|
|
 |
| (GMT+08:00)
2004-12-23 16:19:00
|
 |
|
ບ້ານຜ້າໄຫມຫວຽດນາມທີ່ພວມພັດທະນາ
cri
Author: sayvanny
ຫວ່າງກ່ອນນີ້ບໍ່ດົນ ນາງມາລີຊາ.ອິຟລິນ ແມ່ຍິງອາເມລິກາທີ່ນຸ່ງເຄື່ອງຫລູຫລາສວຍງາມໄດ້ຍ່າງເຂົ້າຮ້ານຂາຍຜ້າໄຫມຫລັງຫນຶ່ງທີ່ບ້ານຫວັນຝຸກ ແຂວງຫ້າໄຕ່ ພາກເຫນືອຫວຽດນາມ.ເພິ່ນຕິດຕາມສາມີມາເຮັດວຽກຢູ່ຫວຽດ ນາມເທື່ອໃດ, ກໍ່ຕ້ອງໄປຊື້ຢູ່ບ້ານຫວັນຝຸກ,ເພື່ອເພີ່ມຕື່ມໃຫ້ຮ້ານສິ່ງຍອດຢ້ຽມບົວລະພາຂອງເພິ່ນທີ່ຕັ້ງຢູ່ລັດກາລີຟໍເນຍ.
ບ້ານຫວັນຝຸກມັກມີລູກຄ້າເກົ່າຫລວງຫລາຍຄືນາງອິຟລິນມາ. ຜ້າໄຫມທີ່ຜະລິດຢູ່ແຫ່ງນີ້ຊະນິດຄົບຖ້ວນ, ທັງລາຄາຖືກ,ໄດ້ຮັບຄວາມນິຍົມຈາກຊາວຕ່າງປະເທດຫລາຍ,ຄົນທ້ອງຖີ່ນນັ້ນກໍ່ມັກທີ່ສຸດ.
ຫວ່າງກ່ອນນີ້ບໍ່ດົນ, ນັກຂ່າວໄດ້ໄປຢາມບ້ານຜ້າໄຫມທີ່ມີຊື່ລືນາມນີ້.ຢູ່ທາງເຂົ້າບ້ານ,ກໍ່ໄດ້ເຫັນປະຕູໂຂງໃຫຍ່ທີ່ຕິດປ້າຍ"ບ້ານຜ້າໄຫມຫວັນຝຸກ",ລູກຄາເປັນຫມູ່ສາມຫມູ່ສີ່ໄດ້ຂີ່ລົດຈັກຂົນເອົາຜ້າໄຫມ້ເຂົ້າອອກບ້ານ.ຢູ່ສອງຂ້າງເສັ້ນທາງໃຫຍ່ຢູ່ໃຈກາງບ້ານທີ່ຍາວ 1000 ກວ່າແມັດ, ມີຮ້ານຂາຍເຄື່ອງນຸ່ງ 100 ກວ່າຮ້ານແລະຮ້ານຕັດຫຍັບຊັ້ນສູງຫລາຍສິບຫລັງຕັ້ງຊ້ອງໆກັນ.
ທ່ານຫງຽນວັນຫົງ ປະທານສະຫະກອນຮ່ວມມືປັ່ນທໍຜ້າໄຫມບ້ານຫວັນຝຸກແນະນຳວ່າ, ບ້ານຫວັນຝຸກແມ່ນບ້ານຫັດຖະກຳຄອບຄົວດັ້ງເດີມ.ທົ່ວບ້ານມີ 1500 ຄອບຄົວ, ໃນນັ້ນມີໂຮງຕ່ຳຜ້າໄຫມ 800 ກວ່າຄອບຄົວ, ລວມທັງຫມົດມີຈັກຕ່ຳຜ້າ 1000 ກວ່າເຄື່ອງ,ບາງຄອບຄົວມີຈັກຕ່ຳຜ້າ 15 ຫາ 30 ເຄື່ອງ.ທົ່ວບ້ານຕ່ຳຜ້າໄຫມ 2 ລ້ານ 5 ແສນແມັດຕໍ່ປີ.ປະຈຸບັນ, ບ້ານຫວັນຝຸກໄດ້ມີການບໍລິການຜະລິດແລະຈຳຫນ່າຍຄົບວົງຈອນ. ຕາມສະຖິຕິທີ່ບໍ່ຄົບຖ້ວນ,ໃນສາມປີທີ່ຜ່ານມາ, ປີໃດ ບ້ານຫວັນຝຸກກໍ່ໄດ້ຂາຍຜ້າໄຫມ 2 ລ້ານແມດຢູ່ຕະຫລາດທ້ອງຖີ່ນນັ້ນ.ພຽງໃນ 6 ເດືອນຕົ້ນປີນີ້, ທົ່ວບ້ານກໍ່ໄດ້ຂາຍຜ້າໄຫມ 1 ລ້ານແມັດແລ້ວ, ຍອດມູນຄ່າຈຳຫນ່າຍບັນລຸປະມານ 8 ແສນ 3 ຫມື່ນໂດລາສະຫະລັດ.
ບ້ານຫວັນຝຸກແມ່ນແບບຢ່າງເດັ່ນຂອງລັດຖະບານຫວຽດນາມໃນການພັດທະນາບ້ານຫັດຖະກຳຢູ່ຊົນນະບົດໃນຫລາຍປີມານີ້.ການພັດທະນາບ້ານ ຫັດຖະກຳຢູ່ຊົນນະບົດແມ່ນເນື້ອໃນສຳຄັນຂອງແຜນການລັດຖະບານບຳບັດຄວາມທຸກຍາກແລະເພີ່ມລາຍຮັບຂອງຊາວກະສິກອນ.ໃນຫລາຍປີມານນີ້, ລັດຖະບານຫວຽດນາມໄດ້ໃຊ້ນະໂຍບາຍບຳບັດພວງຫນຶ່ງເຊິ່ງລວມທັງໃຫ້ເງິນກູ້ດອກເບັ້ຍຕ່ຳເປັນຕົ້ນ, ອັນໄດ້ເຮັດໃຫ້ຫັດຖະກຳໃນຊົນນະບົດໄດ້ຮັບການຟື້ນຟູແລະພັດທະນາຢ່າງວ່ອງໄວ,ໄດ້ມີບົດບາດຕັ້ງຫນ້າຕໍ່ການເພີ່ມລາຍຮັບຂອງຊາວກະສິກອນ.ທ່ານຫງຽນວັນຫົງເວົ້າວ່າ, ລັດຖະ ບານໃຫ້ ການສະຫນັບສະຫນູນໃນດ້ານໃຫ້ເງິນກູ້ແລະຊາວບ້ານພ້ອມກັນພະຍາຍາມເຮັດໃຫ້ຜ້າໄຫມຂອງບ້ານຫວັນຝຸກໄດ້ຈັ້ງຕີນຢູ່ໃນຕະ ຫລາດທີ່ມີການແກ່ງແຍ່ງຢ່າງດຸເດືອດ,ແລະໄດ້ຮັບການພັດທະນາຢ່າງຕໍ່ເນື່ອງ.ຊູ່ມື້ນີ້,ຊາວບ້ານສ່ວນຫລາຍໄດ້ອາໃສການຕ່ຳຜ້າໄຫມແລ້ວຫລຸດພົ້ນ ອອກຈາກຄວາມທຸກຍາກ,ແລະສ້າງຮັ່ງຄຸນມີຂຶ້ນ.ປະຈຸບັນ ເຄື່ອງປັ່ນທໍຂອງບ້ານຫວັນຝຸກໄດ້ຂາຍຢູ່ຕະຫລາດເອີລົບແລະອາເມລິກາແລ້ວ, ແຕ່ປະລິມານສົ່ງອອກຍັງຫນ້ອຍ, ພຽງແຕ່ກວມ 1/10 ໃນຍອດປະລິມານຜະລິດທໍ່ນັ້ນ.ທ່ານຫງຽນວັນຫົງເວົ້າວ່າ, ຕໍ່ໄປພາຍຫນ້າ, ການບຸກເບີກຕະຫລາດອ່າວເປີເຊຍ,ເພີ່ມທະວີການສົງອອກແມ່ນທິດພະຍາ ຍາມຂອງທົ່ວບ້ານ.ສະນັ້ນ,ບ້ານຫວັນຝຸກຈະເພີ່ມຄວາມແຮງໃນດ້ານເພີ່ມຊະ ນິດລວດລາຍແລະຍົກຄຸນນະພາບຂອງຜ້າໄຫມໃຫ້ສູງ, ປ່ຽນຖ່າຍຈັກຕ່ຳຜ້າ,ເພີ່ມທະວີການອົບຮົມກຳມະກອນ, ຍົກລະດັບເຕັກໂນໂລຢີຂຶ້ນ.ທົ່ວບ້ານຍັງຈະໃຊ້ວິທີຕ່າງໆຄື ສ້າງແວບໄຊການຄ້າແລະເຂົ້າຮ່ວມງານຕະຫລາດນັດເປັນຕົ້ນ, ໂຄສະນາສິນຄ້າຢູ່ພາຍໃນປະເທດແລະຕ່າງປະເທດ, ຍົກຊື່ສສຽງຂອງຜະລິດຕະພັນໃຫ້ສູງຂຶ້ນ, ແລະເພີ່ມໂກຕາຂອງຕະຫລາດໃຫ້ຫລາຍ.
|
|
|
