຈັກເທື່ອ,ເຂດອຸດສາຫະກຳເມືອງໄຂຊອງເຊິ່ງເປັນໂຄງການຮ່ວມມືເສດຖະກິດການຄ້າໃຫຍ່ກວ່າຫມູ່ຂອງສອງພາກມີຄວາມຫວັງຮັບເອົາວິສາຫະກິດສາທາລະນະລັດເກົາຫລີ 13 ແຫ່ງເຂົ້າປະຈຳພາຍໃນປີນີ້.
ການຈັດວາງ ຂອງທະຫານອາເມລິກາຢູ່ ສ. ເກົາຫລີກໍແມ່ນປັດໃຈທີ່ເບິ່ງຂ້າມບໍ່ໄດ້ທີ່ກະທົບກະເທືອນເຖິງສະຖານະການແຫຼມເກົາຫລີ,ໃນປີ 2004,ສ.ເກົາຫລີແລະອາເມລິກາໄດ້ກ້າວເຖິງຂັ້ນເປັນເອກະພາບກັນກ່ຽວກັບແຜນການຫຼຸດຈຳນວນທະຫານອາເມລິກາປະຈຳ ສ.ເກົາຫລີລົງ ຈຳນວນ 12 ພັນ 500 ຄົນກ່ອນທ້າຍປີ 2008ໂດຍແບ່ງເປັນໄລຍະ,ນອກນີ້,ທະຫານອາເມລິກາປະຈຳຖານທັບຝັງຊານເຊອຸ່ນທີ່ຫ່າງຈາກເສັ້ນແບ່ງເຂດທະຫານບໍ່ໄກຈະຍ້າຍໄປຮອດແຖບພຽງແທັກ ທີ່ຢູ່ພາກໃຕ້ເຊອຸ່ນ 70 ກິໂລແມັດກ່ອນປີ 2008 ,ພ້ອມກັນນັ້ນ,ທະຫານອາເມລິກາໄດ້ສຳເລັດການຈັດວາງອາວຸດຢອດຢ້ຽມຈຳນວນຫຼວງຫຼາຍຢູ່ສ.ເກົາຫຼີໃນນັ້ນລ້ວມທັງລະບົບລູກສອນໄຟນຳວິຖິເພັດຕຼີອອດ,ເພື່ອຫຼີກເວັ້ນບັນເທົາກຳລັງລົບຍ້ອນການຊັບຊ້ອນທາງການທະຫານ.
ເນື່ອງຈາກການປະທະກັນໃນປະຫວັດສາດແລະຜົນປະໂຫຍດໃນປະຈຸບັນຈຶ່ງເຮັດໃຫ້ສະຖານະພາບສົງຄາມເຢັນໃນແຫຼມເກົາຫລີສືບຕໍ່ມາຮອດປະຈຸບັນນີ້ໂດຍຕະຫຼອດ,ສະຖານະພາບສົງຄາມເຢັນນີ້ແມ່ນສາຍເຫດສຳຄັນທີ່ເຮັດໃຫ້ສະຖານະການແຫຼມເກົາຫລີສັບສົນເຂົ້າແລະມີການປ່ຽນແປງຫຼາຍ,ເມື່ອສັງເກດເບິ່ງສະຖານະການແຫຼມເກົາຫລີໃນປີ 2004ແລ້ວ,ຈະໄດ້ເຫັນວ່າ,ຝ່າຍຕ່າງໆມີແຕ່ ດຳເນີນການສົນທະນາກັນໂດຍສັນຕິຈຶ່ງຈະສາມາດເພີ່ມທະວີຄວາມເຂົ້າໃຈກັນ, ເປີດກວ້າງຄວາມຮັບຮູ້ຄືກັນເປັນເທື່ອລະກ້າວ,ເມື່ອບັນດາຝ່າຍມີຄວາມຈິງໃຈ ຄວາມຕັນສິນໃຈແລະຄວາມຫມັ້ນໃຈແລ້ວຈຶ່ງຈະສາມາດບັນລຸຈຸດຫມາຍທີ່ເຮັດໃຫ້ແຫຼມເກົາຫລີປອດນິວເຄຼຍແລະເຮັດໃຫ້ແຫຼມເກົາຫລີມີສັນຕິພາບແລະສະຖຽນລະພາບຖາວອນໃນທີ່ສຸດໄດ້.
|
