|
ເອກະສານຫລ້າສຸດສະແດງໃຫ້ເຫັນວ່າ, ຂອບເຂດທະຫານອາເມລິກາທໍລະມານສະເລີຍເສິກກວ້າງຂວາງກວ່າເກົ່າ
cri
Author: sayvanny
ຕາມຂ່າວສານຊີນຮວາ:ຫນັງສືພິມວໍຊິງຕັນໂພສ໌ອາເມລິກາສະບັບວັນທີ 22 ແຈ້ງວ່າ, ເອກະສານທີ່ປະກາດໃຫມ່ສຸດສະແດງໃຫ້ເຫັນວ່າ, ເຫດການທະຫານອາເມລິກາທໍລະມານສະເລີຍເສິກຈະກວ້າງຂວາງກວ່າຂອບເຂດເຜີຍແບອອກໃນແຕ່ກ່ອນ.
ຂ່າວແຈ້ງວ່າ,ເອກະສານທີ່ໄດ້ຈາກ 5 ພະແນກຄື ກອງບັນຊາການສຳຫລວດການຕ້ອງໂທດຂອງກອງທັບບົກໄດ້ບັນລະຍາຍລະອຽດກ່ຽວກັບຜູ່ສຳຫລວດການຕ້ອງໂທດຂອງກອງທັບບົກສຳຫລວດເຫດການທຫານອາເມລິກາທໍລະມານສະເລີຍເສິກອີຣັກ,ໄດ້ກ່າວເຖິງສະພາບທະຫານອາເມລິກາທໍລະມານສະເລີຍເສິກໃນຄຸກຖານທັບເຮືອອາເມລິກາປະຈຳກວນຕານາໂມ ອີຣັກແລະອາຟການີສະຖານ.ຜູ່ເຂົ້າຮ່ວມການທໍລະມານສະເລີຍເສິກບໍ່ພຽງແຕ່ມີທະຫານທຳມະດາທໍ່ນັ້ນ, ຍັງມີທະຫານພິເສດອີກດ້ວຍ.
ໃນຄະດີທີ່ຖືກເຜີຍແບຢ່າງຫລວງຫລາຍນັ້ນ, ຜູ່ບັນຊາການກອງທັບບົກໄດ້ໃຊ້ມາດຕະການບໍ່ແມ່ນທາງອາດຍາຕໍ່ທະຫານທີ່ເຂົ້າຮ່ວມເຫດການທໍລະ ມານສະເລີຍເສິກ.ບົດສຳຫລວດສ່ວນຫລາຍມີຂໍ້ບົກຜ່ອງຢ່າງຫລວງຫລາຍຈົນເຮັດໃຫ້ຝ່າຍກ່າວຫາບໍ່ຮູ້ຈະເຮັດແນວໃດ. ອົງການສິດທິມະນຸດສ່ວນຫນຶ່ງເຫັນວ່າ,ເມື່ອທຽບກັບທະຫານທໍລະມານສະເລີຍເສິກໂດຍກົງນັ້ນແລ້ວ, ພວກເຂົາເຈົ້າຖືກລົງໂທດເບົາໂພດ.
|
|
