|
ບັງກະລາເດັດ,ຈີນ,ອິນເດຍແລະມຽນມາເຊັນຖະແຫຼງການ,ເພີ່ມທະວີການຮ່ວມມືເສດຖະກິດພາກພື້ນ
cri
Author: q
ຕາມຂ່າວສານຊິນຮວາ,ວັນທີ22ທັນວາ,ຢູ່ນະຄອນຄຸນມິງ,ຄະນະຜູ້ແທນ4ຝ່າຍຄື ບັງກະລາເດັດ,ຈີນ,ອິນເດຍແລະມຽນມາທີ່ເຂົ້າຮ່ວມກອງປະຊຸມຄັ້ງທີ5ຂອງເວທີປາໄສການຮ່ວມມືເສດຖະກິດພາກພື້ນບັງກະລາເດັດ,ຈີນ,ອິນເດຍແລະມຽນມາໄດ້ເຊັນຖະແຫຼງການຮ່ວມມືຄຸນມິງ.ການເຊັນຖະແຫຼງການດັ່ງກ່າວມີຜົນດີຕໍ່ການຊຸກຍູ້ການຮ່ວມມືເສດຖະກິດພາກພື້ນບັງກະລາເດັດ,ຈີນ,ອິນເດຍແລະມຽນມາພັດທະນາໄປສູ່ລວງເລິກແລະລວງກວ້າງຕື່ມອີກ.
ອີງຕາມຖະແຫຼງການດັ່ງກ່າວ,ຕໍ່ໄປພາຍໜ້າ,ບັງກະລາເດັດ,ຈີນ,ອິນເດຍແລະມຽນມາຈະເສີມຂະຫຍາຍທ່າແຮງຂອງພາກພື້ນຕົ້ນຄືມີຊັບພະຍາກອນອັນອຸດົມສົມບູນແລະມີຄວາມຕາບຈູນກັນຫຼາຍໃນດ້ານເສດຖະກິດ,ສົ່ງເສີມການຮ່ວມມືຫັນການຄ້າແລະການລົງທຶນເປັນແບບສະດວກ,ຕັ້ງໜ້າຄົ້ນຄວ້າຫາລືການປົວແປງພື້ນຖານໂຄງລ່າງຄົມມະນາຄົມພາຍໃນພາກພື້ນ,ໄຂສາຍການບິນໂດຍກົງ,ເຮັດໃຫ້ການໄປມາຫາສູ່ກັນແລະການຄ້າພາຍໃນພາກພື້ນເພີ່ມຂຶ້ນເລື້ອຍໆ.ເພີ່ມທະວີການຮ່ວມມືດ້ານ ທ້ອງທ່ຽວ,ຊຸກຍູ້ການແລກປ່ຽນວັດທະນະທຳ,ຄົ້ນຄວ້າຫາລືດຳເນີນການຮ່ວມມືໃນຂົງເຂດກະສິກຳ,ວິທະຍາສາດເຕັກນິກ,ຂໍ້ມູນຂ່າວສານໂທລະຄົມແລະຂົງເຂດອື່ນໆ,ຄ່ອຍໆຈໍ່ຕົວເປັນໂຄງຮ່າງຮ່ວມມືພາກພື້ນທີ່ມີຫຼາຍລະດັບ,ຫຼາຍຮູບການແລະມີຂອບເຂດກວ້າງຂວາງ.
|
|
